အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနနှင့် မြန်မာနိုင်ငံဆိုင်ရာ အိန္ဒိယနိုင်ငံသံရုံးတို့ ပူးပေါင်းကျင်းပတဲ့ အိန္ဒိယနိုင်ငံမှာဆောင်ရွက်လျက်ရှိတဲ့ Aadhaar စနစ်လေ့လာခြင်းဆိုင်ရာ အလုပ်ရုံဆွေးနွေးပွဲကို အောက်တိုဘာလ(၃၀)ရက်က နေပြည်တော်ရှိ အဆိုပါဝန်ကြီးဌာန အစည်းအဝေးခန်းမ မှာကျင်းပခဲ့ရာ e-ID စနစ်လုပ်ငန်းကော်မတီ ဥက္ကဋ္ဌ၊ အလုပ်သမား၊လူဝင်မှုကြီးကြပ်ရေးနှင့်ပြည့်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေနှင့် e-ID လုပ်ငန်းကော်မတီ ဒုတိယဥက္ကဋ္ဌ ၊လုပ်ငန်းကော်မတီဝင်များ၊ မြန်မာနိုင်ငံဆိုင်ရာ အိန္ဒိယနိုင်ငံ သံအမတ်ကြီး  Mr.Vikram Miris ( မစ္စတာ ဗစ်ရန် မီရစ်)နှင့် UIDAI မှ တာဝန်ရှိသူများ၊ ဌာနဆိုင်ရာများမှတာဝန်ရှိသူများတက်ရောက်ခဲ့ကြပါတယ်။

စီအစဉ်အရ e-ID စနစ်လုပ်ငန်းကော်မတီ ဥက္ကဋ္ဌ၊  ပြည်ထောင်စုဝန်ကြီး ဦးသိန်းဆွေက ယခုအလုပ်ရုံဆွေးနွေးပွဲမှာ အိန္ဒိယအစိုးရ၏ အဖွဲ့အစည်းတစ်ခုဖြစ်တဲ့ Unique Identification Authority Of India (UIDAI) မှ တာဝန်ရှိသူများကိုယ်တိုင်လာရောက်ပြီး အိန္ဒိယနိုင်ငံ၏ Aadhaar စနစ်နှင့် ပတ်သက်တဲ့ အတွေ့အကြုံများကိုရှင်းလင်းဆွေးနွေးကြမှာ ဖြစ်တဲ့အတွက် မြန်မာနိုင်ငံတွင် ဆောင်ရွက်မည့် e-ID စနစ်အတွက် များစွာအထောက်အကူဖြစ်စေနိုင်ပါကြောင်း၊  မိမိတို့ဝန်ကြီးဌာနအနေနဲ့ နိုင်ငံသားစိစစ်ခြင်းလုပ်ငန်းကို Digital စနစ်သို့ ပြောင်းလဲဆောင်ရွက်ရန် လေ့လာသုံးသပ်လျက်ရှိပါကြောင်း၊ 
နိုင်ငံတကာမှာ ဆောင်ရွက်နေသကဲ့သို့ နည်းပညာအသုံးပြုပြီး နိုင်ငံအတွင်း နေထိုင်သူတစ်ဦးခြင်းစီ၏ကိုယ်ရေးအချက်အလက် Biographic data နှင့်လက်ဗွေ မျက်လုံးသူငယ်အိမ် မျက်နှာဓာတ်ပုံ(Biometic Data) (ဘိုင်အိုမက်တစ်)များကို သိမ်းဆည်းကာ လူတစ်ဦးချင်းစီအတွက် Unique ID number တစ်ခုစီပေးပြီး Data Base တွင် မှတ်တမ်းတင်သိမ်းဆည်းခြင်းလုပ်ငန်းကို ဦးစားပေးလုပ်ငန်းအဖြစ် ဆောင်ရွက်သွားမည်ဖြစ်ပါကြောင်း၊ မူလရည်မှန်းထားသည့် နိုင်ငံသားစိစစ်ခြင်းလုပ်ငန်းကို Digital စနစ်ဖြင့်ပြောင်းလဲပြီး နိုင်ငံသားကဒ်ကို စမတ်ကဒ်ဖြင့် ထုတ်ပေးခြင်းလုပ်ငန်းကို ဒုတိယအဆင့်အနေဖြင့် ဆောင်ရွက်သွားမည်ဖြစ်ပါကြောင်း၊  e-ID စနစ်ကို မြန်မာတစ်နိုင်ငံလုံးအတိုင်းအတာဖြင့် ဆောင်ရွက်မည်ဖြစ်ရာ လုပ်ငန်းပမာဏကြီးမားသည့်အပြင် နည်းပညာနှင့် လုံခြုံရေးဆိုင်ရာ ကဏ္ဍများကိုလည်း ထည့်သွင်းစဉ်းစားဆောင်ရွက်ရမည်ဖြစ်သဖြင့် e-ID လုပ်ငန်းနှင့်ပတ်သက်ပြီး လူဦးရေမှတ်ပုံတင်ခြင်းစနစ်ကို အောင်မြင်စွာအကောင်အထည်ဖော်နိုင်ခဲ့သည့် အိန္ဒိယနိုင်ငံ၏ Aadhaar စနစ်ကို လေ့လာနိုင်ရန်အတွက် ယခုအလုပ်ရုံဆွေးနွေးပွဲကိုကျင်းပရခြင်းဖြစ်ပါကြောင်း၊

ယခုအလုပ်ရုံဆွေးနွေးပွဲ ဖြစ်မြောက်ရေးအတွက် ပံ့ပိုးကူညီပေးသည့် မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီးနှင့်(UIDAI) မှ တာဝန်ရှိသူများအား ကျေးဇူးတင်ရှိပါကြောင်း ရှင်းလင်းပြောကြားခဲ့ပါတယ်။ အဆိုပါအလုပ်ရုံဆွေးနွေးပွဲကို ၀န်ကြီးဌာနအသီးသီးမှ e-ID စနစ်လုပ်ငန်းကော်မတီ၏ ဆပ်ကော်မတီဝင် ၅၁ဦးတက်ရောက်ကြပြီး အလုပ်ရုံဆွေးနွေးပွဲကို နှစ်ရက်တာကျင်းပခဲ့တယ်လို့ သိရပါတယ်။ ယခုပြုလုပ်တဲ့ အလုပ်ရုံဆွေးနွေးပွဲဟာ ဒုတိယအကြိမ်ပြုလုပ်တာဖြစ်ပြီး ပထမအကြိမ်အလုပ်ရုံဆွေးနွေးပွဲကိုတော့ သြဂုတ်လ(၉)ရက်က ပြုလုပ်ခဲ့တာဖြစ်တယ်လို့ သတင်းရရှိပါတယ်။

 

 

Related News