ယခုနှစ် မိုးရာသီရဲ့ မိုးဦး၊မိုးလယ်၊မိုးနှောင်းကာလတွေမှာ မိုးကောင်းနိုင်တာကြောင့် ရေကြီးမှုအန္တရာယ်ကို သတိပြုနေထိုင်ဖို့ မိုးလေ၀သပညာရှင် ဒေါက်တာထွန်းလွင်က သတိပေးထား ပါတယ်။ ဒီနှစ်မိုးရာသီမှာ မြန်မာနိုင်ငံမြောက်ပိုင်း၊ကချင်ပြည်နယ်တောင်ပိုင်း၊ တနင်္သာရီတိုင်းတို့ကလွဲရင် တစ်နိုင်ငံလုံး ရွာသွန်းမြဲထက်ပိုနိုင်တယ်လို့ခန့်မှန်းထားပါတယ်။ အထူးသဖြင့် မကွေးတိုင်း၊ ပဲခူးတိုင်းနဲ့ မန္တလေးတိုင်းတောင်ပိုင်း၊ ဧရာဝတီတိုင်းမြောက်ပိုင်းတို့မှာ မိုးရွာသွန်းမှုဟာ အများဆုံးဖြစ်မယ်လို့ ခန့်မှန်းထားတယ်လို့ သိရပါတယ်။ပုံမှန်အားဖြင့် မိုးရွာသွန်းမှုကြောင့် ပဲခူး၊ဧရာဝတီ၊ရန်ကုန်၊မွန်၊ကရင် ဒေသတွေဟာ ရေမြှုပ်လေ့ ရှိပေမယ့် နောက်ပိုင်းမှာတော့ ကုန်းမြင့်ရှိတဲ့ဒေသတွေ၊ တောင်ကုန်းရှိတဲ့ဒေသတွေမှာပါ တောင်ကျရေ တွေကြောင့် ရေမြှုပ်မှုတွေဖြစ်ပေါ်နေတယ်လို့ဒေါက်တာထွန်းလွင်ကပြောပါတယ်။
 
မိုးရာသီမှာ ရေကြီးကာလ (၃)ကြိမ်ဖြစ်ပေါ်တတ်ပြီး ပထမတစ်ကြိမ်ဟာ ဇွန်လ၊ ဒုတိယ တစ်ကြိမ်ဟာ ဇူလိုင်၊ သြဂုတ်လနဲ့ တတိယအကြိမ်ရေကြီးကာလဟာတော့ စက်တင်ဘာလမှာ ဖြစ်ပေါ်လေ့ရှိတယ်လို့ သိရပါတယ်။ရေကြီးကာလ (၃)ခုမှာတော့ ဒုတိယရေကြီး  ကာလဖြစ်တဲ့ ဇူလိုင်၊သြဂုတ်လတွေမှာ ပိုမိုဂရုပြုဖို့ လိုအပ်တယ်လို့လည်း သိရပါတယ်။ ရန်ကုန်တိုင်းဒေသကြီးအတွင်း လျှပ်စစ်ဓာတ်အားပိုမိုစွာရရှိစေဖို့အတွက် လျှပ်စစ် ဓာတ်အားပို့လွှတ်ရေးနဲ့ ကွပ်ကဲရေးဦးစီးဌာနမှ ဓာတ်အားခွဲရုံသို့ ဓာတ်အားပို့လွှတ်နိုင်ဖို့ ၂၃၀ကေဗွီ၊ လှိုင်သာယာ-ဘုရင့်နောင်လိုင်းနဲ့ ၂၃၀ကေဗွီ လှိုင်သာယာ(ကနောင်)ဓာတ်အားခွဲရုံအ၀င်။အထွက်လိုင်းတွေ ဆက်သွယ်တဲ့ လုပ်ငန်းတွေဆောင်ရွက်မည်ဖြစ်တယ်လို့ သိရပါတယ်။
 
၂၃၀ကေဗွီ လှိုင်သာယာ၊ ဘုရင့်နောင်ဓာတ်အားလိုင်းအပါအ၀င် ရပ်ကွက်တွေကို  ဖြန့်ဝေတဲ့ ဓာတ်အား လိုင်းတွေကို ဇွန်လ(၁၇)ရက် နေ့လည်(၁၂)နာရီမှ ဇွန်လ(၁၈)ရက်နေ့ ညနေ(၆)နာရီအထိ နာရီ(၃၀)အကြာ ဓာတ်အားပိတ်ပြီး လုပ်ငန်းဆောင်ရွက်မှာဖြစ်လို့ လှိုင်သာယာမြို့နယ်ရှိ အမှတ်(၅၃၆)ခြေမြန်တပ်ရင်း စက်မှုဇုန်(၁။၆)၊ စက်မှုဇုန်(၂)ရဲ့ အချို့နေရာတွေ၊ ကျန်စစ်သား အိမ်ယာ၊ အောင်ဇေယျအိမ်ယာ၊ ရွှေဘုံသာအိမ်ယာ၊ ရှမ်းချောင်း၊ ဒိုင်စု၊ညောင်ရွာ၊ အတွင်းပဒံ၊ အပြင်ပဒံကျေးရွာများ၊ ကမာရွတ်မြို့နယ်ရှိ (၁၇၊၁၈၊၁၉၊၂၀)ရပ်ကွက်များ၊ လှိုင်မြို့နယ်ရှိရပ်ကွက်များ၊ စမ်းချောင်းမြို့နယ်ရှိ မြေနီကုန်း(တောင်။မြောက်)၊ မုန့်လက်ဆောင်းကုန်း (တောင်။မြောက်)ရပ်ကွက်၊ ဝေဠုဝန်(တောင်)ရပ်ကွက်၊ ကျွန်းတော (တောင်။လယ်။မြောက်)ရပ်ကွက်နဲ့ကြည့်မြင်တိုင် တစ်ဖက်ကမ်းရှိ ရပ်ကွက်များ၊ တွံတေးမြို့နယ်၊ ဆိပ်ကြီးခနောင်တိုမြို့နယ်တို့မှာ အချိန်ပိုင်း ဓာတ်အားပြတ်တောက်မှာ ဖြစ်တယ်လို့ ရန်ကုန်လျှပ်စစ်ဓာတ် အားပေးရေးကော်ပိုရေးရှင်းမှ သတင်းထုတ်ပြန်ထားပါတယ်။
 

Related News