ဂျပန်နိုင်ငံမှာ အလုပ်လုပ်ကိုင်ဖို့ ပြည်တွင်းက ဂျပန်စာသင်တန်းကျောင်းတွေကနေ အလုပ်သမားတွေကို တိုက်ရိုက်စေလွှတ်ဖို့ ခွင့်ပြုမထားဘူးလို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ အလုပ်သမားညွှန်ကြားရေးဦးစီးဌာန ညွှန်ကြားရေးမှူးချုပ် ဦးဝင်းရှိန်က ပြောပါတယ်။ ပြည်တွင်းကရွှေ့ပြောင်းလုပ်သားတွေအနေနဲ့ လုပ်ခလစာမြင့်မားတာတွေကြောင့် ဂျပန်နိုင်ငံကို သွားရောက်အလုပ်လုပ်ကိုင်လိုကြသူတွေ များလာတာဖြစ်ပါတယ်။ ဂျပန်နိုင်ငံမှာ သွားရောက် အလုပ် လုပ်ကိုင်လိုသူတွေအနေနဲ့ သင်တန်းတွေ တက်ရောက်ပြီး တရားဝင်ပြည်ပ အလုပ်အကိုင်ရှာဖွေရေးအေဂျင်စီတွေနဲ့ ချိတ်ဆက်ကာ သွားရောက်ဖို့လိုအပ်တယ်လို့ ဆိုပါတယ်။ ဂျပန်စာသင်တန်းကျောင်းတွေကနေ အလုပ်သမားတွေကို စေလွှတ်ဖို့ ခွင့်ပြုမထားဘူးလို့ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်သမားညွှန်ကြားရေးဦးစီးဌာန ညွှန်ကြားရေးမှူးချုပ် ဦးဝင်းရှိန်က ပြောပါတယ်။ဂုဏ်သိက္ခာရှိသော နိုင်ငံတကာလုပ်သားစုဆောင်းသည့်စနစ်နဲ့ပတ်သက်တဲ့ အလုပ်ရုံဆွေးနွေးပွဲမှာ ပြောကြားခဲ့ တာဖြစ်ပါတယ်။ 

ဒီအလုပ်ရုံဆွေးနွေးပွဲကို ရန်ကုန်မြို့ဆူးလေရှန်ဂရီလာ ဟိုတယ်မှာ မေလ(၂၇)ရက်ကနေ (၂၈)ရက်ထိ (၂)ရက်တာ ကျင်းပပြုလုပ်ခဲ့တာဖြစ်ပြီး အေဂျင်စီတွေအနေနဲ့ အလုပ်သမားတွေဆီက ၀န်ဆောင်ခတွေပိုမကောက်ဖို့၊ ဖြစ်နိုင်ရင် လုပ်ငန်းရှင်ဘက်ကပဲ ၀န်ဆောင်ခယူကာ အလုပ်သမားတွေဆီက ၀န်ဆောင်ခတွေမယူဖို့၊ အလုပ်သမားတွေ ကုန်ကျစရိတ်မရှိဘဲ အလုပ်သွားရောက်လုပ်ကိုင်နိုင်ဖို့၊ လုပ်ကိုင်ရမယ့်အလုပ် တိကျသေချာဖို့ စတာတွေကိုပါ ထည့်သွင်း ဆွေးနွေးခဲ့ကြတယ်လို့ သိရပါတယ်။ ဒီဆွေးနွေးပွဲကို  ပြည်တွင်း၊ပြည်ပ အလုပ်သမားညွှန်ကြားရေးဦးစီးဌာန အလုပ်အကိုင်ရှာဖွေရေးအေဂျင်စီတွေနဲ့(IOM)တို့ တက်ရောက် ဆွေးနွေးခဲ့ကြတာဖြစ်ပါတယ်။ လက်ရှိပြည်တွင်းမှာ  တရားဝင်ပြည်ပအလုပ်အကိုင်ရှာဖွေရေး အေဂျင်စီ(၂၇၀)ကျော်ရှိနေပြီးဖြစ်တယ်လို့လည်း သိရပါတယ်။

 

 

Related News