ဖော့ဘူး၊ ပလတ်စတစ်ပစ္စည်းတွေရဲ့နေရာမှာအစားထိုးသုံးစွဲဖို့အတွက် ကွမ်းသီးဖတ်မှထုတ်လုပ်တဲ့သဘာဝ လူသုံးကုန်ပစ္စည်းတွေကိုထုတ်လုပ်နေပြီး မိုးရာသီမှာကုန်ကြမ်းဝယ်ယူမှု ခက်ခဲတယ်လို့သိရပါတယ်။ ဒဂုံမြို့သစ်(အရှေ့ပိုင်း)မြို့နယ်မှာရှိတဲ့ Nature Myanmar ကုမ္ပဏီမှ ကွမ်းသီးပင်မှထွက်ရှိတဲ့ကွမ်းသီးဖတ်တွေ ကိုလူသုံးကုန်ပစ္စည်းအဖြစ်ထုတ်လုပ်ဖို့လုပ်ဆောင်ခဲ့ပြီး စတင်လုပ်ဆောင်ရာမှာ နည်းပညာအခက်အခဲတွေ၊ ငွေကြေးအခက်အခဲတွေများစွာဖြစ်ခဲ့ရတယ်လို့သိရပါတယ်။ကုန်ချောထွက်ရှိဖို့အတွက်လည်း(၈)လကျော်အချိန်ယူလေ့လာခဲ့ရပြီးအခုဆို ဇွန်း၊ ဘူး၊ ပန်းကန်စတဲ့ကုန်ပစ္စည်း(၁၅)မျိုးခန့်ထုတ်လုပ်နိုင်ခဲ့ပြီလို့သိရပါတယ်။ကွမ်းသီးဖတ်တွေကိုတော့ မွန်ပြည်နယ်၊ တနလာင်္ရီတိုင်းဒေသကြီးတွေကအဓိကမှာယူရပြီး ကွမ်းသီးဖက်ကုန်ကြမ်းတွေကမိုးရာသီမှာအစိုဓါတ်ရှိတာကြောင့် အခက်အခဲရှိတယ်လို့သိရပါတယ်။

ကွမ်းသီးပင်မှထွက်ရှိတဲ့ကွမ်းသီးဖတ်လူသုံးကုန်ပစ္စည်းတွေကတော့ သဘာဝပစ္စည်းဖြစ်ပြီး ခြောက်သွေ့မှု ကိုတော့အဓိကထားရမှာဖြစ်တယ်လို့သိရပါတယ်။အစိုဓါတ်ရှိရင်မှိုတက်ခြင်းနဲ့ ဖားဥတက်ခြင်းတွေဖြစ်ပေါ်နိုင်တာကြောင့် ပစ္စည်းတွေရဲ့သက်တမ်းကို(၃)လအထိသက်မှတ်ထားတယ်လို့သိရပါတယ်။ ကွမ်းသီးဖတ်မှထုတ်လုပ်တဲ့ လူသုံးကုန်ပစ္စည်းတွေကို သုံးစွဲပြီးစွန့်ပစ်ရင်ပျက်စီးလွယ်ပြီးမြေဆွေးအဖြစ်ပြောင်းလဲသွားတာကြောင့် သဘာဝပတ်ဝန်းကျင်အတွက်ကောင်းတဲ့အပြင် ကျန်းမာရေးအတွက်လည်းကောင်းတယ်လို့သိရပါတယ်။လက်ရှိမှာ ကွမ်းသီးဖတ်မှထုတ်လုပ်တဲ့ လူသုံးကုန်ပစ္စည်းတွေကို သုံးစွဲသူတွေကတော့ Hotelတွေ၊ စားသောက်ဆိုင်တွေနဲ့ အလှူအတန်းလုပ်ရာတွေမှာသာ ၀ယ်ယူမှုတွေရှိနေတယ်လို့သိရပါတယ်။

သုံးစွဲသူတွေကတော့ ကျန်းမာရေးအတွက် ဖော့နဲ့ ပလတ်စတစ်နေရာမှာအစားထိုးသုံးစွဲဖို့အတွက် အဓိက၀ယ်ယူဖြစ်တာလို့သိရပြီး သုံးရတာ လည်းအဆင်ပြေမှုရှိတာကြောင့်ဝယ်ယူဖြစ်တာလို့ပြောပါတယ်။Nature Myanmar ကုမ္ပဏီအနေနဲ့ ကွမ်းသီးဖတ်မှထုတ်လုပ်တဲ့ လူသုံးကုန်ပစ္စည်းတွေရဲ့ဈေးနှုန်းတွေကတော့ အနည်းဆုံး(၃၅)ကျပ်မှ (၁၈၀)ကျပ်ထိရှိပြီး ဈေးနှုန်းကြောင့် သုံးစွဲသူနည်းနေသေးတယ်လို့သိရပါတယ်။ဈေးနှုန်းလျှော့ချနိုင်ဖို့အတွက် သယ်ယူစရိတ်သက်သာအောင် ကုန်ကြမ်းပစ္စည်းထွက်ရှိတဲ့ မွန်ပြည်နယ်၊ ကရင်ပြည်နယ်၊ တနလာင်္ရီတိုင်းဒေသတွေမှာ ကုန်ချောထွက် ရှိဖို့ လုပ်ဆောင်သွားမယ်လို့သိရပါတယ်။

 

 

Related News