လာမယ့် မေလ (၃၀)ရက်မှာ ရန်ကုန်တိုင်းဒေသကြီးအတွင်းရှိ မြို့နယ် (၁၂) မြို့နယ်မှာ ရေပေးဝေမှုခေတ္တပြတ်တောက်မှာဖြစ်တယ်လို့ ရန်ကုန်မြို့တော်စည်ပင်သာယာရေးကော်မတီ ရေရရိ်ှရေးနှင့်ရေပေးဝေရေးလုပ်ငန်းတာဝန်ခံအဖွဲ့မှ ထုတ်ပြန်ကြေညာထားတာဖြစ်ပါတယ်။ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ဓာတ်အားဖြန့်ဖြူးပေးလျက်ရှိတဲ့ 33KV(လှော်ကား-အထယု) ဓာတ်အားလိုင်းကို လျှပ်စစ်အန္တရာယ်ကင်းရှင်းရေးနဲ့ ဓာတ်အားလိုင်းအပြစ်ဖြစ်ပွားမှုလျော့ကျစေရေးအတွက် ဓာတ်အားပိတ်ပြီး သစ်ပင်သစ်ကိုင်းများ ခုတ်ထွင်ရှင်းလင်းခြင်းကို မေလ(၃၀)ရက် မနက်(၉)နာရီမှ နေ့လယ်(၂)နာရီအထိ လုပ်ငန်းလုပ်ဆောင်သွားမှာဖြစ်တယ်လို့ သိရပါတယ်။

အခုလို လုပ်ငန်းဆောင်ရွက်ချိန်ကာလအတွင်းမှာ ရန်ကုန်မြို့တော်စည်ပင်သာယာရေးကော်မတီ ရေရရိ်ှရေးနှင့်ရေပေးဝေရေးလုပ်ငန်းတာဝန်ခံအဖွဲ့အနေနဲ့ ငမိုးရိပ်ရေသန့်စင်စက်ရုံ(အထယု)မှ ရေတွန်းစက်များမောင်းနှင်မှုကို ခေတ္တရပ်နားထားမှာဖြစ်ပြီး ရွှေပြည်သာ၊မင်္ဂလာဒုံ၊မြောက်ဥက္ကလာပ၊တောင်ဥက္ကလာပ၊သင်္ဃန်းကျွန်း၊ ဒဂုံမြို့သစ်(မြောက်ပိုင်း)၊ ဒဂုံမြို့သစ် (တောင်ပိုင်း)၊ဒဂုံမြို့သစ်(အရှေ့ပိုင်း)၊ ဒဂုံမြို့သစ် (ဆိပ်ကမ်း)၊သာကေတ၊ဒေါပုံမြို့နယ် နဲ့လှိုင်သာယာစက်မှုဇုန်တို့မှာ ရေပေးဝေမှုခေတ္တပြတ်တောက်မှာဖြစ်ပါတယ်။ဒါ့အပြင်  ကျန်ရှိတဲ့မြို့နယ်တွေမှာလည်း ရေအားလျော့နည်းမှုတွေ ဖြစ်ပေါ်နိုင်တာကြောင့် ရေကိုကြိုတင်စုဆောင်းထားကြရန် ထုတ်ပြန်ကြောငြာထားပါတယ်။အခုလို ရေပေးဝေမှုပြတ်တောက်ချိန်မှာ ရေလိုအပ်ပါက အရှေ့ပိုင်းခရိုင်မှူး--၀၉၂၅၀၂၈၃၈၂၃၊အနောက်ပိုင်းခရိုင်မှူး----၀၉၂၅၀၂၈၃၈၁၂၊တောင်ပိုင်းခရိုင်မှူး--၀၉၅၀၅၄၅၆၅၊မြောက်ပိုင်းခရိုင်မှူး--၀၉၂၅၃၈၃၅၂၇၅ တို့ကိုဆက်သွယ်ပြီး  ရေယာဉ်များ အကူအညီတောင်းခံနိုင်တယ်လို့သိရပါတယ်။

 

 

 

 

Related News