မြန်မာ့တပ်မတော်အနေနဲ့ ကမ်းခြေစောင့်တပ်ဖွဲ့ ကို ကာကွယ်ရေးဝန်ကြီးဌာနအောက်မှာထည့်သွင်းဖွဲ့စည်းပြီး တပ်မတော်၏ကွပ်ကဲမှုအောက်တွင် ထားရှိသွားမယ်လို့ ကာကွယ်ရေးဝန်ကြီးဌာန ဒုတိယ၀န်ကြီး ဗိုလ်ချုပ်မြင့်နွယ်က မတ်လ(၁၃)ရက်ကပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော် (၁၁)ကြိမ်မြောက်ပုံမှန်အစည်းအဝေးမှာ ပြောကြားခဲ့ပါတယ်။ ပြည်ထောင်စုသမ္မတ မြန်မာနိုင်ငံတော်၏ ဖွဲ့စည်းပုံအခြေခံဥပဒေ(၂၀၀၈)၏ ပုဒ်မ ၃၃၈ တွင်နိုင်ငံတွင်း ရှိလက်နက်ကိုင်အဖွဲ့ အစည်း အားလုံးသည် တပ်မတော်၏ကွပ်ကဲမှုအောက်တွင်ရှိရမည်၊ ပုဒ်မ၃၃၉တွင် နိုင်ငံတော်အားပြည်တွင်းပြည်ပ အန္တရာယ်များ ကာကွယ်ရေးအတွက် တပ်မတော်မှဦးဆောင်ရမည်ဟု ပြဋ္ဌာန်းထားသည့်အတွက် မြန်မာ့တပ်မတော်အနေနဲ့ ကမ်းခြေစောင့်တပ်ဖွဲ့အား ကာကွယ်ရေးဝန်ကြီး ဌာနအောက်တွင် ထည့်သွင်းဖွဲ့စည်းပြီး တပ်မတော်၏ ကွပ်ကဲမှုအောက်တွင် ထားရှိ၍ အထက်အပိုဒ်(စ)ပါ လုပ်ငန်းစဉ်များထမ်းဆောင်နိုင်ရန် လွှတ်တော်သို့ တင်ပြ၊ အတည်ပြုချက်ရယူပြီးဖွဲ့စည်း တာဝန် ပေးအပ်ရေးဆောင် ရွက်လျက်ရှိတယ်လို့ကာကွယ်ရေးဝန်ကြီးဌာန ဒုတိယ၀န်ကြီး ဗိုလ်ချုပ်မြင့်နွယ်က ပြောပါတယ်။

မြန်မာ့ပင်လယ်ရေကြောင်း လုံခြုံရေးအတွက် လုံခြုံရေးအင်အား တိုးမြှင့်ပေးခြင်း နည်းပညာအပါအဝင် အခြေခံလိုအပ်ချက်များ တိုးမြှင့် ထောက်ပံ့ပေးနိုင်ခြင်း ရှိ၊ မရှိ  ပြည်သူ့လွှတ်တော်အစည်းအဝေးမှာ ကျောက်တန်းမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်အေးမြမြမျိုးရဲ့မေးခွန်းအပေါ် ပြန်လည်ဖြေကြားခဲ့တာဖြစ်ပါတယ်။ ဒီမေးခွန်းမေးမြန်းခဲ့တဲ့ ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုးက မြန်မာနိုင်ငံဟာကမ်းရိုးတန်းဟာ မိုင်ပေါင်း ၁၃၀၀ ကျော် ရှည်လျားပြီး စိန်ခေါ်မှုတွေဖြစ်တဲ့ ရေကြောင်းမတော်တဆမှုတွေ၊ သဘာဝဘေးအန္တရာယ်များကိုရင်ဆိုင်ဖြေရှင်းရန်နှင့် ရေထုညစ်ညမ်းမှုကို ကာကွယ်တားဆီး ရေးနှင့် တုံ့ပြန်ဆောင်ရွက်ရေးတွေက လိုအပ်လျက်ရှိနေသေးတယ်လို့ ဆိုပါတယ်။

ဒါ့အပြင် လူကုန် ကူးခြင်း၊ တရားမ၀င် ၀င်ရောက်ခြင်း၊ မှောင်ခိုလုပ်ငန်းများနဲ့ မူးယစ်ဆေးဝါးသယ်ဆောင် ရောင်းဝယ်ခြင်းတို့အပြင် တရားမ၀င်ငါးဖမ်းခြင်းစတဲ့ ဥပဒေမဲ့လုပ်ရပ်တွေကို  ထိရောက်စွာကာကွယ် တားဆီးဖို့အတွက် မြန်မာနိုင်ငံ ကမ်းခြေစောင့် တပ်ဖွဲ့ကို လိုအပ်လျက် ရှိတယ်လို့ ပြောပါတယ်။မြန်မာနိုင်ငံမှာကမ်းခြေစောင့်တပ်ဖွဲ့ကို ဖွဲ့စည်းနိုင်ခြင်းမရှိသေးသဖြင့် ပင်လယ်ပြင်ကာကွယ်ရေး၊ တရားဥပဒေစိုမိုးရေးတို့ အတွက် တပ်မတော်(ရေ)မှတာဝန်ယူ ဆောင်ရွက်နေရတယ်လို့ သိရပါတယ်။

တပ်မတော်ရေအနေနဲ့ မြန်မာပင်လယ်ပြင်နှင့် ကမ်းရိုးတန်းတစ်လျှောက် လုံခြုံရေးဆောင်ရွက်လျက်ရှိရာ ၂၀၁၁ခုနှစ်မှ၂၀၁၈နှစ်ကုန်အထိ ပြည်တွင်းငါးခိုးလှေ(၉၄)စီး၊ ပြည်ပ ငါးခိုးလှေ(၈၃)စီး၊ ငါးမိုင်းခွဲလှေ(၃၉)စီး၊ မှောင်ခိုလှေအစီး (၃၀)၊ စည်းကမ်းပျက်ငါးဖမ်း လှေအစီး(၁၀၀)၊ မူးယစ်ဆေးဝါး သယ်ဆောင်လှေ (၇၇) စီး၊ သစ်ခိုးလှေအစီး (၂၆၀) ၊ လူမှောင်ခိုလှေ( ၁၇)စီး၊ တရားမ၀င်ဆီတင်လှေ ၅ စီး၊ ကျွဲနွား ဆိတ်မှောင်ခိုလှေ၅၄စီး၊ တရားမ၀င်စက်တပ် လက်ခတ် လှေ၇စီး စုစုပေါင်း(၇၆၆)စီး အပါအ၀င် မြန်မာနိုင်ငံသား တရားခံ (၃၆၇၇)ဦး၊ နိုင်ငံခြားသားတရားခံ(၁၅၉၈)ဦး စုစုပေါင်း(၅၂၇၅)ဦးတို့ကို ဖမ်းဆီးရမိခဲ့တယ်လို့ သိရပါတယ်။ အဆိုပါဖမ်းဆီးရမိမှုတန်ဖိုးမှာ ကျပ်ငွေဘီလီယံ(၂၂၀)ကျော်ရှိတယ်လို့ သိရပါတယ်။

 

 

Related News