ရန်ကုန်တိုင်းဒေသကြီးအစိုးရအဖွဲ့ရဲ့ မူလလျာထားချက်လုပ်ငန်းတစ်ချို့ကို ပြောင်းလဲသုံးစွဲမယ့်လုပ်ငန်းလျာထားချက်မှာ  ကန်တော်ကြီးလူကူးတံတားပြုပြင်ဖို့နဲ့ ရန်ကုန်-ပြည်လမ်း ကတ္တရာကွန်ကရစ်ခင်းဖို့ လုပ်ငန်းတွေကို ဖေဖော်ဝါရီ(၆)ရက်ကပြုလုပ်ခဲ့တဲ့ရန်ကုန်တိုင်းဒေသကြီးလွှတ်တော်မှာ ဒဂုံမြို့နယ်၊မဲဆန္ဒနယ် အမှတ်(၂)တိုင်းဒေသကြီးလွှတ်တော်ကိုယ်စားလှယ်ဦးကျော်ဇေယျက ကန့်ကွက်ဆွေးနွေးခဲ့ပြီး ဒီအတွက်သုံးစွဲမယ့် ကျပ်(၂.၅)ဘီလီယံကျော်ကို ရန်ကုန်တိုင်းဒေသကြီးအတွင်းက  အဓိကအခြေခံလိုအပ်ချက်ရှိတဲ့နေရာတွေ၊လုပ်ငန်းတွေမှာ သုံးစွဲဖို့အကြံပြုဆွေးနွေးခဲ့ပါတယ်။(၂၀၁၈-၂၀၁၉)ဘဏ္ဍာနှစ်၊ ရန်ကုန်တိုင်းဒေသကြီးရဲ့ဒေသန္တရစီမံကိန်းဥပဒေ၊ မူလလျာထားချက်မှာပါဝင်တဲ့ မြို့တော်ဘဏ်မှာ ရင်းနှီးငွေထည့်ဝင်ဖို့နဲ့ ထောက်ကြန့်ခုံးကျော်တံတားတည်ဆောက်ဖို့လုပ်ငန်းတွေမလုပ်ဆောင်တော့ဘဲ ဒီအတွက်ကုန်ကျမယ့် ရင်းနှီးငွေအဖြစ် ကျပ်ငွေ(၉)ဘီလီယံနီးပါးကို ကန်တော်ကြီးအတွင်းက လူကူးတံတားပြန်လည်ပြုပြင်တည်ဆောက်ဖို့အပါအ၀င် တိုင်းဒေသကြီးအတွင်းက လမ်းမကြီးတွေပြုပြင် ထိန်းသိမ်းဖို့အစားထိုးသုံးစွဲသွားမှာဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့က ရန်ကုန်တိုင်းဒေသကြီး လွှတ်တော်ကို ဖေဖော်ဝါရီ(၅)ရက်က ရှင်းလင်းတင်ပြခဲ့ပါတယ်။

ဒီအစားထိုးသုံးစွဲသွားမယ့် လုပ်ငန်းလျာထားချက်တွေပါဝင်တဲ့လုပ်ငန်းတွေနဲ့ပတ်သက်လို့ ဖေဖော်ဝါရီ(၆)ရက်ကပြုလုပ်တဲ့ တိုင်းဒေသကြီးလွှတ်တော်အစည်းအဝေးမှာ ဦးကျော်ဇေယျအပါအ၀င် တိုင်းဒေသကြီးလွှတ်တော်ကိုယ်စားလှယ်(၃)ဦးက အသီးသီးဆွေးနွေးခဲ့ကြပါတယ်။ ဦးကျော်ဇေယျကရန်ကုန် တိုင်းဒေသကြီးအတွင်း အဓိကအခြေခံလိုအပ်ချက်တွေ အများအပြားရှိနေသေးတဲ့အခြေအနေမှာ  ကန်တော်ကြီးအတွင်းက လူကူးတံတားပြန်လည်ပြုပြင်တည်ဆောက်တာဟာ အခြေခံလိုအပ်ချက်မဟုတ်သလို ရန်ကုန်-ပြည်လမ်း(ကျိုက္ကလို့ဘုရားကနေ ထောက်ကြန့်လမ်းဆုံထိ) ကတ္တရာကွန်ကရစ်ခင်းမယ်ဆိုတဲ့ လုပ်ငန်းလျာထားချက်ပတ်သက်လို့လည်း ဒီလမ်းဟာ အလွန်ကောင်းနေသေးပြီးနေရာတစ်ချို့လောက်ပဲ အပေါက်အပြဲတွေရှိနေလို့ မသုံးစွဲသင့်သေးကြောင်း ကန့်ကွက်ခဲ့ပါတယ်။

ဒ့ါအပြင် တိုင်းဒေသကြီးအတွင်းက လမ်းမကြီးတွေပြုပြင်ထိန်းသိမ်းဖို့ လုပ်ငန်းလျာထားချက်တွေထဲ လမ်းပြုပြင်ခင်းမှုတွေမှာ ကုန်ကျစရိတ်မညီမျှမှုတွေ၊ ခင်းမယ့်လမ်းထုနဲ့ လမ်းအကျယ် ကွာခြား ချက်တွေကိုလည်း ထောက်ပြဆွေးနွေးအကြံပြုခဲ့ပါတယ်။ရန်ကုန်-ပြည်လမ်း(ကျိုက္ကလို့ဘုရားကနေ ထောက်ကြန့်လမ်းဆုံထိ) ကတ္တရာကွန်ကရစ်ခင်းဖို့အတွက် ကျပ်(၁.၁)ဘီလီယံကျော်၊မင်္ဂလာတောင်ညွှန့်မြို့နယ်၊ ကန်တော်ကြီးအတွင်းလူကူးတံတား ပြန်လည်ပြုပြင် တည်ဆောက်ဖို့ ကျပ်(၁.၄)ဘီလီယံကျော်လျာထားတာဖြစ်ပါတယ်။ ဒီလုပ်ငန်းလျာထားချက်တွေ၊ ဆွေးနွေးချက်တွေနဲ့ပတ်သက်လို့ရန်ကုန်တိုင်းဒေသကြီးအစိုးရအဖွဲ့ရဲ့ သဘောထားမှတ်ချက်ပေးတာနဲ့ လွှတ်တော်ရဲ့အတည်ပြုချက်ရယူဖို့ကိုတော့ နောက်လာမယ့် လွှတ်တော်အစည်းအဝေးရက်တွေမှာ လုပ်ဆောင်သွားမယ်လို့ ရန်ကုန်တိုင်းဒေသကြီးလွှတ်တော်ဥက္ကဋ္ဌက ကြေညာခဲ့ပါတယ်။

 

 

Related News