ဧရာဝတီလင်းပိုင်တွေကမြန်မာနိုင်ငံနဲ့ ဧရာဝတီမြစ်ကို ဂုဏ်ဆောင်တဲ့ ရေနေနို့တိုက်သတ္တဝါတွေပါ။ သူတို့တွေက မျိုးသုဉ်းပျောက် ကွယ်လုနီးပါး အန္တရာယ်တွေကျရောက်နေပြီး အဖက်ဖက်က အချိန်မီဝိုင်းဝန်းထိန်းသိမ်းပေးဖို့လို အပ်နေပြီလို့ သိရပါတယ်။ ဧရာဝတီလင်းပိုင်တွေဟာ မျိုးသုဉ်းပျောက်ကွယ်လုနီးပါးအန္တရာယ်ကျရောက်နေတဲ့ မျိုးစိတ်တွေအဖြစ် သတ်မှတ်ခံထားရပါတယ်။ (၂၀၁၈)ခုနှစ်အတွင်း ဧရာဝတီလင်းပိုင်(၃)ကောင် သေဆုံးခဲ့တာက ကြီးမားတဲ့ ဆုံးရှုံးမှုတစ်ခုဖြစ်တယ်လို့ သိရပါတယ်။ လင်းပိုင် တွေသေဆုံးရတာဟာ ဘက်ထရီလျှော့တိုက်ငါးဖမ်းတာ၊ ပိုးသတ်ဆေးခပ်ငါးဖမ်းတာ၊ ငါးဖမ်းပိုက် ငြိဒဏ်ရာရ သေဆုံးတာတွေနဲ့ ဆက်စပ်နေတယ်လို့ သိရပါတယ်။ ဒါကြောင့်တရားမဝင်တဲ့ ငါးဖမ်းနည်းတွေနဲ့ဖမ်းဆီးမှုတွေကို ကာကွယ်ထိန်းသိမ်းဟန့်တားနိုင်မှု ပိုမိုထိရောက်အောင် သက်ဆိုင်ရာဌာနက သတ်မှတ်ထားရှိတဲ့ ဧရာဝတီလင်းပိုင်ထိန်းသိမ်းရေးဧရိယာကို ပြည်ထောင်စုလွှတ်တော် ဒါမှမဟုတ် တိုင်းဒေသကြီးလွှတ်တော်က တရားဝင်ပြဋ္ဌာန်းသတ်မှတ်ပေးနိုင်ဖို့ တိုက်တွန်းလုပ်ဆောင်မယ်လို့ Natural Green Alliance (သဘာဝစိမ်းအဖွဲ့) ဦးဆောင်သူ ဦးမောင်မောင်ဦးက ပြောပါတယ်။

ဧရာဝတီလင်းပိုင်များနေထိုင်ကျက်စားရာဗန်းမော်မှမင်းကွန်းဧရာဝတီမြစ်ကြောင်းတစ်လျှောက်ကိုယူနက်စကိုကမ္ဘာ့သဘာဝအမွေအနှစ် ပဏာမစာရင်းဝင်  ဒေသအဖြစ် ၂၀၁၄ခုနှစ်၊ ဖေဖော်ဝါရီလက သတ်မှတ်ပြဋ္ဌာန်းထားပါတယ်။ ဧရာဝတီမြစ်အတွင်း ဘိုးဘွား စဉ်ဆက် ရေလုပ်သားတွေက လင်းပိုင်းတွေနဲ့ အတူပူးပေါင်း ငါးဖမ်းခြင်းကို ရိုးရာဓလေ့တစ်ခုအဖြစ် လုပ်ကိုင်နေကြပြီး အခုဆိုရင် မြစ်၊ လင်းပိုင်နဲ့ ရေလုပ်သားရိုးရာဓလေ့အရ အကျိုးတူ ပူးပေါင်းငါးဖမ်းဆီးမှု့ပုံစံဟာ ကမ္ဘာလုံးဆိုင်ရာ စံတန်ဘိုးသတ်မှတ်ချက် ဖြစ်နေပြီး ကမ္ဘာ့သဘာဝအမွေအနှစ်ပဏာမ စာရင်းသို့ ၀င်ရောက်နေပြီဖြစ်ပါတယ်။ ဒါဟာနိုင်ငံအလိုက် အလွန်တန်ဖိုးထားဂုဏ်ယူ စရာကောင်းတဲ့ အချက်အလက် ဖြစ်တယ်လို့ သိရပါတယ်။ ဧရာဝတီလင်းပိုင်တွေမျိုးသုဉ်းပျောက်ကွယ် မသွားအောင်လင်းပိုင်တွေ နဲ့ အနီးစပ်ဆုံးမှာရှိနေတဲ့ ရေလုပ်သားတွေနဲ့ဒေသခံတွေက အဓိကကူညီဆောင်ရွက်ပေးသွားမှာဖြစ်တယ်လို့ သိရပါတယ်။၂၀၁၈ ခုနှစ် ငါးလုပ်ငန်းဦးစီးဌာနစာရင်းတွေအရ လက်ရှိမှာဧရာဝတီလင်းပိုင်ကောင်ရေ ၇၆ ကောင်ရှိတယ်လို့ သိရတယ်လို့ သိရပါတယ်။  

ဧရာဝတီလင်းပိုင် ထိန်းသိမ်းရေးနဲ့ ပတ်သက်လို့ ပိုမိုထိရောက်အောင် အဖွဲ့အစည်းတွေနဲ့ ပူးပေါင်းဆောင်ရွက်မှာ ဖြစ်ပြီး ဥပဒေအကြောင်းအရာ တွေကိုလည်း ပြန်လည်သုံးသပ်မယ်လို့ စဥ့်ကူးမြို့နယ်တိုင်းဒေသကြီးလွှတ်တော် ကိုယ်စားလှယ် ဦးအောင်သန်းထွန်းက ပြောပါတယ်။ ဇန်နဝါရီ ၁၃ရက်က Natural Green Alliance (သဘာဝစိမ်းအဖွဲ့)  ဦးဆောင်တဲ့ ဧရာဝတီလင်းပိုင်ထိန်းသိမ်း စောင့်ရှောက်ရေး လှုပ်ရှားမှုခရီးစဉ်ကို ဧရာဝတီလင်းပိုင်တွေကျက်စားတဲ့ မန္တလေးမှ ကျောက်မြောင်းမြို့အကြားနွယ်ငြိမ်း၊ ဆည်သည်တောင်၊ မြစ်ကမ်းကြီးကျေးရွာတွေကိုသွားရောက်ခဲ့ကြတာပါ။ လွှတ်တော်ကိုယ်စားလှယ်တွေ၊ အရပ်ဖက်အဖွဲ့အစည်းတွေ၊ မန္တလေး၊ ရတနာပုံ၊ စစ်ကိုင်း၊ ရွှေဘိုတက္ကသိုလ်တွေ က ဆရာ/ဆရာမတွေနဲ့   သင်ယူနေသောကျောင်းသား/ကျောင်းသူတွေနဲ့ လင်းပိုင် ချစ်သူတွေလည်း ပါဝင်ခဲ့ကြပါတယ်။

ဧရာဝတီလင်းပိုင်တွေမျိုးသုဉ်းမသွားရေး အချိန်မီကာကွယ်ပေးနိုင်ဖို့ ပူးပေါင်း ကြိုးစားနေကြ တာဖြစ်ပြီး ကျေးရွာတွေမှာ အသိပညာပေး ဟောပြောတာ လက်ကမ်းစာစောင် ဖြန့်ဝေတာတွေပြုလုပ်ခဲ့ကြတယ်လို့သိရပါတယ်။ဧရာဝတီလင်းပိုင်းထိန်းသိမ်းရေးအသိပညာပေးခရီးစဉ်တွေကို ဆက်လက်ပြုလုပ်သွားမှာဖြစ်ပြီး အခုခရီးစဉ်ကနေဧရာဝတီလင်းပိုင် အပြင် ရေနေသတ္တဝါတွေထိခိုက်နိုင်တဲ့ လုပ်ရပ်တွေကိုအသိပေးတာ၊တစ်ဆင့်တိုင်ကြားတာတွေ ပြုလုပ်နိုင်ဖို့ ဆက်သွယ်နိုင်မယ့် ကွန်ယက်တစ်ခုကိုဖွဲ့စည်းနိုင်ခဲ့တယ်လို့သဘာဝစိမ်းအဖွဲ့ကသိရပါတယ်။

 

 

Related News