သီရိမင်္ဂလာကမ္ဘာအေးစေတီတော်ရဲ့ ငှက်ပျောဖူးတော်နဲ့အထက် ဖောင်းရစ်တော်မှာ ရွှေပြားသင်္ကန်းကပ်လှူပူဇော် သွားမယ်လို့ သီရိမင်္ဂလာကမ္ဘာအေးစေတီတော်ဂေါပကအဖွဲ့မှ သိရပါတယ်။သီရိမင်္ဂလာကမ္ဘာအေးစေတီတော်ရဲ့ငှက်ပျောဖူးတော်မှာ လက်ရှိ (၉)လက်မပတ်လည် ရွှေပြားသင်္ကန်း(၁၅၅ )ပြား ကပ်လှူပူဇော်ထားပြီး  စေတီတော်ရှိ ငှက်ပျောဖူးတော် အပြည့် ရွှေပြားသင်္ကန်းကပ်လှူပါက  ရွေပြား (၄၃၉)ပြား လိုအပ်မှာဖြစ်ပါတယ်။

ဒါကြောင့် လိုအပ်နေတဲ့ (၉)လက်မပတ်လည် ရွှေပြားသင်္ကန်း (၂၈၄)ပြားကိုထပ်မံအလှူခံခဲ့ရာမှာ  ရွှေပြားအရည်အတွက်(၄၃၀)ကျော်အလှူခံရရှိခဲ့တာကြောင့်  စေတီတော်ရဲ့အထက်ဖောင်းရစ်တော်ကိုပါ ရွှေပြားသင်္ကန်း ကပ်လှူပူဇော်သွားမယ်လို့ သိရပါတယ်။ရွှေသင်္ကန်းကပ်လှူရာမှာ မျက်ပါးရွှေသင်္ကန်းကပ်လှူတာနဲ့ ရွှေပြားသင်္ကန်းကပ်လှူတာ နှစ်မျိုးရှိပြီး ရွှေပြားသင်္ကန်း ကပ်လှူတာက ပျက်စီးဆုံးရှုံးမှုနည်းတယ်လို့ သိရပါတယ်။သီရိမင်္ဂလာကမ္ဘာအေးစေတီတော်မှာ လက်ရှိရွှေပြား သင်္ကန်းကပ်လှူပူဇော်ဖို့အတွက်လုပ်ဆောင်နေပြီး သီတင်းကျွတ်နဲ့ တန်ဆောင်မုန်းလ တွေမှာ  အပြီးကပ်လှူနိုင်မယ်လို့ သိရပါတယ်။ရွှေပြားသင်္ကန်းကပ်လှူရာမှာ စက်တင်ဘာလအထိ ရွှေပြာသင်္ကန်းလာရောက်လှူဒါန်းထားသူတွေကို  စေတီတော်အပေါ် ကိုယ်တိုင်တက်ရောက်လှူဒါန်း ခွင့်ပြုနေတယ်လို့ သိရပါတယ်။                     

 

                

 

Related News