တတိယပင်လုံအစည်းအဝေးမှာ တင်ပြမယ့်ကဏ္ဍအလိုက် အချက်တွေနဲ့ပတ်သက်ပြီး NCA လက်မှတ်ထိုးပြီး တိုင်းရင်းသားလက်နက်ကိုင်အဖွဲ့တွေက ဇွန်လ(၁၅)ရက်ကနေ (၁၇)ရက်အထိ ရန်ကုန်မှာဆွေးနွေးခဲ့ပါတယ်။နိုင်ငံရေး၊ လုံခြုံရေး၊ စီးပွားရေး၊ လူမှုရေး၊ မြေယာနဲ့ သဘာဝပတ်ဝန်းကျင် စတဲ့ ကဏ္ဍငါးခုအတွက် အပစ်ရပ်အဖွဲ့ တွေဘက်က အဆိုပြုချက်တွေကို စုစည်းဆွေးနွေးခဲ့ကြတာဖြစ်ပါတယ်။ ကဏ္ဍ(၅)ခုအတွက် အချက်ပေါင်း(၇၀)၀န်း ကျင်ရှိပြီး နိုင်ငံရေးကဏ္ဍမှာတော့ လူနည်းစုတိုင်းရင်းသားတွေရဲ့ အခွင့်အရေးနဲ့ အခြေခံအခွင့်အရေးစတဲ့ ခေါင်းစဉ်ကြီး နှစ်ခုအောက်က အချက်ပေါင်း(၃၀)ကျော်ကို တင်ပြမယ်လို့ သိရပါတယ်။

နိုင်ငံရေးကဏ္ဍမှာတော့  ကိုယ်ပိုင်ပြဋ္ဌာန်းခွင့်၊ ခွဲမထွက်ရအပါအ၀င် အဓိကအချက်တွေကို အခုတစ်ခေါက်မှာ ထည့်သွင်းမဆွေးနွေးဖို့ အစိုးရနဲ့ အပစ်ရပ်အဖွဲ့တွေကြား သဘောတူထားပါတယ်။ကျန်ရှိတဲ့ ခေါင်းစဉ်ကြီးလေးခုထဲမှာ အချက်တွေများပြားတာကြောင့် အချက်နှစ်ခုသာ ဆွေးနွေးဖို့ တိုင်းရင်းသား လက်နက်ကိုင် အစုအဖွဲ့တွေဘက်က အစိုးရဘက်ကို တိုက်တွန်းထားတယ်လို့လည်း သိရပါတယ်။အစိုးရ၊ တိုင်းရင်းသားလက်နက်ကိုင်နဲ့ နိုင်ငံရေးပါတီအစုအဖွဲ့တွေအလိုက် အဆိုပြုချက်တွေကိုတော့ ညီလာခံ လုပ်ငန်းကော်မတီအစည်းအဝေးမှာ ထပ်မံဆွေးနွေးကြမှာဖြစ်ပြီး လုပ်ငန်းကော်မတီက ထွက်ရှိလာတဲ့ ကဏ္ဍ အလိုက် အချက်တွေကိုတော့ UPDJC အစည်းအဝေးမှာ အတည်ပြုချက်ရပြီး ၂၁ရာစုပင်လုံမှာ ဆွေးနွေးကြမှာ ဖြစ်ပါတယ်။

လုပ်ငန်းကော်မတီ အစည်းအဝေးကိုတော့ နေပြည်တော်မှာ ပြုလုပ်မှာဖြစ်ပြီး ပထမအကြိမ်အဖြစ် ဇွန်လ(၂၅)ရက်ကနေ (၂၇)ရက်အထိနဲ့ ဒုတိယအကြိမ်အဖြစ် ဇူလိုင် (၃)ရက်ကနေ (၅)ရက်အထိ ပြုလုပ်မယ်လို့ တိုင်းရင်းသားလက်နက်ကိုင် အစုအဖွဲ့ထံက သိရပါတယ်။NCA လက်မှတ်ထိုးပြီး တိုင်းရင်းသားလက်နက်ကိုင်အစုအဖွဲ့တွေအနေနဲ့ ပြည်ထောင်စုငြိမ်းချမ်းရေးညီလာခံ၊ ၂၁ရာစုပင်လုံ တတိယအစည်းအဝေးကို ဇူလိုင် (၁၀)ရက်နဲ့(၁၄)ရက် ကြားကျင်းပဖို့  အစိုးရဘက်ကို အဆိုပြုထားပါတယ်။ 

 

 

Related News