ရွေးကောက်ပွဲလေ့လာစောင့်ကြည့်ရေးအဖွဲ့တစ်ခုဖြစ်တဲ့ ရွေးကောက်ပွဲဆိုင်ရာ ပြည်သူ့လှုပ်ရှားမှု အဖွဲ့ (PEACE) အနေနဲ့ လာမယ့် ကြားဖြတ်ရွေးကောက်ပွဲ ရဲ့နေရာအားလုံးနီးပါး ကိုစောင့်ကြည့်မယ်လို့ သိရပါ တယ်။နိုဝင်ဘာ (၃)ရက် မှာပြုလုပ်ဖို့ သတ်မှတ်ထားတဲ့ ကြားဖြတ်ရွေးကောက်ပွဲမှာတော့ လစ်လပ်မဲဆန္ဒ နယ် (၁၃)ခုရှိပြီး PEACE အနေနဲ့ မန္တလေးတိုင်းဒေသကြီး ရှမ်းတိုင်းရင်းသားလူမျိုးမဲဆန္ဒနယ်နေရာကလွဲပြီး ကျန်တဲ့၁၂ နေရာလုံးမှာ လေ့လာစောင့်ကြည့်မှုတွေ ပြုလုပ်မယ်လို့သိရပါတယ်။ကြားဖြတ်ရွေးကောက်ပွဲပြုလုပ်မယ့် မဲဆန္ဒနယ်နေရာတွေအတွက် ရွေးကောက်ပွဲအကြိုကာလစောင့်ကြည့်ခြင်းကို ကာလရှည်စောင့်ကြည့် လေ့လာသူ ၂၄ဦးနဲ့ စောင့်ကြည့်မှာဖြစ်သလို ရွေးကောက်ပွဲနေ့မှာလည်း ကာလတိုစောင့်ကြည့်သူ (၆၀၀)ဦးနဲ့ စောင့်ကြည့်မယ် လို့သိရပါတယ်။ရွေးကောက်ပွဲနေ့ကို ၆လကြိုတင်ကြေငြာပေးတဲ့အတွက် ရွေးကောက်ပွဲကော်မရှင်ရဲ့ ပွင့်လင်းမြင်သာမှုကို အသိအမှတ် ပြုပြီး အခြားမဲစာရင်းကြေငြာမှု ၊ကြိုတင်မဲ ဆိုင်ရာကိစ္စရပ်တွေ၊မဲရုံစာရင်းတွေပါ တစ်ပါတည်း ကြေငြာနိုင်ပါက ရွေးကောက်ပွဲ လုပ်ငန်းစဉ်ပွင့်လင်း မြင်သာမှု၊ယုံကြည်မှုကို ပိုမိုမြှင့်တင်နိုင်မယ်လို့ PEACE အဖွဲ့က ထုတ်ပြန်ပါတယ်။

လာမယ့်ကြားဖြတ်ရွေးကောက်ပွဲမှာတော့ လစ်လပ်မဲဆန္ဒနယ် တွေအဖြစ် ပြည်သူ့လွှတ်တော်(၄)နေရာ၊ အမျိုးသား လွှတ်တော်(၁)နေရာနဲ့ တ်ိုင်းဒေသကြီး/ပြည်နယ်လွှတ်တော်(၈)နေရာရှိပါတယ်။ PEACE အနေနဲ့ ဒီကြားဖြတ် ရွေးကောက်ပွဲနဲ့ ပတ်သတ်ပြီး မဲဆန္ဒရှင်တွေရဲ့ သဘောထားအမြင်၊ မဲပေးလိုတဲ့ဆန္ဒနဲ့ ပတ်သတ်ပြီးရွေးကောက်ပွဲအကြို ကာလမှစပြီး စစ်တမ်းတစ်ခုကောက်ယူသွားမယ်လို့ သိရပါတယ်။ အခုကြားဖြတ်ရွေးကောက်ပွဲမှာတော့ မဲဆန္ဒနယ်ပြင်ပ ကြိုတင်မဲပေးတာတွေကို အဓိကလေ့လာစောင့်ကြည့်မယ်လို့ပြောပါ တယ်။ရွေးကောက်ပွဲဆိုင်ရာ ပြည်သူ့လှုပ်ရှားမှု အဖွဲ့(PEACE) ဟာ ပြီးခဲ့တဲ့ ၂၀၁၅ အထွေထွေ ရွေးကောက်ပွဲကို ကာလရှည်နဲ့ ကာလတိုစောင့်ကြည့်သူ (၂၀၀၀)နဲ့စောင့်ကြည့်ခဲ့သလို ၂၀၁၇ ကြားဖြတ် ရွေးကောက်ပွဲ ကိုလည်း ကာလရှည်၊ ကာလတိုစောင့်ကြည့်သူ (၇၀၀)ကျော်နဲ့ စောင့်ကြည့်ခဲ့တယ်လို့ သိရပါတယ်။ 

 

 

Related News