တိုင်းရင်းသားလက်နက်ကိုင်အဖွဲ့ အားလုံးပါဝင်တဲ့ ညီလာခံတစ်ခုကို မကြာမီခေါ်ယူနိုင်ဖို့ NCA ထိုးပြီးအဖွဲ့ တွေကြား ဆွေးနွေးခဲ့တယ်လို့သိရပါတယ်။ မေလ (၉)ရက်ကနေ (၁၁)ရက်နေ့အထိ ထိုင်းနိုင်ငံ ချင်းမိုင်မြို့ မှာပြုလုပ်ခဲ့တဲ့ အပစ်ရပ်အဖွဲ့ခေါင်းဆောင် တွေနဲ့ဖွဲ့ထားတဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ရဲ့ အစည်းအဝေးမှာဆွေးနွေးခဲ့တာဖြစ်ပါတယ် အရင်ပြုလုပ်ခဲ့ဖူးတဲ့ တိုင်းရင်းသားလက်နက်ကိုင်အဖွဲ့ အားလုံးပါဝင်တဲ့ လော်ခီးလာ၊မိုင်ဂျာယန် ညီလာခံမျိုး ဖြစ်တယ်လို့ သိရပါတယ်။NCA အကောင်အထည်ဖော်မှု အပေါ် NCA ထိုးပြီးအဖွဲ့တွေနဲ့ မထိုးရသေးတဲ့ အဖွဲ့တွေကြား သဘောထား အမြင်တွေ ဖလှယ်နိုင်ဖို့ ဖြစ်တယ်လို့ပြောပါတယ်။

မကြာမီပြုလုပ်မယ့် တတိယပင်လုံအစည်းအဝေးအပြီးနောက်ပိုင်း အခုနှစ်အတွင်းပြုလုပ်နိုင်ဖို့ စဉ်းစားချက်မျိုးရှိတယ်လို့ PPSTခေါင်းဆောင် တစ်ချို့ကပြောထားပါတယ်။လက်နက်ကိုင်အဖွဲ့အားလုံးပါဝင်တဲ့ ဒီလို ညီလာခံမျိုးကို ၂၀၁၆ခုနှစ် အစောပိုင်းက ကချင်ပြည်နယ် လိုင်ဇာမှာ နှစ်ကြိမ်နဲ့ ကရင် ပြည်နယ် လော်ခီးလာမှာ နှစ်ကြိမ်ပြုလုပ်ဖူးပြီး နောက်ဆုံးအနေနဲ့ ၂၀၁၆ ဇူလိုင်လက ကချင်ပြည်နယ် မိုင်ဂျာယန်မှာ ပြုလုပ်ခဲ့တာဖြစ်ပါတယ်။ဒါ့အပြင် ငြိမ်းချမ်းရေးလုပ်ငန်းစဉ်မှာ တစ်ဆို့နေတဲ့အခြေအနေတွေနဲ့ပတ်သက်ပြီး NCA ထိုးပြီးအဖွဲ့ တွေနဲ့ အစိုးရ၊တပ်မတော်ကြား အလွတ်သဘောတွေ့ဖို့ စီစဉ်ထား တယ်လို့လည်း သိရပါတယ်။

နိုင်ငံရေးနဲ့လုံခြုံရေး ဆိုင်ရာကဏ္ဍတွေ အတွက် တွေ့ကြမယ်လို့သိရပါတယ်။ရှမ်းအမျိုးသားအဆင့်နိုင်ငံရေးဆွေးနွေးပွဲလိုမျိုး ရပ်တန့်နေတဲ့ကိစ္စတွေနဲ့ လူထုတွေ့ဆုံပွဲ တစ်ချို့ တားမြစ်ခံရတဲ့ အခြေအနေတွေအပေါ် ဆွေးနွေးတာတွေလည်းပါဝင်မယ်လို့သိရပါတယ်။ အစိုးရဘက်ကတော့ မေလ (၁၄)ရက်နဲ့(၁၅)ရက်တွေမှာ တွေ့ဆုံဖို့ အဆိုပြုခဲ့ပေမယ့် အပစ်ရပ်အဖွဲ့တွေဘက်ကတော့ ၄င်းတို့ရဲ့အစည်းအဝေး တွေနဲ့ရက်ကပ်နေတာကြောင့် မေလ (၁၈)ရက်မှာတွေ့နိုင်ဖို့ရှိနေတယ်လို့သိရ ပါတယ်။အလွတ်သဘောတွေ့ဆုံဖို့အတွက် အပစ်ရပ်အဖွဲ့တွေဘက်က နိုင်ငံရေးကဏ္ဍနဲ့ လုံခြုံရေးကဏ္ဍအတွက် (၉)ဦးစီပါဝင်ပြီး အလွတ်သဘောတွေ့ဆုံရေးကော်မတီမှာ KNU က ပဒိုစောတာဒိုမှူးက အဖွဲ့ခေါင်းဆောင်အဖြစ်တာဝန် ယူမှာဖြစ်ပါတယ်။

 

 

Related News