မြန်မာနိုင်ငံရဲ့ဖွံ့ဖြိုးတိုးတက်ရေးမူဝါဒမှာ ပြည်တွင်းပြည်ပခွဲခြားမထားတာကြောင့် နိုင်ငံခြား ရင်းနှီးမြှုပ်နှံသူတွေအနေနဲ့ စိတ်ချယုံကြည်စွာလာရောက်ရင်းနှီးမြုပ်နှံကြဖို့ စီမံကိန်းနှင့်ဘဏ္ဍာရေး ၀န်ကြီးဋ္ဌာန ပြည်ထောင်စုဝန်ကြီးက တိုက်တွန်းခဲ့ပါတယ်။ မေလ ၉ ရက်က ပြုလုပ်တဲ့ ရန်ကုန်ရင်းနှီးမြှုပ်နှံမှုဖိုရမ်မှာ ပြောကြားခဲ့တာဖြစ်ပြီး အစိုးရသစ်ရဲ့ လက်ကျန်ကာလမှာ အခြေခံအဆောက်အဦးကဏ္ဍကို တစ်စိုက်မတ်မတ် ဆောင်ရွက်သွားမှာဖြစ်တယ်လို့လည်း ရင်းနှီးမြှုပ်နှံဖို့ ပြင်ဆင်တဲ့ လုပ်ငန်းရှင်တွေကို အသိပေးခဲ့ပါတယ်။ရန်ကုန်ကို နိုင်ငံခြားရင်းနှီးမြုပ်နှံမှုတွေပိုဝင်လာစေဖို့Yangon Investment Forumကို ပြုလုပ်တာဖြစ်ပါတယ်။ တရုတ်၊ အိန္ဒိယအပါအ၀င် နိုင်ငံတကာရင်းနှီးမြုပ်နှံသူတွေနဲ့ ပြည်တွင်းလုပ်ငန်းရှင်ကြီးတွေလည်း တက်ရောက်ခဲ့ပြီး ရန်ကုန်အစိုးရရဲ့ စီမံကိန်းအသစ်တွေ အကြောင်းကိုလည်း အခုပွဲမှာရှင်းလင်းပြောကြားခဲ့ပါတယ်။

အစိုးရအနေနဲ့ လက်ကျန်သက်တမ်းအတွင်း လျှပ်စစ်၊ လမ်းတံတား၊ ပို့ဆောင်ဆက်သွယ်ရေး ကဏ္ဍတွေကို ဦးစားပေးကဏ္ဍအဖြစ် ထည့်သွင်းထားပြီး ဒီ့အတွက် ရင်းနှီးမြှုပ်နှံနိုင်ကြောင်း စီမံ/ဘဏ္ဍာဝန်ကြီးက တိုက်တွန်းပါတယ်။ရန်ကုန်ရင်းနှီးမြုပ်နှံမှုဖိုရမ်မှာ ရန်ကုန်မြို့သစ်စီမံကိန်း၊ ရေနက်ဆိပ်ကမ်း၊ တန်ဖိုးနည်း အိမ်ယာစီမံကိန်း၊ စက်ရုံဇုန်အသစ်တွေစတဲ့  ရန်ကုန်ရဲ့ စီမံကိန်းတွေနဲ့ မြေဈေး၊ လျှပ်စစ်ဓာတ်အား စီမံထားမှုနဲ့ ရင်းနှီးမြုပ်နှံသူတွေ သိထားသင့်တဲ့အချက်တွေနဲ့ ရင်းနှီးမြှုပ်နှံနိုင်မယ့် နေရာတွေကို ရှင်းလင်းခဲ့ပါတယ်။

၁၉၈၈ခုနှစ်ကနေ လက်ရှိအချိန်ထိ နှစ်ပေါင်း(၃၀)အတွင်း ရန်ကုန်ကို နိုင်ငံခြားရင်းနှီးမြှုပ်နှံမှု လုပ်ငန်းပေါင်း(၈၄၀)ကျော်ကနေ အမေရိကန်ဒေါ်လာ ၂၀ဘီလီယံကျော် ၀င်ရောက်ထားပြီး ကာလတူ တစ်နိုင်ငံလုံးကိုဝင်ရောက်တဲ့ ပမာဏရဲ့ ၃၂ ရာခိုင်နှုန်း ဖြစ်ပါတယ်။ နောက်ဆုံး ၂၀၁၇-၁၈ ဘဏ္ဍာနှစ်မှာတော့ ဖေဖော်ဝါရီအကုန်ထိ နိုင်ငံခြားရင်းနှီးမြှုပ်နှံမှု အမေရိကန် ဒေါ်လာသန်း(၂၈၀၀)ကျော် ၀င်ရောက်ထားပါတယ်။ ရန်ကုန်ကိုဝင်တဲ့နိုင်ငံခြားရင်းနှီးမြှုပ်နှံမှုရဲ့ ၄၀ရာခိုင်နှုန်းကျော်က ပို့ဆောင်ဆက်သွယ်ရေးနဲ့ တယ်လီကွန်းကဏ္ဍကို အများဆုံးဝင်ရောက် ထားတာလည်း ဖြစ်ပါတယ်။

 

 

Related News