ခေတ်မီလက်နက်တွေ ကျွမ်းကျင်စွာ ကိုင်တွယ်အသုံးပြုပစ်ခတ်နိုင်ရေး ရန်ကုန်တိုင်းဒေသကြီး ရဲတပ်ဖွဲ့ဝင်တွေကို အမှတ်(၁)စစ်အခြေခံလေ့ကျင့်ရေးတပ်(မင်းကုန်း)မှာ ကျည်အစစ်တွေနဲ့ လေ့ကျင့်သင်ကြား ပေးပြီးဖြစ်တယ်လို့ ခေတ်မီလက်နက်တွေ ကျွမ်းကျင်စွာကိုင်တွယ်အသုံးပြု ပစ်ခတ်နိုင်ရေးဆင့်ပွားသင်တန်း အမှတ်စဉ်(၃/၂၀၁၈)သင်တန်းဆင်းပွဲမှာ ရန်ကုန်တိုင်းဒေသကြီး ရဲတပ်ဖွဲ့မှူးက ပြောပါတယ်။ ဒီသင်တန်းကို တပ်ဖွဲ့ဝင်(၁၅၀)ဦးနဲ့ (၂)ပတ်တာ ဖွင့်လှစ်သင်ကြား ပေးခဲ့တာဖြစ်ပြီး စာတွေ့သင်ကြားပြီးနောက် သင်တန်းကာလဒုတိယ အပတ်မှာတော့ အမှတ်(၁) စစ်အခြေခံလေ့ကျင့်ရေးတပ် (မင်းကုန်း) စက်ပစ်ကွင်းကို သွားရောက်ပြီး ကျည်အစစ်တွေနဲ့ သင်းတန်းသားတစ်ဦးချင်းအလိုက် လေ့ကျင့်သင်ကြားပေး နေတယ်လို့သိရပါတယ်။

သေနတ်အမျိုးအစား (၄)မျိုးကို တစ်မျိုး ကျည်(၁၀)တောင့်နှုန်းနဲ့ လေ့ကျင့်သင်ကြားပေးနေတယ်လို့ လဲ ဆိုပါတယ်။ ရဲတပ်ဖွဲ့ဝင်တွေအနေနဲ့ ယခုတပ်ဆင်ပြောင်းလဲပေးလိုက်တဲ့  လက်နက်ခဲယမ်းတွေနဲ့ ပတ်သက်ပြီးထိတွေ့ အသုံးပြုမှုနည်းပါးတဲ့အပြင်  အခြေခံသင်တန်းတွေမှာလည်း လက်တွေ့ သင်ယူခဲ့ရခြင်း မရှိတာ၊  လက်တွေ့ကိုင်တွယ် အသုံးပြုတဲ့အခါမှာ အခက်အခဲတွေ ကြုံတွေ့လာ နိုင်တာကြောင့် ခုလိုဆင့်ပွားသင်တန်းကို ဖွင့်လှစ်သင်ကြားပေးနေတာ ဖြစ်ပါတယ်။  ဒီသင်တန်းမှာ ခေတ်မီလက်နက်တွေဖြစ်တဲ့BA63/ BA64/ BA72/ BA94/ MA13  ကျွမ်းကျင်စွာ အသုံးပြုနိုင်ဖို့ ဖြုတ်ခြင်း၊ တပ်ခြင်း၊ တိုက်ချွတ်ခြင်းနဲ့ စနစ်တကျထားသို ထိန်းသိမ်းနိုင်ဖို့ လေ့ကျင့်သင်ကြားပေးနေတာ ဖြစ်ပါတယ်။

ကျည်အစစ်တွေနဲ့ လက်တွေ့လေ့ကျင့် ပေးတာတွေကို မြန်မာနိုင်ငံရဲတပ်ဖွဲ့ဌာနချုပ် ရဲ့ဘတ်ဂျတ်နဲ့ လုပ်ဆောင်ပေးနေတာဖြစ်တယ်လို့ သိရပါတယ်။ခေတ်မီလက်နက်များစနစ်တကျထားသိုထိန်းသိမ်းခြင်းနှင့် ကျွမ်းကျင်စွာကိုင်တွယ်အသုံးပြု ပစ်ခတ်ရေး (ဆင့်ပွား)သင်တန်းကို ဒီ ၂၀၁၈ ခုနှစ်အတွင်း ခုသင်တန်းနဲ့ဆို တိုင်းရဲတပ်ဖွဲ့ဝင် (၄၅၀)သင်ကြားပေးထားပါတယ်။ ကျည်အစစ်တွေနဲ့ လက်တွေ့လေ့ကျင့် ပေးတာကိုတော့ သင်တန်းအမှတ်စဉ်(၂)ကနေ စတင်လေ့ကျင့်ပေးနေခဲ့တာဖြစ်ပြီး ခုဆိုတိုင်းရဲတပ်ဖွဲ့ဝင်(၃၀၀) ရှိပြီလည်းဖြစ်ပါတယ်။ ဒီလိုဆင့်ပွားသင်တန်းတွေကို စဉ်ဆက်မပြတ်ဖွင့်လှစ်သင်ကြားပေးသွားမှာ ဖြစ်သလို ကျည်အစစ်တွေနဲ့ လက်တွေ့ လေ့ကျင့်ပေးတာတွေကို ဆက်လက်လုပ်ဆောင် ပေးသွားမယ်လို့ သိရပါတယ်။ 

 

 

 

Related News