သင်္ကြန်ကာလအစိုးရရုံးပိတ်ရက်တွေမှာ နေပြည်တော်ကအဝေးပြေးကားလက်မှတ်ခတွေကို ပုံမှန်ဈေးထက်ပိုမိုတောင်းယူခြင်းမပြုဖို့ ကြပ်မတ်ထားပြီး ပိုမိုတောင်းခံတာတွေရှိပါက တိုင်ကြား နိုင်တယ်လို့ ဧပြီ(၅)ရက်က နေပြည်တော် မထသ(အဝေးပြေး)မှ  တာဝန်ရှိသူတွေက ပြောပါတယ်။ အစိုးရ၀န်ထမ်းတွေအများအပြားရှိတဲ့ နေပြည်တော်မှာ သင်္ကြန်ကာလရုံးပိတ်ရက်တွေအတွင်း ရန်ကုန်၊ မန္တလေးအပါအ၀င် သက်ဆိုင်ရာမြို့နယ်တွေကို ပြန်ကြတော့မှာပါ။  သင်္ကြန်ကာလရုံး ပိတ်ရက်ဖြစ်တဲ့ မတ်လ၁၂ရက်ကစပြီး နိုင်ငံဝန်ထမ်း တွေအတွက်သာမက ကျန်တဲ့ခရီးသည်တွေ အတွက်ပါ သတ်မှတ်ခရီးစဉ်တွေကို သတ်မှတ်ယာဉ်စီးခအတိုင်းကောက်ခံဖို့နဲ့ စည်ကမ်းလိုက်နာဖို့ ဆောင်ရွက်ထားတယ်လို့ သိရပါတယ်။

ဒါ့အပြင် ရုံးပိတ်ရက်မှာ ယာဉ်စီးခ နှုန်းထားတွေပိုမိုတောင်းခံခြင်းမရှိစေဖို့အတွက် ကြီးကြပ်ရေးမှူးတွေ၊ ဌာနခွဲမှုးတွေ၊ ဒုတိယဌာနခွဲမှူး တွေပါဝင်တဲ့အဖွဲ့နဲ့ မော်တော်ယာဉ်တွေပေါ်မှာ လိုက်လံစစ်ဆေးတာတွေ၊ ယာဉ်စီးခပိုမိုတောင်းခံခြင်းရှိ မရှိ ခရီးသည်တွေကို လိုက်လံမေးမြန်းတာတွေ ပြုလုပ်သွားမယ်လို့ သိရပါတယ်။ အဲဒီလိုလိုက်လံစစ်ဆေးရာမှာ ယာဦစီးခပိုမိုတောင်းခံထားကြောင်း တွေ့ရှိပါက အဆင့်ဆင့်တင်ပြပြီးအရေးယူသွားမယ်လို့ သိရပါတယ်။ သင်္ကြန်ရုံးပိတ်ရက်ကာလ ရန်ကုန်မြို့နဲ့ မန္တလေးမြို့တွေကိုပြန်မည့် ကားလက်မှတ်မရတဲ့ အစိုးရ၀န်ထမ်းတွေ နဲ့ခရီးသည်တွေ အဆင်ပြေစေဖို့ နေပြည်တော် မထသ(အဝေးပြေး) ကနေ အရန်အနေနဲ့ သီးသန့်ယာဉ်(၅)စီးကိုလဲ စီစဉ်ပေးထား တယ်လို့ သိရပါတယ်။ နေပြည်တော် မ.ထ.သ(အဝေးပြေး)ကိုတည်ထောင်ခဲ့တဲ့ ၁၀နှစ်တာကာလအတွင်း သင်္ကြန်ကာလရုံး ပိတ်ရက်တွေမှာ လက်မှတ်ခပိုတောင်းတာတွေကြောင့် တိုင်တန်းတာမရှိခဲ့ဘူးလို့ သိရပါတယ်။ လက်ရှိ နေပြည်တော် အခြေပြု ယာဉ်လိုင်း(၂၅)လိုင်းနဲ့အခြားတိုင်းဒေသကြီးနဲ့ ပြည်နယ်အခြေပြု ယာဉ်လိုင်း(၈၀)ရှိကာ နေပြည်တော်ကနေ မြို့ကြီး(၄၉)မြို့ကို ပြေးဆွဲပေးနေ တယ်လို့ သိရပါတယ်။

 

 

Related News