ဘင်္ဂလားဒေ့ရ်ှနိုင်ငံကနေပေးပို့လာတဲ့ လူဦးရေ(၈၀၀၀)ကျော်ထဲကနေမှ ၈၀၀ကျော်ကို စီစစ်ထားပြီး မြန်မာနိုင်ငံမှာနေထိုင်ခဲ့တဲ့ အထောက်အထားတွေတွေ့ရှိခဲ့တယ်လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူအင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ပြောပါတယ်။ပြီးခဲ့တဲ့ ဖေဖော်ဝါရီလ၁၆ရက်က ဘင်္ဂလားဒေ့ရ်ှနိုင်ငံမှာပြုလုပ်ခဲ့တဲ့ နှစ်နိုင်ငံ ပြည်ထဲရေးဝန်ကြီးများ အစည်းအဝေးမှာ ဘင်္ဂလားဒေ့ရ်ှနိုင်ငံက လူ(၈၀၃၂)ဦးရဲ့ အမည်စာရင်းတွေကို ပေးအပ်ခဲ့တာပါ။ ပေးပို့ခဲ့တဲ့ စာရင်းတွေမှာ ပါဝင်တဲ့လူတွေကိုစီစစ်ရာလူဦးရေ (၈၀၀)ကျော်ကို စစ်ဆေးထားပြီချိန်ထိ အဲဒီလူတွေဟာ မြန်မာနိုင်ငံမှာနေထိုင်ခဲ့ ကြောင်း အထောက်အထားတွေ တွေ့ရှိခဲ့တယ်လို့ သိရပါတယ်။

ဒါကြောင့်မြန်မာနိုင်ငံအနေနဲ့ နိုင်ငံခြားရေး ၀န်ကြီးဌာနမှ တစ်ဆင့် စီစစ်ထားတဲ့လူတွေကို ပြန်လည်လွှဲပြောင်းလိုပါက လက်ခံနိုင်ကြောင်း ဘင်္ဂလားဒေ့ရ်ှနိုင်ငံဘက်ကို အကြောင်းကြားထားတယ်လို့ သိရပါတယ်။မြန်မာနိုင်ငံဖက်ကအဆိုပါလူ၈၀၀ကျော်ကို ပြန်လည်လက်ခံနိုင်ကြောင်း အကြောင်းကြား ထားပေမဲ့ ဘင်္ဂလားဒေ့ရ်ှနိုင်ငံဖက်က ဘယ်နေ့ပြန်လည်လွဲပြောင်းပေးအပ်မယ် ဆိုတာကို အကြောင်းပြန်ကြားတာမရှိဘူးလို့ သိရပါတယ်။  မြန်မာနိုင်ငံအနေနဲ့ ရခိုင်ပြည်နယ်မှာဖြစ်ပွားခဲ့တဲ့ ဖြစ်စဉ်တွေကြောင့် ဘင်္ဂလားဒေ့ရ်ှနိုင်ငံကို ထွက်ပြေး တိမ်းရှောင်နေသူတွေကို ပြန်လည်လက်ခံရေး အတွက် နှစ်နိုင်ငံသဘောတူညီ ထားတဲ့အတိုင်း ဇန်န၀ါရီလ၂၃ရက်ထဲက အဆင်သင့်ဖြစ်နေခဲ့တာပါ။

ဘင်္ဂလားဒေ့ရ်ှနိုင်ငံကို ထွက်ပြေး တိမ်းရှောင်နေသူတွေကို ပြန်လည်လက်ခံရေးစခန်း တောင်ပြို လက်ဝဲမှာ ပထမဆုံးစတင်လက်ခံမှာဖြစ်ပြီး ပြန်လည်ဝင်ရောက်လာသူတွေ ဟုတ်မဟုတ်စစ်ဆေးဖို့ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနရုံးတွေ၊ ထောက်ပံ့မှုတွေ ပြုလုပ်နိုင်ဖို့ လူမှုဝန်ထမ်း ကယ်ဆယ်ရေးနှင့်ပြန်လည်နေရာ ချထားရေးဝန်ကြီးဌာနရုံးတွေ၊ ကျန်မာရေးစောင့်ရှောက်မှုတွေ ပြုလုပ်နိုင်ဖို့ ဆေးခန်းတွေအပါအ၀င် ယာယီနေအိမ်တွေကို ဆောက်လုပ်ထားပါတယ်။

ဒါ့အပြင်တောင်ပြိုလက်ဝဲပြန်လည် လက်ခံရေးစခန်းကနေ စစ်ဆေးအတည်ပြုပြီးတဲ့ သူတွေကို လှဖိုးခေါင် ယာယီလက်ခံရေးစခန်းကိုပို့ဆောင်ပြီး အဲဒီမှတစ်ဆင့် သက်ဆိုင်ရာကျေးရွာတွေကိုပို့ဆောင်သွားမယ်လို့ သိရပါတယ်။ဘင်္ဂလားဒေ့ရ်ှနိုင်ငံကို ထွက်ပြေး တိမ်းရှောင်နေသူတွေနေထိုင်နိုင်ဖို့ရာအတွက် ရခိုင်ပြည်နယ် မြောက်ပိုင်းကကျေးရွာတွေမှာအိမ်ယာစီမံကိန်းတွေကိုတည်ဆောက်ပြီး စီစဉ်ထားတယ်လို့ သိရပါတယ်။

 

 

Related News