ရခိုင်ပြည်နယ်မှာဖြစ်ပွားခဲ့တဲ့ ဖြစ်စဉ်တွေကြောင့် တစ်ဖက်ဘင်္ဂလာဒေရှ့်နိုင်ငံကို ထွက်ပြေး တိမ်းရှောင်နေသူတွေကိုပထမဆုံးစတင်လက်ခံမယ့် ပြန်လည်လက်ခံရေးစခန်း တောင်ပြိုလက်ဝဲမှာ ကြိုတင်ပြင်ဆင်ထားပြီပြီလို့ သိရပါတယ်။ဘင်္ဂလားဒေရှ့်နိုင်ငံကနေပြန်လည်ဝင်ရောက်လာမယ့်သူ တွေကိုနှစ်နိုင်ငံနယ်စပ်ဖြစ်တဲ့ တောင်ပြို လက်ဝဲ မြို့ မှာရှိတဲ့ ချစ်ကြည်ရေးတံတားကနေ ပထမဆုံးလက်ခံမှာပါ။ မြန်မာနိုင်ငံအနေနဲ့ ဘင်္ဂလားဒေရှ့်နိုင်ငံဖက်ကို ဇန်န၀ါရီလ၁၅ရက်နဲ့ ၁၆ရက်တွေမှာ ပြုလုပ်ခဲ့တဲ့ နှစ်နိုင်ငံပူးတွဲလုပ်ငန်းအဖွဲ့အစည်းအဝေးမှာ ဟိန္ဒူဘာသာဝင် (၅၀၀) ဦးနဲ့ အစ္စလာမ် ဘာသာ ၀င်(၇၅၀)ဦးအပါအ၀င် စုစုပေါင်း(၁၂၅၀)ဦးရဲ့အမည်စာရင်းကို ပထမဆုံးအသုတ်အဖြစ် ပြန်လည်လက်ခံဖို့ ပေးပို့ခဲ့ပေမယ့်လက်ရှိအချိန်အထိပြန်လာမယ့်ရက်ကို သတ်မှတ်နိုင်ခြင်းမရှိ သေးဘူးလို့သိရပါတယ်။

အဲဒီ တောင်ပြိုလက်ဝဲပြန်လည်လက်ခံရေးစခန်းကို နှစ်နိုင်ငံ သဘောတူညီမှုတွေအရ ပြီးခဲ့တဲ့ ဇန်န၀ါရီလ ၂၃ရက်ထဲက အပြီးတည်ဆောက်ခဲ့ပြီး အဆင်သင့် ပြင်ဆင်ထား ခဲ့တယ်လိုတောင်ပြိုလက်ဝဲ ပြန်လည်လက်ခံရေး စခန်းတာဝန်ခံကပြောပါတယ်။တောင်ပြိုလက်ဝဲပြန်လည် လက်ခံရေးစခန်းမှာ ပထမဆုံးအသုတ်အဖြစ် ပြန်လည်ဝင်ရောက်လာမယ့် (၁၂၅၀)ဦးကို မြန်မာနိုင်ငံဘက်ကပေးပို့ထားတဲ့သူတွေ အမှန်တကယ် ဟုတ်မဟုတ် စစ်ဆေးဖို့ အလုပ်သမား၊ လူဝင်မှုကြီးကြပ်ရေးနှင့်ပြည်သူအင်အားဝန်ကြီးဌာန ရုံးတစ်ခု ကိုဖွင့်လှစ် ထားပါတယ်။

အဲဒီရုံးမှာ ပြန်လည် ၀င်ရောက်လာသူတွေအတွက် မှတ်တမ်းတင်အတည်ပြုတာတွေ၊သက်သေခံအထောက်အထား ထုတ်ပေးတာတွေ ၊ ဓာတ်ပုံမှတ်တမ်း ရယူတာတွေ၊ လက်ဗွေရာနဲ့မျက်စိစကန်မ် ရယူတာတွေ ပြုလုပ်သွားမယ်လို့ သိရပါတယ်။အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနကအတည်ပြု ပြီးတဲ့သူတွေကို လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားပေးရေးဝန်ကြီးဌာနကအမျိုးသား၊အမျိုးသမီး တစ်ဦးလျှင် စောင်တစ်ထည်၊ လုံချည်၊ တီရှပ်နဲ့ဆပ်ပြာတို့ကိုထောက်ပံ့ပေးသွားမှာဖြစ်ပြီး လူဦရေ(၁၀၀၀)အတွက် အသင့်ပြင်ထားတယ်လို့ သိရပါတယ်။

ဒါ့အပြင် ကျန်းမာရေးနှင့်အားကစား ၀န်ကြီးဌာနကလည်း ပြန်လည်ဝင်ရောက်လာသူတွေထဲမှာ ကျန်းမာရေး ချို့ယွင်း သူတွေ ပါဝင်လာပါက ကုသပေးဖို့အတွက်ဆေးခန်းတွေလည်း တည်ဆောက်ပေးထားတယ်လို့ သိရပါတယ်။တောင်ပြိုလက်ဝဲပြန်လည် လက်ခံရေးစခန်းကနေ စစ်ဆေးအတည်ပြုပြီးတဲ့သူတွေကို စခန်းမှာယာယီ လက်ခံထားကာ နောက်တစ်ရက်မှာ တပ်မတော်မှစီစဉ်ပေးထားတဲ့ မော်တော်ယာဉ်တွေနဲ့ လှဖိုးခေါင် ယာယီလက်ခံရေးစခန်းကို ပို့ဆောင်မှာဖြစ်ပြီး အဲဒီမှတစ်ဆင့်ပြန်လည် ၀င်ရောက်လာမဲ့ သူတွေကို ထားရှိမယ့်သက်ဆိုင်ရာကျေးရွာတွေကို ပို့ဆောင်သွားမယ်လို့ သိရပါတယ်။

 

 

Related News