“စုပေါင်းအင်အား”ကိုအလေးထားပြီး နိုင်ငံရဲ့စိန်ခေါ်မှုကြီးများကိုကျော်ဖြတ်ဖို့ သန်္နိဋ္ဌာန်ချလိုက်ပါ တယ်လို့ မနေ့ကဧပြီလ(၁)ရက်မှာပြောကြားခဲ့တဲ့ နိုင်ငံတော်အစိုးရ တာဝန်ထမ်းဆောင်မှု(၂)နှစ်ပြည့်မိန့်ခွန်းမှာ နိုင်ငံတော်၏အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်က ထည့်သွင်း ပြောကြားလိုက်ပါတယ်။

ဒီကာလအတွင်းမှာ မိမိတို့ နိုင်ငံနဲ့ ပြည်သူအတွက် စွမ်းဆောင်မှုများရဲ့အောင်မြင်မှုအခြေအနေ၊ အားသာချက်၊ အားနည်းချက်များကို တင်ပြသွားကြမှာဖြစ်ပါကြောင်း၊ ဒီလိုတင်ပြကြတဲ့နေရာမှာ ရိုးသား ဖြောင့်မတ်စွာ“ပြည်သူနဲ့အတူ” ဆိုတဲ့ ယခင်နှစ်ကချမှတ်ခဲ့တဲ့ဆောင်ပုဒ်နဲ့ ကိုက်ညီစွာ တင်ပြသွားမှာ ဖြစ်ကြောင်း၊ယခုနှစ်ပြည်သူကို အစီရင်ခံရာမှာ၊ အရေးအကြီးဆုံးတင်ပြ ဆွေးနွေးရမယ့် ကိစ္စတစ်ရပ် ကတော့  နိုင်ငံတော်သမ္မတသစ် တင်မြှောက်ခဲ့ခြင်းပဲဖြစ်ပါကြောင်း၊ ဒီမိုကရေစီ စနစ်ကို တန်ဖိုးထားရခြင်းရဲ့ အကြောင်းရင်းတွေထဲမှာ၊ နိုင်ငံရေး အပြောင်းအလဲတွေကို ပြည်သူ ပြည်သားများ မထိခိုက်စေပဲ ချောမွေ့ညင်သာစွာ လုပ်ဆောင်နိုင်ခြင်းက အဓိက ပါဝင်လို့ နိုင်ငံတော်သမ္မတသစ် ရွေးချယ်တင်မြှောက်ရာမှာ၊ တရားဥပဒေနဲ့ကိုက်ညီစွာ နိုင်ငံတော်အကျိုး ဖြစ်စေဖို့၊ ပြည်သူများ နှလုံးစိတ်ဝမ်း အေးချမ်းစေဖို့ အလေးထား ဆောင်ရွက်ခဲ့ပါကြောင်း ထည့်သွင်းပြောကြားခဲ့ပါတယ်။

ဒါ့အပြင် နိုင်ငံတော်သမ္မတကြီး ဦးဝင်းမြင့်၊ ပြည်ထောင်စုလွှတ်တော်မှာ ကတိသစ်္စာပြုပြီး ပြောကြားခဲ့တဲ့ မိန့်ခွန်းမှာ အစိုးရရဲ့ ဦးစားပေးရည်မှန်းချက်ပန်းတိုင်တွေဖြစ်တဲ့၊ တရားဥပဒေ စိုးမိုးရေးနဲ့ ပြည်သူများရဲ့ လူမှုစီးပွားဘ၀ တိုးတက်မြင့်မားစေရေး၊ အမျိုးသား ပြန်လည် သင့်မြတ်ရေးနဲ့ ပြည်တွင်း ငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုကြီး တည်ဆောက်ရေး အတွက် အခြေခံအုတ်မြစ်ဖြစ်တဲ့ ဖွဲ့စည်းပုံအခြေခံ ဥပဒေပြင်ဆင်ရေးတို့ကို ဦးတည်ကြိုးပမ်း ဆောင်ရွက်သွားမယ် ဆိုတာပါဝင်ကြောင်း၊ အစိုးရရဲ့ဦးစားပေး ဆောင်ရွက်ရမယ့် ကိစ်္စတွေကိုလည်း ချပြသွားခဲ့ပါကြောင်း၊ အကယ်၍ သေချာစွာ နားမထောင်ခဲ့ကြရင် ပြန်ဖတ်ကြပါ။ သမ္မတကြီးရဲ့မိန့်ခွန်းက အရေးကြီး ပါတယ်လို့လည်း ထည့်သွင်းပြောကြားခဲ့ပါတယ်။နိုင်ငံတော်၏အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်က လွတ်လပ်ရေးဖခင်ကြီးများရဲ့ အိပ်မက်၊ ပြည်သူတွေရဲ့လိုအပ်ချက်ဖြစ်တဲ့ ငြိမ်းချမ်း၊ တိုးတက်၊ သာယာတဲ့ စစ်မှန်တဲ့ ဒီမိုကရေစီ ဖက်ဒရယ်ပြည်ထောင်စုကြီးကို မနှေးအမြန် စုပေါင်းအင်အားနဲ့ အကောင်အထည် ဖော်နိုင်ကြပါစေလို့ ဆုတောင်းမေတ်္တာပို့သလိုက်ပါကြောင်းလည်း ပြောကြားခဲ့ပါတယ်။

 

 

 

Related News