အမှုတွဲစစ်ဆေးပြီး၊ တရားစီရင်ပြီးတဲ့သက်သေခံယာဉ်တွေကို နိုင်ငံတော်ဘဏ္ဍာအဖြစ် သိမ်းဆည်း ပြီးရင် ဥပဒေနဲ့အညီ အမြန်ဆုံးထုခွဲရောင်းချဖို့ကို ရန်ကုန်တိုင်းဒေသကြီးလွှတ်တော်မှာ မတ်(၃၀)ရက်က မေးခွန်းမေးမြန်းခဲ့တာပါ။ရန်ကုန်တိုင်းဒေသကြီးတရားရုံးအသီးသီးမှာရှိတဲ့ သက်သေခံယာဉ်တွေကို တရားစီရင်ပြီးတဲ့အခါမှာ  နေရာအခက်အခဲဖြစ်တာတွေကို ဖြေရှင်းရာရောက်ဖို့နဲ့ နိုင်ငံတော်ဘဏ္ဍာအလို့ငှာ ဥပဒေနဲ့အညီ အမြန်ဆုံးထုခွဲရောင်းချဖို့ အစီအစဉ်ရှိ၊မရှိ မင်္ဂလာတောင်ညွန့်မြို့နယ်အမတ် ဦးရန်အောင်က မေးမြန်း ခဲ့ပါတယ်။ ပိုင်ရှင်ကို ပြန်လည်ထုတ်ပေးတာ၊ ဖျက်ဆီးစေတာတို့ကို အချိန်ကြန့်ကြာခြင်းမရှိဘဲ လုပ်ဆောင်နိုင် ပေမယ့်  နိုင်ငံတော်ဘဏ္ဍာအဖြစ် သိမ်းဆည်းယာဉ်တွေကိုတော့ လုပ်ထုံးလုပ်နည်းတွေနဲ့ အညီ အဆင့်ဆင့်တင်ပြဆောင်ရွက်နေရလို့ အမြန်စီမံခန့်ခွဲနိုင်ခြင်းမရှိဘူးလို့ ရန်ကုန်တိုင်းဒေသကြီး တရားလွှတ်တော် တရားသူကြီးချုပ် ဦးဝင်းဆွေက ပြောပါတယ်။

ဒီလိုမော်တော်ယာဉ်တွေကို အမြန်ဆုံးထုခွဲရောင်းချဖို့ လက်ရှိမှာ ဆောင်ရွက်နေသလို အမြန်ဆုံးစီမံခန့်ခွဲနိုင်ရေးအတွက် ရန်ကုန်တိုင်းဒေသကြီးအစိုးရကို တင်ပြဆောင်ရွက်သွားမယ်လို့လည်း ပြောပါတယ်။လက်ရှိ အမှုတွဲစစ်ဆေးမှု ပြီးဆုံးတဲ့အခါ သက်သေခံပစ္စည်းတွေကို နိုင်ငံတော်ဘဏ္ဍာအဖြစ် သိမ်းဆည်းတာ၊ပိုင်ရှင်ကို ပြန်လည်ထုတ်ပေးတာ၊ ဖျက်ဆီးစေတာစတဲ့ သင့်တော်တဲ့ အမိန့်တစ်ရပ် ချမှတ်ပြီးတော့ အယူခံပြင်ဆင်ရက်ကျော်လွန်ရင် ယင်းအမိန့်နဲ့အတူ စီမံခန့်ခွဲကြရတာ ဖြစ်ပါတယ်။ (၂၀၁၇)သြဂုတ်လအတွင်း တိုင်းဒေသကြီးက သက်ဆိုင်ရာတရားရုံးတွေကို ပြည်ထောင်စုစီမံကိန်းနှင့် ဘဏ္ဍာရေးဝန်ကြီးဌာနကကွင်းဆင်းစစ်ဆေးပြီးနောက် မော်တော်ယာဉ်(၂၄)စီးလွှဲပြောင်း ယူဆောင်သွားပြီး (၄၇)စီးကျန်ရှိနေသေးတယ်လို့လည်းသိရပါတယ်။ 

 

 

Related News