ကရင်နီအမျိုးသားတိုးတက်ရေးပါတီ(KNPP) ဘက်က လွိုင်ကော်မြို့မှာ အစိုးရနဲ့တရားဝင် တွေ့ဆုံပွဲပြုလုပ်နိုင်ဖို့ အဆိုပြု ထားပါတယ်။ ဒီတရားဝင်တွေ့ဆုံမှုရလာဒ်က KNPP အဖွဲ့  တစ်နိုင်ငံလုံးပစ်ခတ်တိုက်ခိုက်မှုရပ်စဲရေးဆိုင်ရာသဘောတူစာချုပ်(NCA)မှာ လက်မှတ်ထိုးနိုင်ရေး ဆုံးဖြတ်ပေးနိုင်လိမ့်မယ်လို့ KNPP ရဲ့ ငြိမ်းချမ်းရေး ဖော်ဆောင်ရေးကော်မတီက တာဝန်ရှိသူက ပြောပါတယ်။မတ်လ(၇)ရက်ကတော့ အစိုးရရဲ့ငြိမ်းချမ်းရေးကော်မရှင်နဲ့ KNPP တာဝန်ရှိသူတွေ ရန်ကုန်မှာအလွတ်သဘောတွေ့ခဲ့ကြပါတယ်။ ဒီတွေ့ဆုံမှုမှာ တရားဝင်ထပ်တွေ့နိုင်ဖို့ပြောဆိုခဲ့ကြပြီး  လွိုင်ကော်မှာ ပြုလုပ်ဖို့ KNPP ဘက်က အဆိုပြုခဲ့တာပါ။ ဒီတရားဝင်တွေ့ဆုံပွဲက အခုလအတွင်း မှာတော့ ပြုလုပ်နိုင်ဖို့ခက်ပြီး လာမယ့် (၂၁)ပင်လုံတတိယ အစည်းအဝေး မတိုင်ခင် တွေ့ဆုံနိုင်ဖို့ အစိုးရဘက်က အကြံပြုထားတယ်လို့ KNPP ဘက်ကပြောပါတယ်။

အစိုးရနဲ့ KNPP ကြား လက်ရှိလက်မှတ်ထိုးထားတဲ့ ပြည်နယ်အဆင့်နဲ့ ပြည်ထောင်စုအဆင့် နှစ်ဖက်သဘောတူညီချက်နဲ့ ပတ်သက်ပြီး ပူးတွဲစောင့်ကြည့်ရေးကော်မတီကိစ္စ၊ ဆက်ဆံရေးတာဝန်ခံ ထားရှိရေးနဲ့ တပ်ပိုင်းဆိုင်ရာ ကိစ္စတွေ ပြန်လည်ညှိနှိုင်းဖို့နဲ့ အရငNFCအနေနဲ့ ဆွေးနွေးနေဆဲ အချက်(၈)ချက်ရဲ့ကျန်ရှိတဲ့ဆွေးနွေးချက်ကို ဒီတရားဝင်တွေ့ဆုံမှုမှာ ဆက်ဆွေးနွေးမှာဖြစ်ပါတယ်။ နှစ်ဖက်သဘောတူရင် NCA ထိုးဖို့ ဖြစ်လာမှာဖြစ်တယ်လို့KNPP ရဲ့ ငြိမ်းချမ်းရေး ဖော်ဆောင်ရေး ကော်မတီမှာ ပါတဲ့ခူညေးရယ်က ပြောပါတယ်။KNPP အနေနဲ့ NCA လက်မှတ်ထိုးနိုင်ရေးအတွက် လက်ရှိ အစိုးရလက်ထက်မှာ UNFC အစုအဖွဲ့မှာပါဝင်ပြီး အဆိုပြုချက်(၈)ချက်ကို ငြိမ်းချမ်းရေးကော်မရှင်နဲ့ တစ်နှစ်ခွဲနီးပါး နှစ်ဖက်ဆွေးနွေးခဲ့ကြပေမယ့် နောက်ဆုံးမှာဆွေးနွေးမှုတွေ ရပ်တန့်ခဲ့တာဖြစ်ပါတယ်။အစိုးရဘက်ကNCA ရေးထိုးပြီးနောက် အကောင်အထည်ဖော်မှု လုပ်ငန်းစဉ်ကို ဆက်ဆွေးနွေးဖို့ သဘောထားရှိပေမယ့် KNPP ဘက်ကတော့ အာမခံချက်ပိုရှိတဲ့ အကောင်အထည်ဖော်မှု လုပ်ငန်းစဉ်ကို သဘောတူညီချက်ရမှ လက်မှတ်ထိုးဖို့ ဆုံးဖြတ်ချက်ထားတယ်လို့KNPP ဒုတိယဥက္ကဋ္ဌ ခူဦးရယ်က ပြောပါတယ်။

KNPPလိုပဲUNFC အဖွဲ့ဝင်နှစ်ဖွဲ့ဖြစ်တဲ့ မွန်ပြည်သစ်ပါတီနဲ့လားဟူဒီမိုကရက်တစ် အစည်းအရုံး အဖွဲ့တွေဟာလည်း UNFC အနေနဲ့ ဆွေးနွေးမှုတွေရပ်တန့်ပြီးနောက် အစိုးရနဲ့ သီးသန့်တွေ့ဆုံပြီးNCAလက်မှတ်ရေးထိုးခဲ့တာဖြစ်ပါတယ်။ကယားပြည်နယ်အခြေစိုက်တိုင်းရင်းသားလက်နက်ကိုင်အဖွဲ့ဖြစ်တဲ့ ကရင်နီအမျိုးသား တိုးတက်ရေးပါတီ (KNPP) ကို ၁၉၅၇ခုနှစ်က စတင်ဖွဲ့စည်းခဲ့တာဖြစ်ပြီး ပြီးခဲ့တဲ့ အစိုးရလက်ထက် နှစ်ဖက်အပစ်ရပ် သဘောတူညီချက် ကို ၂၀၁၂ခုနှစ် မတ်လ(၇)ရက်နေ့က လွိုင်ကော်မြို့မှာ ပြည်နယ်အဆင့် လက်မှတ်ရေးထိုးခဲ့သလို  ပြည်ထောင်စုအဆင့်ကိုလည်း ၂၀၁၂ခုနှစ် ဇွန်လ၊ ၂၀၁၃ ဇွန်လနဲ့ အောက်တိုဘာလတွေမှာ လက်မှတ်ရေးထိုးထားပြီးဖြစ်ပါတယ်။ 

 

 

 

Related News