မနေ့က ကျရောက်တဲ့ ၇၁ နှစ်မြောက် ပြည်ထောင်စုနေ့အခမ်းအနားကို မန္တလေးမြို့ မန္တလာသီရိအားကစားကွင်းမှာ ပြုလုပ်ခဲ့တာဖြစ်ပါတယ်။ အခမ်းအနားအစီအစဉ်အရ ပြည်ထောင်စု သမ္မတ မြန်မာနိုင်ငံတော် 
အလံအားအလေးပြုပြီး နိုင်ငံတော်သမ္မတထံမှပေးပို့တဲ့ သ၀ဏ်လွှာကို မန္တလေးတိုင်းဒေသကြီး ၀န်ကြီးချုပ်က ဖတ်ကြားခဲ့ပါတယ်။၂၀၁၈ ခုနှစ် ပြည်ထောင်စုနေ့ အမျိုးသားဦးတည်ချက် (၄) ရပ်မှာ ပြည်ထောင်စု 
စိတ်ဓါတ်ထာဝစဉ် နိုးကြားရှင်သန်နေရေး၊ တိုင်းရင်းသားစည်းလုံးညီညွတ်မှုဖြင့် ပြည်တွင်းငြိမ်းချမ်း ရေးကို အောင်မြင်အောင်တည်ဆောက်ရေး၊ ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံမှသည် 
ဒီမိုကရေစီဖက်ဒရယ်ပြည်ထောင်စုတည်ဆောက်ရေးနှင့် အသေးစားနှင့်အလတ်စား စီးပွားရေး လုပ်ငန်းများကိုအားပေးမြှင့်တင်ခြင်းဖြင့် ပြည်ထောင်စုတစ်ဝန်းလုံး စီးပွားရေးဖွံ့ဖြိုး တိုးတက်စေရေး 
တို့ပါဝင်တယ်လို့သိရပါတယ်။
 
မန္တလေးမှာပြုလုပ်တဲ့(၇၁)နှစ်မြောက် ပြည်ထောင်စုနေ့ အခမ်းအနား ကို တက်ရောက်လာကြတဲ့ တိုင်းရင်းသား အချို့ကလည်း ၇၁ နှစ်မြောက်ပြည်ထောင်စုနေ့ နဲ့ ပတ်သက်ပြီး 
အခုလိုပြောကြပါတယ်။ဗိုလ်ချုပ်အောင်ဆန်းအပါအ၀င် တိုင်းရင်းသားခေါင်းဆောင်တွေ  ပြည်မနဲ့တောင်တန်းဒေသ အားလုံးလွတ်လပ်ရေး တစ်ပြိုင်တည်းရရှိရေး တစ်ညီတစ်ညွတ်ထဲတောင်းဆိုဖို့ ပင်လုံညီလာခံကို 
ကျင်းပဆွေးနွေးခဲ့ကြပြီး ၁၉၄၇ခုနှစ် ဖေဖေါ်ဝါရီလ (၁၂)ရက်နေ့မှာ တစ်နိုင်ငံလုံးလွတ်လပ်ရေး ရရှိရေးအတွက် တစ်စိတ်တစ်ဝမ်းထဲကြိုးပမ်းမှု သမိုင်းမှတ်တိုင်အဖြစ် လက်မှတ်ရေးထိုးခဲ့တဲ့နေ့ကို ပြည်ထောင်စုနေ့ 
အဖြစ်သတ်မှတ်ခဲ့တာလည်းဖြစ်ပါတယ်။
 
 
 
 

Related News