မြန်မာနိုင်ငံမှာရှိတဲ့ ပြည်သူလူထုတွေ အလုပ်အကိုင်ဖန်တီးနိုင်ရေး၊ ပြည်သူလူထုချမ်းသာ ကြွယ်ဝစေရေးနဲ့ သဘာဝသယံဇာတပေါကြွယ်ဝမှု ထိန်းသိမ်းရေးကိုဦးစားပေးတဲ့ စီးပွားရေးကဏ္ဍတစ်ခု ဖြစ်ပေါ်လာစေရေးတို့အတွက် ကြိုးစားဆောင်ရွက်နေတယ်လို့ ဒုတိယသမ်္မတဦးမြင့်ဆွေက ပြောလိုက်ပါတယ်။ 
 
ဖေဖော်ဝါရီလ၆ရက်က နေပြည်တော်မှာရှိတဲ့ မြန်မာ အပြည်ပြည်ဆိုင်ရာ ကွန်ဗစ်ရှင်းဗဟိုဌာန-၂(MICC-2)မှာပြုလုပ်ခဲ့တဲ့ အာဆီယံအစိမ်းရောင် စီးပွားရေးဗဟိုဌာန စတင်အကောင်အထည်ဖော်ခြင်း ဆိုင်ရာ အစည်းအဝေးဖွင့်ပွဲအခမ်းအနားမှာ ပြောကြားခဲ့တာပါ။ ဒုတိယသမ္မတက မြန်မာနိုင်ငံအနေနဲ့ ရာသီဥတုပြောင်းလဲမှုတွေ၊ ပတ်ဝန်းကျင် ယိုယွင်းပျက်စီးမှုတွေနဲ့ပတ်သက်ပြီး အမျိုးသားအဆင့် ပတ်ဝန်းကျင်ဆိုင်ရာ မူဝါဒမဟာဗျူဟာနဲ့ လုပ်ငန်းအစီအစဉ်တွေ၊ အမျိုးသားအဆင့် စွန့်ပစ်ပစ္စည်း စီမံခန့်ခွဲမှုမဟာဗျူဟာနဲ့ အစိမ်းရောင်စီးပွားရေးမူဝါဒ မူဘောင်တို့ကို ရေးဆွဲထားတယ်လို့ ဆိုပါတယ်။ အဲဒီထဲက အစိမ်းရောင်စီးပွားရေး မူဝါဒမူဘောင်ဟာ အစိမ်းရောင်ရင်းနှီးမြုပ်နှံမှုတွေကိုမြှင့်တင်နိုင်မယ့် ဦးစားပေးနယ်ပယ်တွေကို သတ်မှတ်ထားတယ်လို့ သိရပါတယ်။
 
  ဒါ့အပြင်အဆိုပါအခမ်းအနားအတွက် နိုင်ငံတော်၏အတိုင်ပင်ခံပုဂ်္ဂိုလ်ဒေါ်အောင်ဆန်းစုကြည်ကလဲ သ၀ဏ်လွှာတစ်စောင်ပေးပို့ခဲ့ကာ အဲဒီသ၀ဏ်လွှာကို သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက ဖတ်ကြားခဲ့ပါတယ်။ နိုင်ငံတော်၏ အတိုင်ပင်ခံပုဂ်္ဂိုလ်ရဲ့သ၀ဏ်လွှာထဲမှာ အနာဂတ်မှာ စီးပွားရေးတောင်တင်းခိုင်မာပြီး ရာသီဥတု ပြောင်းလဲမှုဒဏ်ကို ကြံ့ကြံ့ခံနိုင်တဲ့ အာဆီယံ အသိုက်အ၀န်းတစ်ရပ်ဖော်ဆောင်နိုင်ရေး အတူတကွ လက်တွဲဆောင်ရွက်ဖို့ အချိန်ကျရောက်ပြီလို့ ထည့်သွင်းပြောကြားခဲ့ပါတယ်။
 
အာဆီယံအစိမ်းရောင် စီးပွားရေးဗဟိုဌာန စတင်အကောင်အထည်ဖော်ခြင်းဆိုင်ရာ အစည်းအဝေးကို  ဖေဖော်ဝါရီလ ၆ ရက်ကနေ ၈ရက်အထိ သုံးရက်ကြာ ပြုလုပ်သွားမှာဖြစ်ပြီး အစည်းအဝေးကို ပြည်ထောင်စုဝန်ကြီးတွေ၊ အာဆီယံနိုင်ငံတွေက ကိုယ်စားလှယ်တွေ၊ လွှတ်တော်ကိုယ်စားလှယ်တွေ၊ ပြည်တွင်းက သက်ဆိုင်ရာ တာဝန်ရှိသူတွေ တက်ရောက်ကြပါတယ်။
 
 

Related News