ကျေးရွာတစ်ရွာထုတ်ကုန်တစ်ခု ကျေးလက်ဒေသဖွံ့ဖြိုးရေးမဟာဗျုဟာအစီအစဉ်အား ဆင်းရဲသော ပြည်နယ်နဲ့တိုင်းများအား ဦးစားပေးလျက် သက်ဆိုင်ရာဝန်ကြီးဌာနများတွင် ဘဏ္ဍာငွေ တစ်ရပ်ထည့်သွင်းရေးဆွဲကာ လက်တွေ့အကောင်အထည်ဖော် ဆောင်ရွက်ပေးရေး  ပြည်ထောင်စု အစိုးရအဖွဲ့အားတိုက်တွန်းကြောင်း အဆိုကို အမျိုးသားလွှတ်တော်မှာ ဆွေးနွေးသွားမယ်လို့ သိရပါတယ်။ကျေးရွာတစ်ရွာထုတ်ကုန်တစ်ခု ကျေးလက်ဒေသဖွံ့ဖြိုးရေးမဟာဗျုဟာအစီအစဉ်အား ဆင်းရဲသော ပြည်နယ်နဲ့တိုင်းများအား  ဦးစားပေးလျက် သက်ဆိုင်ရာဝန်ကြီးဌာနများတွင် ဘဏ္ဍာငွေတစ်ရပ်ထည့်သွင်းရေးဆွဲကာ လက်တွေ့အကောင်အထည်ဖော် ဆောင်ရွက်ပေးရေး တိုက်တွန်းတဲ့အဆိုကို ဖေဖော်ဝါရီလ(၅)ရက်ပြုလုပ်ခဲ့တဲ့ ဒုတိယအကြိမ်အမျိုးသားလွှတ်တော် သတ္တမပုံမှန် အစည်းအဝေးမှာ ရခိုင်ပြည်နယ်မဲဆန်္ဒနယ်အမှတ်(၁၁)က အမျိုးသားလွှတ်တော် ကိုယ်စားလှယ်ဒေါ်ထုမေက တင်သွင်းခဲ့တာပါ။

အဆိုရှင်ဖြစ်တဲ့ ဒေါ်ထုမေက အဆိုမှာ ပါဝင်တဲ့ ကျေးလက်ဒေသဖွံ့ဖြိုးရေး မဟာဗျုဟာ အစီအစဉ်အရ ကျေးရွာတစ်ရွာ ထုတ်ကုန်တစ်ခုစီမံကိန်းဟာ ဒေသထွက်ထုတ်ကုန်တစ်ခုကို ထုတ်လုပ်ပြီး ဒေသခံပြည်သူတွေ ၀င်ငွေများများရရှိနိုင်စေ ရေးအတွက် လုပ်ဆောင်တာလို့ သိရပါတယ်။ အဲဒီစီမံကိန်းကြောင့် ကျေးလက်နေ ပြည်သူတွေရဲ့တီထွင်ဖန်တီးနိုင်စွမ်းနဲ့ လူစွမ်းအား အရင်းအမြစ်တွေဖွံ့ဖြိုးလာကာခေါင်းဆောင်မှု အရည် အသွေး တွေတိုးတက်လာမည်လို့ ဆိုပါတယ်။

ဒါ့အပြင် ကျေးလက်နေ ပြည်သူများ အလုပ်အကိုင်အခွင့်အလမ်းရရှိရေးနဲ့ ဆင်းရဲနွမ်းပါးမှု လျော့ချရေး၊ ကျေးလက်ဒေသဖွံ့ဖြိုး တိုးတက်ရေးနဲ့ အသက်မွေးဝမ်းကြောင်းလုပ်ငန်းတွေ ဆောင်ရွက် နိုင်ရေး၊ နိုင်ငံသူနိုင်ငံသားများ လူနေမှုအဆင့်အတန်းတွေ မြင့်မားရေးနဲ့ ရေရှည်တည်တံ့သော စီးပွားရေးကဏ္ဍ ဖြစ်ပေါ်စေရေး အပါအ၀င် ဒေသခံကုန်ကြမ်းတွေပေါ်မှာ အခြေခံပြီး ပြည်တွင်း စားသုံးမှုဖူလုံရေးနဲ့ ပြည်ပတင်ပို့ နိုင်ရေးစတဲ့ရည်ရွယ်ချက်လေးခုလည်းပါဝင်တယ်လို့ သိရပါတယ်။ ရခိုင်ပြည်နယ်မဲဆန္ဒနယ်အမှတ်(၁၁)က အမျိုးသားလွှတ်တော်ကိုယ်စားလှယ်ဒေါ်ထုမေက တင်သွင်းခဲ့တဲ့အဆိုအပေါ် အမျိုးသားလွှတ်တော်ကိုယ်စားလှယ်တစ်ဦးက ထောက်ခံတင်ပြခဲ့ပြီး သဘောမတူတဲ့သူမရှိတာကြောင့် လွှတ်တော်မှာ ဆွေးနွေးဖို့ အတည်ပြုလိုက်တာလို့ သိရပါတယ်။ 

 

 

 

Related News