အကြောင်းမျိုးမျိုးဖြင့် နိုင်ငံပြင်ပသို့ သွားရောက်အလုပ်လုပ်ကိုင်နေကြရသော မြန်မာနိုင်ငံသားများ သည် ပြည်ပနိုင်ငံများ၏ ရွေ့ပြောင်း အလုပ်သမားဆိုင်ရာ ဥပဒေပြဋ္ဌာန်းချက်များ မူဝါဒများနှင့် အခြားသော အကြောင်းရပ်တို့ကြောင့်အခက်ခဲများစွာ ရင်ဆိုင်ကြုံတွေ့ရလျက် ရှိနေသဖြင့် ၎င်းတို့ဆက်လက် ရပ်တည်နိုင်ရေးနှင့် နိုင်ငံတွင်းသို့ ပြန်လည်ဝင်ရောက်လာကြပါက ထိရောက်သော ကူညီစောင့်ရှောက်မှု ပေးနိုင်ရေးအတွက် သင့်လျော်သည့် မူဝါဒနှင့် လုပ်ငန်းစဉ်များ ချမှတ်ဆောင်ရွက်သွားရန် ပြည်ထောင်စုအစိုးရအား တိုက်တွန်းကြောင်း အဆိုကို ပြည်သူ့လွှတ်တော်မှာ ဆွေးနွေးပြီး မှတ်တမ်းတင်ကြောင်းဆုံးဖြတ်ခဲ့တယ်လို့ သိရပါတယ်။

မိုင်းရယ်မဲဆန္ဒနယ်ပြည်သူ့လွှတ်တော်ကိုယ်စားလှယ့် ဦးစိုင်းသီဟကျော်တင်သွင်းခဲ့တဲ့ အကြောင်းမျိုးမျိုးဖြင့် နိုင်ငံပြင်ပသို့ သွားရောက်အလုပ်လုပ်ကိုင်နေကြရသော မြန်မာနိုင်ငံသားများသည် ပြည်ပနိုင်ငံများ၏ ရွေ့ပြောင်း အလုပ်သမားဆိုင်ရာ ဥပဒေပြဋ္ဌာန်းချက်များ မူဝါဒများနှင့် အခြားသော အကြောင်းရပ်တို့ကြောင့်အခက်ခဲများစွာ ရင်ဆိုင်ကြုံတွေ့ရလျက် ရှိနေသဖြင့် ၎င်းတို့ဆက်လက် ရပ်တည်နိုင်ရေးနှင့် နိုင်ငံတွင်းသို့ ပြန်လည်ဝင်ရောက်လာကြပါက ထိရောက်သော ကူညီစောင့်ရှောက်မှု ပေးနိုင်ရေးအတွက် သင့်လျော်သည့် မူဝါဒနှင့် လုပ်ငန်းစဉ်များ ချမှတ်ဆောင်ရွက်သွားရန် ပြည်ထောင်စုအစိုးရအား တိုက်တွန်းကြောင်း အဆိုနဲ့ပတ်သက်ပြီး ဖေဖော်ဝါရီလ၅ရက်ကပြုလုပ်ခဲ့တဲ့ ဒုတိယ အကြိမ် ပြည်သူ့လွှတ်တော်သတ်္တမပုံမှန်အစည်းအဝေး မှာ လွှတ်တော်ကိုယ်စားလှယ် (၇)ဦးကဆွေးနွေး ခဲ့ကြပြီး မဲခွဲဆုံးဖြတ်ရာ မှတ်တမ်းတင်ကြောင်းဆုံးဖြတ်ခဲ့တာပါ။

ပြည်တွင်းမှာအကြောင်းအမျိုးမျိုးကြောင့် ပြည်ပနိုင်ငံတွေကိုသွားရောက်လုပ်ကိုင်နေတဲ့ မြန်မာနိုင်ငံ သားတွေဟာ ပြည်ပနိုင်ငံများ၏ ရွှေ့ပြောင်းအလုပ်သမားဆိုင်ရာ ဥပဒေပြဌာန်းချက်တွေ မူဝါဒတွေနဲ့ အခြားအကြောင်းအရပ်တွေကြောင့် အခက်အခဲတွေနဲ့ ရင်ဆိုင်ကြုံတွေ့နေရပြီး ဆက်လက်ရပ်တည်နိုင်ရေး အခက်အခဲတွေဖြစ်ပွားနေတာကြောင့်အဆိုကိုတင်သွင်းခဲ့တာလို့ သိရပါတယ်။ အဆိုကို ပြည်ထောင်စုအစိုးရအဖွဲ့ကိုယ်စား အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေကပြန်လည်ဖြေကြားခဲ့ပါတယ်ဖြေကြားခဲ့တဲ့အထဲမှာနိုင်ငံတော်အနေနဲ့နိုင်ငံသားများအလုပ်အကိုင်ရရှိရေးနဲ့အလုပ်သမားများလူမှုစီးပွားဘ၀တွေတိုးတက်စေရေးဦးစားပေးလုပ်ငန်းတွေအဖြစ်လုပ်ကိုင်နေတာပြီးပြည်တွင်းပြည်ပကို ပြောင်းရွှေ့လုပ်ကိုင်နေတဲ့ အလုပ်သမားတွေအတွက် ရေရှည်အစီအမံတွေနဲ့ထိရောက်စွာဆောင်ရွက်နေတာကြောင့်မှတ်တမ်းအဖြစ်ထားရှိဖို့ တင်ပြခဲ့ပါတယ်။ ဒီနောက် မိုင်းရယ်မဲဆန္ဒနယ်ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်တင်သွင်းခဲ့တဲ့ အဆိုအပေါ် ပြည်သူ့လွှတ်တော်မှာ မဲခွဲဆုံးဖြတ်ရာ ထောက်ခံမဲ(၁၆၈)မဲ၊ကန့်ကွက်မဲ(၂၀၄)မဲနဲ့ ကြားနေမဲ(၅)မဲရှိခဲ့ကာ ကန့်ကွက်မဲကပိုများခဲ့တာကြောင့် မှတ်တမ်းတင်ကြောင်းဆုံးဖြတ်ခဲ့တယ်လို့ သိရပါတယ်။

 

 

 

Related News