နိုင်ငံသားတိုင်းကျန်းမာရေးစောင့်ရှောက်မှုတွေ လွှမ်းခြုံအားကောင်းလာစေဖို့ ဒေသဆရာဝန်တွေ၊ မြို့နယ်ကျန်းမာရေး ၀န်ထမ်းတွေ ပါဝင်တဲ့ ရွေ့လျားဆေးကုသမှုပေးတဲ့အဖွဲ့တွေနဲ့ ကျေးရွာတွေကိုအလှည့်ကျကွင်းဆင်းပြီး ကျန်းမာရေးစောင့်ရှောက်မှုတွေ မြှင့်တင်ပေးဖို့ ပြည်ထောင်စုအစိုးရအားတိုက်တွန်းတဲ့ အဆိုကို ပြည်သူ့လွှတ်တော်မှာ ဆွေးနွေးသွားမယ်လို့ သိရပါတယ်။ 

ရွေ့လျားဆေးကုသမှုပေးတဲ့အဖွဲ့တွေနဲ့ ကျေးရွာတွေကိုအလှည့်ကျ ကွင်းဆင်းပြီး ကျန်းမာရေးစောင့် ရှောက်မှုတွေ မြှင့်တင်ပေးဖို့ ပြည်ထောင်စုအစိုးရအား တိုက်တွန်းတဲ့ အဆိုကို ဖေဖော်ဝါရီလ ၁ ရက်က ပြုလုပ်ခဲ့တဲ့ ဒုတိယအကြိမ် ပြည်သူ့လွှတ်တော် သတ္တမပုံမှန်အစည်းအဝေးမှာ ပြင်ဦးလွင်မဲဆန္ဒနယ်က ပြည်သူ့လွှတ်တော် ကိုယ်စားလှယ် ဒေါက်တာဦးအောင်ခင်က တင်သွင်းခဲ့တာပါ။ အဆိုရှင်ဖြစ်တဲ့ ဦးအောင်ခင်က မြန်မာနိုင်ငံမှာရှိတဲ့လူဦးရေရဲ့ ၇၀ ရာခိုင်နှုန်းဟာ ကျေးလက်မှာ နေထိုင်သူတွေဖြစ်ပြီး စိုက်ပျိုးရေး၊ မွေးမြူရေးနဲ့လယ်ယာတွေကိုအဓိက လုပ်ကိုင်နေကြကာ  အများစုမှာ နေ့စဉ်ဝင်ငွေ နည်းပါးတာကြောင့် မိသားစုကျန်းမာရေးကိုမစဉ်းစားနိုင်ပဲ စားဝတ်နေရေးနဲ့ ပညာရေး အတွက်သာ လုပ်ကိုင်နေရလို့  ယခုအဆိုကိုတင်သွင်းတာလို့ ဆိုပါတယ်။

ဒါ့ကြောင့်ဒေသဆိုင်ရာ၊ ခရိုင်၊ မြို့နယ်တွေက ဆရာဝန်တွေ၊ သားဖွားနဲ့မီးယပ်ဆရာဝန်တွေ၊ သွားဖက်ဆိုင်ရာ ဆရာဝန်တွေပါဝင်တဲ့ ရွေ့လျားဆေးကုသမှုပေးတဲ့ အဖွဲ့တွေဖွဲ့စည်းပြီး ကျေးရွာတွေကို ကျန်းမာရေးစောင့်ရှောက်မှုပေးခြင်း၊ ကျန်းမာရေး အသိပညာပေးခြင်းနဲ့ ရောဂါကာကွယ်ရေးအသိပညာပေးခြင်းတွေကို အလှည့်ကျဆောင်ရွက်ပေးဖို့ တင်ပြခဲ့တာပါ။ အဆိုကို မလှိုင်မဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးလှထွန်းအောင်က ထောက်ခံဆွေးနွေးခဲ့ပါတယ်။

ပြင်ဦးလွင်မဲဆန္ဒနယ်က ပြည်သူ့လွှတ်တော် ကိုယ်စားလှယ် ဒေါက်တာဦးအောင်ခင်တင်သွင်းခဲ့တဲ့ ကျေးရွာတွေကို ရွေ့လျားဆေးကုသမှုပေးတဲ့အဖွဲ့တွေနဲ့ အလှည့်ကျကွင်းဆင်းပြီး ကျန်းမာရေးစောင့်ရှောက်မှုတွေ မြှင့်တင်ပေးရေး တိုက်တွန်းတဲ့အဆိုကို ပြည်သူ့လွှတ်တော်မှာ ဆွေးနွေးဖို့ ကန့်ကွက်မယ့် လွှတ်တော်ကိုယ်စားလှယ်မရှိတာကြောင့် ဆွေးနွေးဖို့သဘောတူလိုက်တာလို့ သိရပါတယ်။

 

 

 

Related News