ရန်ကုန်တွင် လာရောက်အလုပ် လုပ်ကိုင်သူတွေ အိမ်ခန်းပိုင်စေဖို့ ရန်ကုန်တိုင်းဒေသကြီးအိမ်ရာကော်မတီ တစ်ရပ်ပါ ဖွဲစည်းပြီး ရန်ကုန်မြို့ ဗိုလ်ချုပ်လမ်းပေါ်က အိုးအိမ်ရုံးဟောင်းမှာ အိမ်ရာအရောင်းပြခန်းတစ်ခု ဖွင့်လှစ်ပေးသွားမှာ ဖြစ်တယ်လို့ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောပါတယ်။ရန်ကုန်မြို့က ကျူးကျော်ပြဿနာကို ဖြေရှင်းပေးဖို့အတွက် ကျူးကျော် နေထိုင်သူတွေကို စနစ်တစ်ကျ နေရာချထားပေးဖို့နဲ့ လူမှုဘ၀တွေကိုအဆင့်အတန်းမြင့်စေဖို့ မြေကွက်ချပေးပြီး ဖြေရှင်းဖို့ မဖြစ်နိုင်ပဲ အိမ်ရာစီမံကိန်းတွေ လုပ်ဆောင် ပေးသွားဖို့ စီစဉ်နေတယ်လို့ ရန်ကုန်တိုင်းဒေသကြီး ၀န်ကြီးချုပ်ဦးဖြိုးမင်းသိန်းက ပြောပါတယ်။

ဒီလိုအိမ်ယာစခန်းတွေ ထူထောင်ဖို့အတွက် နားလည်မှု စာချွန်လွှာရေးထိုးထားတာရှိပြီး စာချုပ်အဆင့်မှ ရင်းနှီးမြုပ်နှံမှုဖိတ်ခေါ်ပြီး နှစ်ရှည်ချေးငွေ စနစ်ဆောင်ရွက်ပေးဖို့ ရှိနေတယ်လို့ ၀န်ကြီးချုပ်က ပြောပါတယ်။ဒီလိုစီမံကိန်းတွေကို ဆောင်ရွက်ရာမှာ အစိုးရက မြေကိုထည့်ဝင်ပေးပြီး လုပ်ငန်းရှင်တွေ ဘက်က တန်ဖိုးနည်းအိမ်ယာတွေ တည်ဆောက်ပေးရမှာဖြစ်လို့ နိုင်ငံတကာ ရင်းနှီးမြုပ်နှံသူတွေနဲ့ ညှိနှိုင်းနေတယ်လို့ ပြောပါတယ်။ ကျူးကျော်ပြဿနာကို နိုင်ငံတကာအဖွဲ့အစည်းတွေက အကြံပြုတာတွေရှိနေပေမဲ့ ဖြေရှင်းဖို့အတွက် စနစ်တကျ စီမံကိန်းတွေရှိမှ အောင်မြင်မှု ရနိုင်တယ်လို့လည်း ၀န်ကြီးချုပ်က ပြောပါတယ်။

စီမံကိန်းတွေကိုဆောင်ရွက်ရာမှာတော့ စနစ်တကျဖြစ်ဖို့ ကြိုတင်ပြင်ဆင်တာတွေ ရှိတာကြောင့် အလျင်အမြန်ပြီးစီးမှာ မဟုတ်ပေမယ့် လက်ရှိအစိုးရသက်တမ်း လက်ကျန် ၃နှစ်အတွင်း ပြီးစီးအောင် ဆောင်ရွက်သွားမယ်လို့ ဦးဖြိုးမင်းသိန်းက ပြောပါတယ်။ ရန်ကုန်တိုင်းဒေသကြီး အစိုးရအဖွဲ့ ရဲ့ကောက်ခံ ထားတဲ့ စာရင်းတွေအရ ကျူးကျော်အိမ်ခြေ တစ်သိန်းကျော်ရှိပြီး အိမ်ထောင်စု တစ်သိန်းခြောက်သောင်းကျော်နှင့် လူဦးရေ လေးသိန်းသုးံသောင်းကျော်ဟာ ဒီကျူးကျော်အိမ်တွေမှာ နေထိုင်နေကြတယ်လို့ သိရပါတယ်။ ဒါအပြင် ၂၀၁၄ ခုနှစ် လူဦးရေ နှင့် အိမ်အကြောင်းအရာ သန်းခေါင်စာရင်းအရ ရန်ကုန်တိုင်းဒေသကြီးအတွင်း လူဦးရေ (၇.၃)သန်းကျော်ရှိနေပြီး အိမ်ပိုင်ဆိုင်မှု အချိုးဟာ ၆၄.၅ ရာခိုင်နှုန်း ရှိတယ်လို့ သိရပါတယ်။

 

 

 

Related News