ပြည်တွင်းမှာ ရေကြီးရေလျှံမှုကြောင့်ဖြစ်ပေါ်လာတဲ့ ဆုံးရှုံးမှုကိုလျှော့ချဖို့၊ အများပြည်သူနဲ့ သက်ဆိုင်တဲ့အဆောက်အဦးတွေ ငလျင်ဒဏ်ခံနိုင်ရည်စေဖို့နဲ့နိုင်ငံတစ်ဝှမ်းက အရေးပေါ် အခြေအနေတွေအတွက် ငွေကြေးစီမံခန့်ခွဲရာမှာ ပြည်ထောင်စုအစိုးရရဲ့စွမ်းရည်ကို မြှင့်တင်ပေးနိုင်ရေး လုပ်ငန်းတွေအတွက် အမေရိကန်ဒေါ်လာ(၁၁၆)သန်း အသုံးပြုသွားမှာဖြစ်တယ်လို့ အမေရိကန်နိုင်ငံ ၀ါရှင်တန်ဒီစီမှာရှိတဲ့ ကမ္ဘာ့ဘဏ်ကနေဇွန်လ(၁၅)ရက်က ထုတ်ပြန်လိုက်ပါတယ်။မြန်မာနိုင်ငံအပါအ၀င်အရှေ့တောင်အာရှဒေသရဲ့ သဘာဝဘေးအန္တရာယ်စီမံခန့်ခွဲမှုစီမံကိန်းကို ကမ္ဘာ့ဘဏ်ကဇွန်လ(၁၅)ရက်မှာအတည်ပြုလိုက်တာဖြစ်ပြီး စီမံကိန်းရဲ့ တစ်စိတ်တစ်ဒေသအနေနဲ့ မြန်မာနိုင်ငံအတွက် အမေရိကန်ဒေါ်လာ(၁၁၆)သန်းအသုံးပြုဖို့ ဆုံးဖြတ်လိုက်တာ ဖြစ်တယ်လို့ သိရပါတယ်။
 
စီမံကိန်းကိုလာအိုနိုင်ငံ၊ ကမ္ဘောဒီးယားနိုင်ငံနဲ့မြန်မာနိုင်ငံတို့မှာ အတည်ပြုအကောင်အထည် ဖော်သွားမှာ ဖြစ်တယ်လို့ သိရပါတယ်။မြန်မာနိုင်ငံအနေနဲ့(၂၀၁၅)ခုနှစ်အတွင်းက တွေ့ကြုံခဲ့ရတဲ့ရေကြီးရေလျှံမှုတွေကြောင့် ထိခိုက်ခဲ့ရတဲ့ဒေသတွေ ပြန်လည်ထူထောင်ရေးအတွက် ပြန်လည်ဆောင်ရွက်နေတာလည်း ဖြစ်ပါတယ်။ သဘာဝဘေးအန္တရာယ်တွေကြောင့် မြန်မာနိုင်ငံမှာတစ်နှစ်ကိုအမေရိကန်ဒေါ်လာ (၁၈၄)သန်းဆုံးရှုံးနေရတယ်လို့ ကမ္ဘာ့ဘဏ်ရဲ့စာရင်းတွေအရ သိရပါတယ်။
 
 

Related News