ကမ္ဘာ့ဘဏ်နဲ့ နိုင်ငံတကာငွေကြေးရံပုံငွေအဖွဲ့တို့ ပူးပေါင်းရေးဆွဲတဲ့ ဘဏ္ဍာရေး အစီရင်ခံခြင်း နှင့် စာရင်းစစ်ကဏ္ဍအတွက် စံချိန်၊စံညွှန်းများနှင့် ကျင့်ဝတ်စည်းမျဉ်းစည်းကမ်းများ လိုက်နာခြင်း အပေါ် လေ့လာချက်အစီရင်ခံစာ ထုတ်ပြန်ခြင်းကိုဇွန်လ(၁၆)ရက်က Park Royal Hotel မှာ ပြုလုပ်ခဲ့ပါတယ်။ စံချိန်၊စံညွှန်းများနှင့် ကျင့်ဝတ်စည်းမျဉ်းစည်းကမ်းများ လိုက်နာခြင်းအပေါ် လေ့လာချက် အစီရင်ခံစာမှာ စာရင်းနှင့် စာရင်းစစ်ဆေးခြင်းဆိုင်ရာ အခြေခံအဆောက်အအုံကို ပိုမိုတိုးမြှင့်ပေးဖို့ အကြံပြုချက်တွေ ဖော်ပြထားတယ်လို့ သိရပါတယ်။ အကြံပြုချက်တွေထဲမှာ နိုင်ငံတကာစာရင်းနှင့် စာရင်းစစ်စံတွေကို အပြည့်အ၀ကိုက်ညီအောင်ဆောင်ရွက်ဖို့ စာရင်းပညာအတွက် ကျွမ်းကျင် တတ်မြောက်မှုကို အခြေခံတဲ့ မူဘောင်တစ်ခုကို အကောင်အထည်ဖော်ဖို့နဲ့ ဥပဒေမူဘောင်တွေကို အပြီးသတ်ဆောင်ရွက်ဖို့ အစရှိတဲ့အချက်တွေ ပါဝင်တယ်လို့သိရပါတယ်။

ဒါ့အပြင် မြန်မာနိုင်ငံကုမ္ပဏီများ ဥပဒေပြဌာန်းခြင်း၊ ငွေချေးသက်သေခံ လက်မှတ်များ ရောင်းဝယ်ရေးဥပဒေနှင့်  ငွေရေးကြေးရေးအဖွဲ့အစည်းများ ဥပဒေများ အကောင်အထည်ဖော်ဖို့ အတွက် စည်းမျဉ်း၊စည်းကမ်းများ အပြီးသတ်ရေးဆွဲခြင်းနှင့် လုပ်ငန်းသဘာဝအရ ဘဏ္ဍာရေး အစီရင်ခံခြင်း မူဘောင်ခွဲခြားသတ်မှတ်ခြင်းတို့ကို အမြန်ဆုံးပြီးစီးအောင်ဆောင်ရွက်ဖို့ အစီရင်ခံစာမှာ အကြံပြုထားတယ်လို့သိရပါတယ်။ ဒီအစီရင်ခံစာကို (၂၀၁၅)ခုနှစ်က စတင်အကောင်အထည်ဖော်ရေးဆွဲခဲ့တာဖြစ်ပြီး လက်ရှိမှာ အင်္ဂလိပ်ဘာသာအဖြစ်သာ စာအုပ်ထုတ်ဝေနိုင်သေးပြီး ဇွန်လကုန်မှာတော့ အင်္ဂလိပ်မြန်မာနှစ် ဘာသာနဲ့ ထုတ်ဝေသွားမှာ ဖြစ်တယ်လို့သိရပါတယ်။

 

Related News