ပြည်တွင်းကလယ်ယာထွက်ကုန်ပစ္စည်းတွေရဲ့ ပို့ကုန်ဈေးကွက်ဟာ အိမ်နီးချင်းနိုင်ငံ တွေအပေါ်သာမှီခိုနေရပြီး အဲဒီနိုင်ငံတွေက အကြောင်းအမျိုးမျိုးကြောင့် ဈေးကွက်ပြောင်းလဲပါက မြန်မာနိုင်ငံ ပို့ကုန်လုပ်ငန်းတွေကိုထိခိုက်မှုတွေဖြစ်စေတယ်လို့ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက သိရပါတယ်။ နိုင်ငံတ၀ှမ်းရှိ တောင်သူလယ်သမားများရဲ့ ထွက်ကုန်သီးနှံတွေ ဈေးကောင်းရရှိရေးအတွက် နိုင်ငံတော်အစိုးရက ခိုင်မာသော နိုင်ငံခြားဈေးကွက်ရှာဖွေပေးနိုင်ရေးနဲ့ ပတ်သက်ပြီး  ဇွန်လ၁၆ရက်က ပြုလုပ်ခဲ့တဲ့ ဒုတိယအကြိမ် ပြည်သူလွှတ်တော် ပဉ္စမပုံမှန်အစည်းအဝေးမှာ စေတုတ္ထရာ မဲဆန္ဒနယ်က ပြည်သူ့လွှတ်တော် ကိုယ်စားလှယ် ဦးကျော်လွင်အောင်ကမေးမြန်းခဲ့တာကို စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနက ပြန်လည်ဖြေကြားခဲ့တာပါ။

 မြန်မာနိုင်ငံအနေနဲ့ အခုနှစ်များအတွင်းပို့ကုန်ဈေးကွက် ပိုမိုရရှိလာသော်လည်းလယ်ယာ ထွက်ကုန်တွေဟာ အထွက်နှုန်းနိမ့်ကျတာတွေ၊ကုန်ကျစရိတ်ကြီးမြင့်တာတွေ ကုန်ပစ္စည်း အရည်အသွေး လျော့နည်းတာတွေ၊၀ယ်ယူသိုလှောင်သယ်ယူပို့ဆောင်ဖြန့်ဖြူးရာမှာ စရိတ်အလွန် ကြီးမားတာတွေနဲ့ ရင်ဆိုင်နေရပြီး ဈေးကွက်လိုအပ်ချက်ကိုလဲအချိန်မှီတင်ပို့နိုင်စွမ်း နည်းပါးတာတွေ ကြုံတွေ့နေရတယ်လို့ ဆိုပါတယ်။ ဒါ့အပြင် ပြည်တွင်းက လယ်ယာကဏ္ဍဖွံ့ဖြိုးတိုးတက်ရေးနှင့် ပို့ကုန်ဈေးကွက် အားကောင်းလာရေးအတွက် ငွေကြေးအရင်းအနှီးနည်းပညာ အထောက်အပံနဲ့ ပြုပြင်ပြောင်းလဲမှုတွေ ပြုလုပ်ဖို့ လိုအပ်နေတယ်လို့ သိရပါတယ်။ ဒါ့ကြောင့် ပြီးခဲ့တဲ့နှစ်အတွင်းအခြားပြည်ပဈေးကွက်တွေကိုရှာဖွေရာဆန်တင်ပို့နိုင်ဖို့ကမ်္ဘာ ဆန်ဈေးကွက်အထိ ချိတ်ဆက်နိုင်ခဲ့ပြီး နှမ်းမျိုးစုံတင်ပို့မူကိုလဲ ကိုရီးယား၊စင်ကာပူ၊ဂျပန် အပါအ၀င်၁၂နိုင်ငံကို တိုးချဲ့တင်ပို့နိုင်ခဲ့ပြီးဥရောပသမဂ္ဂအဖွဲ့ဝင်နိုင်ငံတွေကို ပဲတင်ပို့နိုင်ဖို့နဲ့ ဈေးကွက်အခိုင်အမာရရှိရေးအတွက်စမ်းသပ်စီမံချက်တွေနဲ့ ဆောင်ရွက်နေတယ်လို့ သိရပါတယ်။ ပြီးခဲ့တဲ့၂၀၁၆-၂၀၁၇ဘဏ္ဍာနှစ်အတွင်း လယ်ယာထွက်ကုန်ပစ္စည်းတန်ချိန်(၆.၄၉)သန်းကို ပြည်ပနိုင်ငံတွေကိုတင်ပို့နိုင်ခဲ့ပြီး တန်ဖိုးအားဖြင့် အမေရိကန်ဒေါ်လာ၂ဒသမ၉ဘီလီယံကျော် အထိရှိတယ်လို့သိရပါတယ်။

 

Related News