ဇူလိုင်လ(၁၉)ရက်တွင် ကျရောက်မယ့်(၇၂)နှစ်မြောက် အာဇာနည်နေ့မှာ ဗိုလ်ချုပ်အောင်ဆန်းပြတိုက်အပေါ်ထပ်ကို အများပြည်သူ လေ့လာနိုင်ဖို့ ဖွင့်လှစ်ပေးသွားမယ်လို့ သိရပါတယ်။ဇူလိုင်လ(၁၉)ရက်တွင် ကျရောက်မယ့်(၇၂)နှစ်မြောက် အာဇာနည်နေ့မှာ ဗိုလ်ချုပ်အောင်ဆန်းပြတိုက်အပေါ်ထပ်ကို အများပြည်သူ လေ့လာနိုင်ဖို့ ဖွင့်လှစ်ပေးသွားမယ်လို့ သိရပါတယ်။ ယခင်နှစ်အာဇာနည်နေ့ က ဗိုလ်ချုပ်အောင်ဆန်းပြတိုက် အပေါ်ထပ်ကို တက်ရောက်ခွင့်ပိတ်ထားခဲ့ပြီး ယခုနှစ်မှာတော့ ဗိုလ်ချုပ်အောင်ဆန်းပြတိုက်ကြံ့ခိုင်မှုကို ပြုပြင်ထိန်းသိမ်းပြီးတာကြောင့် အပေါ်ထပ် တက်ရောက်ခွင့်ကို ခွင့်ပြုလိုက်တာဖြစ်ပါတယ်။ ဒီလို အပေါ်ထပ်ကို တက်ရောက်ရာမှာတော့  ပြတိုက်ကြံ့ခိုင်မှုအရ လေ့လာသူ တွေကို အယောက်(၅၀)စီခွဲကာ တစ်သုတ်ပြီး တစ်သုတ် တက်ရောက်စေမှာဖြစ်တယ်လို့ ဗိုလ်ချုပ်အောင်ဆန်းပြတိုက် တာဝန်ခံ ဒေါ်အိသန္တာက ပြောပါတယ်။

ဗိုလ်ချုပ်အောင်ဆန်းပြတိုက်အတွင်းမှာတော့ ပြတိုက်အောက်ထပ်မှာ ဧည်ခန်းထမင်းစားခန်းရှိပြီး အပေါ်ထပ်မှာတော့ အိပ်ခန်း စာဖတ်ခန်း ကလေးများအိပ်ခန်းနဲ့ အထူးအစည်းအဝေးခန်းတို့ ရှိပါတယ်။ ဒါ့အပြင် အာဇာနည်နေ့ ထူးခြားချက်အနေနဲ့ ဗိုလ်ချုပ် အသုံးပြုခဲ့တဲ့ သားရေသေတ္တာအတွင်းမှ အ၀တ်အစားများကိုပါ ခင်းကျင်းပြသသွားမယ်လို့ သိရပါတယ်။ ပြတိုက်အ၀င် လျှောက်လမ်း တစ်လျှောက်မှာလည်း ဗိုလ်ချုပ်အောင်ဆန်းရုပ်ပုံပါ ငွေစက္ကူများ၊ (၁၉၆၆)ခုနှစ်ထုတ် ဗိုလ်ချုပ်အောင်ဆန်းရုပ်ပုံပါ အကြွေစေ့များ၊ ဗိုလ်ချုပ်အောင်ဆန်းရုပ်ပုံပါ စာပို့ခတံဆိပ်ခေါင်းများ၊ အာဇာနည်နေ့အထိမ်းအမှတ်အဖြစ် ထုတ်ဝေသော စာပို့ခတံဆိပ်ခေါင်းများကို ပြသထားမှာဖြစ်တယ်လို့ အမျိုးသားပြတိုက်မှ လက်ထောက်ညွှန်ကြားရေးမှူး ဦးခင်မောင်စိုးက ပြောပါတယ်။

(၇၂)နှစ်မြောက်အာဇာနည်နေ့အထိမ်းအမှတ်အဖြစ် ဇူလိုင်(၁၉)ရက်မှဇူလိုင်(၂၁)ရက်အထိကို အထူးရက်အဖြစ် သတ်မှတ်ထားပြီး ဗိုလ်ချုပ်ပြတိုက်ကို လာရောက်ကြည့်ရှုတဲ့ ပြည်တွင်းပြည်ပကြည့်ရှုသူမည်သူကိုမဆို ၀င်ကြေးအခမဲ့နဲ့ ၀င်ခွင့်ပြုသွားမယ်လို့ သိရပါတယ်။ပြီးခဲ့တဲ့(၇၁)နှစ်မြောက် အာဇာနည်နေ့မှာ ဗိုလ်ချုပ်အောင်ဆန်းပြတိုက်ကို ၀င်ရောက်လေ့လာသူ နှစ်သောင်းနီးပါးရှိတယ်လို့ သိရပါတယ်။

 

 

Related News