ပြည်ထဲရေးဝန်ကြီးဌာန၊ အကျဉ်းဦးစီးဌာန၊ မန္တလေးဗဟိုအကျဉ်းထောင်တွင်းစာစစ်ဌာနမှ (၂၀၁၉)ခုနှစ်တက္ကသိုလ်ဝင်တန်း အောင်မြင်ခဲ့တဲ့ အကျဉ်းသား/အကျဉ်းသူ(ကျောင်းသား/ကျောင်းသူ)(၄၂)ဦးနဲ့ ပညာသင်ကြားပေးခဲ့တဲ့ဆရာ/ဆရာမများ ဂုဏ်ပြုပွဲကို ဇူလိုင်လ(၁၃)ရက်က မန္တလေးဗဟိုအကျဉ်းထောင်၊အပြင်ဓမ္မာ ရုံးခန်းမ မှာပြုလုပ်ခဲ့ပါတယ်။ 

ပြီးခဲ့တဲ့၂၀၁၈-၂၀၁၉ ပညာသင်နှစ်တက္ကသိုလ်ဝင်တန်းစာမေးပွဲကို မန္တလေးဗဟိုအကျဉ်းထောင်တွင်းစာစစ်ဌာနမှ အကျဉ်းကျ ကျောင်းသား၊ ကျောင်းသူ( ၇၁)ဦးဝင်ရောက်ဖြေဆိုခဲ့ပါတယ်။ဒီအထဲက (၄၂) ဦးအောင်မြင်ခဲ့ပြီး  (၂)ဘာသာဂုဏ်ထူးရှင် (၃) ဦး၊ (၁)ဘာသာဂုဏ်ထူးရှင် (၁၁)ဦးစုစုပေါင်းဂုဏ်ထူးရ ကျောင်းသားကျောင်းသူ (၁၄)ဦးရရှိခဲ့ပါတယ်။ တက္ကသိုလ်ဝင်တန်း အောင်မြင် ခဲ့တဲ့ ကျောင်းသားကျောင်းသူတွေနဲ့ ပညာသင်ကြားပေးခဲ့တဲ့ ဆရာဆရာမတွေကိုဂုဏ်ပြုခဲ့တဲ့ ဖြစ်ပါတယ်။ မန္တလေးဗဟို အကျဉ်း ထောင်မှာ (၂၀၁၆-၂၀၁၇) ပညာသင်နှစ်ကစတင်ပြီး စာစစ်ဌာနဖွင့်လှစ်ခဲ့ပြီး သင်ကြားရေးအတွက် ထောင်ထဲမှာ ပြစ်ဒဏ်ကြောင့် အကျဉ်းကျနေတဲ့ပညာတတ် အကျဉ်သားတွေကို ကျောင်းဆရာအဖြစ်ရွေးချယ် တာဝန်ပေးခန့်အပ်သလို၊ ပညာရေးဌာနရဲ့ ပူးပေါင်းမှုနဲ့ အထက်တန်းပြဆရာဆရာမတွေရဲ့ ပညာဒါန၊ မန္တလေးမြို့က ဆရာဆရာမတွေက လာရောက်သင်ကြား ပေးခဲ့တာ ဖြစ်ပါတယ်။

အခုပြုလုပ်ခဲ့တဲ့ မန္တလေးဗဟိုအကျဉ်းထောင်မှ (၂၀၁၉) ခုနှစ်တက္ကသိုလ်ဝင်တန်းအောင်မြင်ခဲ့တဲ့ အကျဉ်းသား/အကျဉ်းသူ ကျောင်းသား၊ ကျောင်းသူ (၄၂)ဦးနဲ့ ပညာသင်ကြားပေးခဲ့ကြတဲ့ဆရာ/ဆရာမများဂုဏ်ပြုပွဲအခမ်းအနားကို အကျဉ်းဦးစီးဌာန ညွှန်ကြားရေးမှူးချုပ်ဦးမြင့်စိုးနဲ့ တာဝန်ရှိသူတွေ၊ မန္တလေးတိုင်းဒေသကြီးပညာရေးဝန်ကြီးဌာနက တာဝန်ရှိသူတွေ တက်ရောက်ခဲ့ ကြပါတယ်။

 

Related News