နယူးယောက်မြို့မှာစနေနေ့ညနေပိုင်းက လျှပ်စစ်ဓာတ် အား ပြတ်တောက်ခဲ့ပြီးသွားလာရာမှာအခက်အခဲတွေ့ခဲ့ပါတယ်။စနေနေ့ညနေပိုင်းအမေရိကန်နိုင်ငံ၊ နယူးယောက်မြို့မှာ လျှပ်စစ်ဓာတ်အားပြတ်တောက်ခဲ့လို့ မြေအောက်ရထားတွေရပ်ဆိုင်းခဲ့ပြီး လူတွေလည်း ဓာတ်လှေကားတွေထဲမှာပိတ်မိခဲ့ပါတယ်။ နယူးယောက်မှာရှိတဲ့ခရိုင်(၅)ခုထဲမှာလူနေအများဆုံးဖြစ်တဲ့မန် ဟတ်တန် မှာအိမ်(၇)သောင်းကျော်နဲ့ စီးပွားရေးလုပ်ငန်းတွေမှာ လျှပ်စစ်ပြတ်တောက်ခဲ့တယ်လို့ စွမ်းအင်ကုမ္ပဏီကွန်အက်ဒီဆင်က ပြောပါ တယ်။ ငါးနာရီလောက်ကြာအောင် လျှပ်စစ်ဓာတ်အားပြတ်တောက်ခဲ့ပြီး(၁၉၇၇)ခုနှစ်ကနယူးယောက်မှာ အကြီးအကျယ် လျှပ်စစ် ဓာတ်အားပြတ်တောက်ခဲ့လို့ ကောင်းကင်တစ်ခုလုံးမှောင်မဲပြီးပစ္စည်းတွေလုတာနဲ့ မီးရှို့တာတွေဖြစ်ခဲ့တဲ့ဖြစ်ရပ် (၄၂)နှစ်မြောက်တဲ့ အချိန်မှာ အခုဖြစ်ရပ်ဖြစ်ခဲ့တာပါ။လျှပ်စစ်ကွန်ရက်(၆)ခုစလုံးမှာထိခိုက်ခဲ့တာဖြစ်ပြီးအခုတော့(၆)ခုလုံးအလုပ်ပြန်လုပ်နေပြီလို့ စနေနေ့ညသန်းခေါင်မတိုင်ခင် ကွန်အက်ဒီဆင်ကုမ္ပဏီအကြီးအကဲဂျွန်မက်အဗွိုင်းကထုတ်ပြန်ပါတယ်။

ဓာတ်အားခွဲရုံတစ်ရုံမှာ ပြဿနာပေါ်ခဲ့လို့ အခုဖြစ်ရပ်ဖြစ်တာဖြစ်နိုင်တယ်လို့ ပြောပေမဲ့ အကြောင်းရင်းကိုတော့ စုံစမ်းစစ်ဆေးနေတုန်းဖြစ်ပါတယ်။ လမ်းမီးတိုင်တွေနဲ့ မီးပွိုင့်တွေမှာလည်းမီးမလာခဲ့ဘဲ မန်ဟတ်တန်မှာရှိတဲ့အဆောက်အအုံတွေထဲက လူတွေကိုဘေးလွတ်ရာ ရွှေ့ပေးခဲ့တယ်လို့လည်းမီးသတ်ဌာနကထုတ်ပြန်ပါတယ်။ မီးပျက်လို့ စနေနေ့ညမှာပြုလုပ်မယ့်ဂီတဖျော်ဖြေပွဲတွေကို ဖျက်သိမ်းခဲ့ ရပြီး မက်ဒီဆင်ရင်ပြင်မှာကျင်းပမယ့်သူ့ရဲ့ဖျော်ဖြေပွဲပျက်ခဲ့လို့ စိတ်မကောင်းဖြစ်ရတယ်လို့ ဂျနီဖာလိုပက်ဇ်က တွစ်တာမှာ ပြောပါတယ်။

 

Related News