မန္တလေးမြို့မှာအခြေခံမိုဘိုင်းဖုန်းပြုပြင်နည်းအခမဲ့သင်တန်းကိုဇူလိုင်လ (၁၁)ရက်ကမန္တလေးတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်းမှာဖွင့်လှစ်ခဲ့တာဖြစ်ပါတယ်။ယခုဖွင့်လှစ်တဲ့အခြေခံမိုဘိုင်းဖုန်းပြုပြင်နည်းအခမဲ့သင်တန်းကိုမန္တလေးတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်း၊တက်ဟုန်ပြည်နယ်ခွဲကုန်သည်ကြီးများအသင်း မြန်မာနိုင်ငံကိုယ်စားလှယ်ရုံး၊တက်ဟုန်ပြည်နယ်ခွဲသိပ္ပံနှင့်နည်းပညာသတင်းအချက်အလက်အင်စတီကျုတို့ကပူးပေါင်းဖွင့်လှစ်တာ ဖြစ်တယ်လို့သိရပါတယ်။

အခုလိုဖွင့်လှစ်သင်ကြားတာဟာလူငယ်တွေအတွက်အလုပ်အကိုင်အခွင့်အလမ်း တွေရရှိစေဖို့၊မိုဘိုင်းဖုန်းနဲ့ပတ်သက်တဲ့အသေးစိတ်အချက်အလက်တွေသိရှိစေဖို့နဲ့ကျွမ်းကျင်တဲ့လုပ်သားတွေရရှိစေဖို့ရည်ရွယ်ပြီးဖွင့်လှစ်သင်ကြားတာဖြစ်တယ်လို့သိရပါတယ်။အခြေခံမိုဘိုင်းဖုန်းပြုပြင်နည်းအခမဲ့သင်တန်းကိုသင်တန်းသား (၃၀) ဦးတက်ရောက်နေပြီးသင်တန်းကာလအနေနဲ့ (၁၅)ရက်ကြာသင်ကြားပေးသွားမှာဖြစ်တယ်လို့သိရပါတယ်။ဒီသင်တန်းမှာဖုန်းတစ်လုံးရဲ့လုပ်ဆောင်ပုံအဆင့်ဆင့်နဲ့ဆက်စပ်ပစ္စည်းများအသုံးပြုပုံတွေ၊ဖုန်းနဲ့ပတ်သက်တဲ့ Hardwareပိုင်း၊ Software ပိုင်းပြုပြင်ထိန်းသိမ်းနည်းကဏ္ဍတွေကိုအသေးစ်ိတ်သင်ကြားပို့ချသွားမှာဖြစ်တယ်လို့သိရပါတယ်။

မန္တလေးတိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်း၊တက်ဟုန်ပြည်နယ်ခွဲကုန်သည်ကြီးများအသင်း မြန်မာနိုင်ငံကိုယ်စားလှယ်ရုံးတို့ပူးပေါင်းပြီးအခြေခံမိုဘိုင်းဖုန်းပြုပြင်နည်းသင်တန်းအပြင်စားဖိုမှူးမွမ်းမံသင်တန်းကိုလည်းဖွင့်လှစ်သင်ကြားပေးခဲ့ပြီးဖြစ်တယ်လို့သိရပါတယ်။

 

Related News