မြန်မာနိုင်ငံအတွင်းလုပ်ကိုင်လျက်ရှိတဲ့ခရီးသွားလုပ်ငန်းတွေအတွက် (၂၀၁၉)ခုနှစ် မြန်မာ့တာဝန်သိခရီးသွားဆိုင်ရာဆု (Myanmar Responsible Tourism Awards)ဆုပေးပွဲကိုလာမယ့်ဒီဇင်ဘာလမှာပြုလုပ်သွားမယ်လို့ဇူလိုင်လ (၁၂)ရက်ကပန်သူရိယအနုပညာပြခန်းမှာပြုလုပ်တဲ့သတင်းစာရှင်းလင်းပွဲမှသိရပါတယ်။မြန်မာ့တာဝန်သိခရီးသွားလုပ်ငန်းဆိုင်ရာဆု (Myanmar Responsible Tourism Awards)ပြိုင်ပွဲကိုတတိယအကြိမ်အဖြစ်ကျင်းပမှာဖြစ်ပြီးလူမှုရေး၊စီးပွားရေးနှင့်သဘာဝပတ်ဝန်းကျင်အတွက်အကျိုးကျေးဇူးများဖန်တီးပေးနိုင်တဲ့ မြန်မာ့ခရီးသွားလုပ်ငန်းတွေပေါ်ပေါက်လာစေဖို့ရည်ရွယ်ကျင်းပတာလို့သိရပါတယ်။တာဝန်သိခရီးသွားလုပ်ငန်းဆိုတာကိုယ့်ရဲ့လုပ်ငန်းကြောင့် ဒေသတွေရဲ့လူမှုပတ်ဝန်းကျင်၊သဘာဝပတ်ဝန်းကျင်ဆိုးကျိုးရိုက်ခတ်တာတွေကိုလျော့ကျအောင်လုပ်ဆောင်တဲ့လုပ်ငန်းတွေလို့ဆိုပါတယ်။

ဆုပေးပွဲမှာတော့အကောင်းဆုံးတာဝန်သိခရီးသွားလုပ်ငန်းရှင်၊ဒေသခံများပါဝင်သောခရီးသွားလုပ်ငန်းဆိုင်ရာအကောင်းဆုံးဖော်ဆောင်နိုင်မှု၊အကောင်းဆုံးတီထွင်ဆန်းသစ်နိုင်သောတာဝန်သိခရီးသွားလုပ်ငန်းစတဲ့ဆု (၈)ဆုကိုပေးအပ်သွားမှာလို့သိရပါတယ်။ဒီဆုတွေအတွက်ခရီးသွားလုပ်ငန်းနယ်ပယ်မှာဖွံ့ဖြိုးရေးလုပ်ငန်း တွေကိုလုပ်ကိုင်နေတဲ့အတွေ့အကြုံရှိသူတွေကဘုတ်အဖွဲ့ဖွဲ့ပြီးစိစစ်ရွေးချယ်သွားမယ်လို့သိရပါတယ်။ဒီပြိုင်ပွဲအတွက်လျှောက်လွှာတွေကိုတော့ယခုဇူလိုင်လ (၁၅)ရက်ကစတင်ပြီးတစ်လခွဲကြာလက်ခံပေးသွားမှာဖြစ်ပြီး မြန်မာ့တာဝန်သိခရီးသွားလုပ်ငန်းအဖွဲ့(MRIT)ရုံးမှာလာရောက်လျှောက်ထားနိုင်တယ်လို့သိရပါတယ်။လျှောက်လွှာတွေဖိတ်ခေါ်ပြီးကွင်းဆင်းစစ်ဆေးကာဒိုင်အဖွဲ့ရဲ့ဆုံးဖြတ်မှုနဲ့ရွေးချယ်သွားမယ်လို့သိရပါတယ်။

 

Related News