တိုင်းဒေသကြီးပြည်နယ်(၉)ခုမှာ မိုင်းအန္တရာယ်ဖြစ်ပွားမှုရှိနေပြီး လက်ရှိအချိန်မှာ ရခိုင်ပြည်နယ်ဟာ မိုင်းအန္တရာယ်ကြောင့် ထိခိုက်ဒဏ်ရာရရှိမှု အမြင့်ဆုံးအခြေအနေကို ရောက်ရှိနေတယ်လို့ ဇူလိုင်လ(၁၀)ရက်က နေပြည်တော်ရှိ မင်္ဂလာသီရိ ဟိုတယ်မှာ ပြုလုပ်တဲ့ အမျိုးသားအဆင့် မိုင်းအန္တရာယ် အသိပညာပေးအစည်းအဝေးမှ သိရပါတယ်။ရခိုင်ပြည်နယ်ဟာ မိုင်းအန္တရာယ်ကြောင့် ထိခိုက်ဒဏ်ရာရရှိမှု အမြင့်ဆုံးအခြေအနေကို ရောက်ရှိနေတဲ့အတွက်  မိုင်းအန္တရာယ် အသိပညာပေး လုပ်ငန်းတွေကို တိုးမြှင့်လုပ်ဆောင်နေပါတယ်။ဒါတွေအပြင် လူသားချင်းစာနာထောက်ထားတဲ့ မိုင်းလုပ်ငန်း စဉ်ထဲမှာလည်း မိုင်းအန္တရာယ် အသိပညာပေးတာတွေနဲ့တိုက်တွန်းနှိုးဆော်လုပ်ဆောင်တာတွေအပြင် မိုင်းဒဏ်သင့်သူတွေကို အကူအညီပေးခြင်းတွေ ပါဝင်တာ ဖြစ်ပါတယ်။ဒါ့ကြောင့် လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန အနေနဲ့ မိုင်းထိတဲ့သူတွေကို တစ်ဦးလျှင် ငွေကျပ်နှစ်သိန်းနှုန်း ထောက်ပံ့ပေးနေတယ်လို့ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြန်လည်ထူထောင် ရေးဦးစီးဌာနမှ ညွှန်ကြားရေးမှူးချုပ် ဦးဝင်းနိုင်ထွန်းကပြောပါတယ်။
 

ပဋိပက္ခဖြစ်တဲ့ ဧရိယာတွေမှာ မိုင်းရှင်းလင်းဖို့အတွက် ပထမဆုံးလုပ်ဆောင်ရမယ့် လုပ်ငန်းစဉ်တစ်ရပ်ဟာ မိုင်းအန္တရာယ် အသိပညာပေး ခြင်းဖြစ်ပါတယ်။ မိုင်းအန္တရာယ်အသိပညာပေးခြင်းဖြင့် မိုင်းကြောင့် အသက်သေဆုံးမှုတွေ၊ ဒဏ်ရာရရှိမှုတွေ လျော့နည်းနိုင်တယ်လို့ သိရပါတယ်။အခုလို မိုင်းအန္တရာယ်အသိပညာပေးခြင်းတွေအပြင် မိုင်းရှိတဲ့နေရာတွေမှာ သတိပေးဆိုင်းဘုတ်တွေကို သက်ဆိုင်ရာ တိုင်းရင်းသားဘာသာစကားနဲ့ ထားနိုင်ဖို့ရာအတွက် ပြင်ဆင်တာတွေလည်းပြုလုပ်နေတယ်လို့ ပြန်လည်ထူထောင်ရေးဦးစီးဌာနမှ ညွှန်ကြားရေးမှူးချုပ် ဦးဝင်းနိုင်ထွန်းက ပြောကြား ပါတယ်။လူမှုဝန်ထမ်းကယ်ဆယ်ရေး နှင့် ပြန်လည်နေရာချထားရေးဝန်ကြီးဌာန ပြန်လည်ထူထောင်ရေးဦးစီးဌာနအနေနဲ့  မိုင်းအန္တရာယ်ကြောင့် ထိခိုက်သူတွေကို ထောက်ပံ့ပေးရာမှာ လက်ရှိအချိန်ထိ မိုင်းထိလူနာ(၅၁၀)ဦးကို ထောက်ပံ့ပေးခဲ့တယ်လို့သိရပါတယ်။

 

 

Related News