မြန်မာ့မီးရထားမှ စစ်တမ်းကောက်ယူချက်တွေအရ တရားမ၀င်ရထားလမ်းကူးတွေမှာ ဖြစ်ပေါ်ခဲ့တဲ့ မတော်တဆမှုတွေ အနေနဲ့ (၂၀၁၈)ခုနှစ်၊ အောက်တိုဘာလမှ (၂၀၁၉)ခုနှစ်၊ မေလအထိ မတော်တဆမှုပေါင်း (၃၇)ခုဖြစ်ပေါ်ခဲ့တယ်လို့ မြန်မာ့မီးရထားမှ ပြုလုပ်ခဲ့တဲ့ သတင်းစာရှင်းလင်းပွဲမှ သိရတာဖြစ်ပါတယ်။ မြန်မာ့မီးရထားမှ တရားဝင်ခွင့်ပြုထားတဲ့ တရားဝင်ရထားလမ်းကူး (Level Crossing) တစ်ထောင့်ခြောက်ရာ ခြောက်ဆယ့် ခုနှစ်ခု (၁၆၆၇)ခုရှိပြီး ရထားလမ်းကူးတွေမှာ တရားဝင်ခန့်အပ်ထားတဲ့ ရထားဝန်ထမ်း(၇၁၈)ဦးရှိပါတယ်။ ဒါ့အပြင် မြန်မာ့မီး ရထားမှ ခွင့်ပြုမထားတဲ့ တရားမ၀င် ရထားလမ်းကူးတွေကတော့ နှစ်ထောင့်လေးရာရှစ်ဆယ့်ငါးခု (၂၄၈၅)ခုရှိပြီး အစောင့်အရေ အတွက်ကတော့ (၉၄၉)ဦးရှိတယ်လို့ သိရပါတယ်။

တရားဝင်ခွင့်ပြုထားတဲ့ ရထားလမ်းကူးတွေမှာ ရထားနှင့်မတော်တဆ တိုက်မိမှုတွေရှိသလို တရားမ၀င်ရထားလမ်းကူးတွေမှာလည်း မတော်တဆမှုတွေဖြစ်ပေါ်လျက်ရှိတယ်လို့ သိရပါတယ်။ရထားလမ်းကူးတွေမှာ မတော်တဆဖြစ်ပွားမှုအနေနဲ့ (၂၀၁၈)ခုနှစ် အောက်တိုဘာလမှ (၂၀၁၉)ခုနှစ် မေလအထိ တရားမ၀င် ရထားလမ်းကူးတွေမှာ မတော်တဆမှု(၃၇)ခုဖြစ်ပွားခဲ့တယ်လို့သိရပါတယ်။ ဒါ့အပြင် (၂၀၁၇) ခုနှစ် အောက်တိုဘာလမှ (၂၀၁၈)ခုနှစ် အောက်တိုဘာလအထိ  ရထားနှင့်တိုက်မိတဲ့ မတော်တဆမှုပေါင်း (၆၀)ခုဖြစ်ပေါ်ခဲ့ပြီး (၂၀၁၈)ခုနှစ် အောက်တို ဘာလမှ (၂၀၁၉)ခုနှစ် မေလအထိ မတော်တဆမှုတွေကို နှိုင်းယှဉ်ကြည့်ပါက လျော့နည်းသွားပေမယ့် (၂၀၁၉)မတ်လမှ ဧပြီလအထိတော့ မနှစ်ကထက် မတော်တဆမှုတွေ များပြားလာခဲ့တယ်လို့ သိရပါတယ်။

ဒါ့အပြင်(၂၀၁၈)ခုနှစ် အောက်တိုဘာလမှ (၂၀၁၉)ခုနှစ် မေလအထိ ရထားနှင့်ကားတိုက်မှုက (၁၅)ကြိမ်၊ ဒဏ်ရာရမှုက (၄)ဦး ၊ ရထားနှင့် ဆိုင်ကယ်တိုက်မိမှုက (၁၂)ကြိမ်၊ဒဏ်ရာရမှုက (၈)ဦး၊ သေဆုံးမှုက (၄)ဦး၊ ရထားနှင့်သုံးဘီး ဆိုင်ကယ်တိုက်မိမှုက (၆)ကြိမ်၊ ဒဏ်ရာရမှုက (၂)ဦး၊သေဆုံးသူက (၁)ဦးအထိရှိခဲ့ပြီး ထော်လာဂျီ၊ ဒိုဇာတို့နှင့်တိုက်မှုတွေလည်းဖြစ်ပေါ်ခဲ့တယ်လို့ သိရပါတယ်။ ရထားနဲ့ ဆိုင်ကယ်တိုက်မိမှုဖြစ်စဉ်က အများဆုံးဖြစ်ပွားခဲ့တဲ့အတွက် ဆိုင်ကယ်စီးတဲ့ ပြည်သူတွေကို အသိပညာ ပေးမှုတွေကို ပိုမိုလုပ်ဆောင်သွားမှာ ဖြစ်တယ်လို့ သိရပါတယ်။

လက်ရှိမှာ မြန်မာ့မီးရထားအနေနဲ့လည်း တရားဝင်ခွင့်ပြုထားတဲ့ ရထားလမ်းကူးတွေနဲ့ တရားမ၀င်ရထားလမ်းကူးတွေမှာ ရထားနှင့်မတော်တဆတိုက်မိမှုတွေကို လျော့နည်းသွားအောင်လို့ တရားမ၀င် ရထားလမ်းကူးတွေကိုပိတ်သိမ်းနိုင်ရန်၊ လိုအပ်တဲ့ နေရာတွေမှာ ရထားလမ်းကူးခုံးကျော်တံတားတွေ တည်ဆောက်နိုင်ဖို့နဲ့ အများပြည်သူတွေကို အသိပညာပေးတာတွေ လုပ်ဆောင်သွားနိုင်ဖို့ ဆောင်ရွက်သွားမှာဖြစ်တယ်လို့ သိရပါတယ်။

 

Related News