ပြန်ကြားရေးဝန်ကြီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ကျင်းပပြုလုပ်ပေးတဲ့ "ပျော်ရွှင်ဆင်နွှဲ တိုင်းရင်းသား ရိုးရာပွဲ"ရောင်စုံဓာတ်ပုံပြိုင်ပွဲ ဆုချီးမြှင့်ပွဲအခမ်းအနားကို ဇွန်လ(၁၆)ရက်က၊ ရန်ကုန်မြို့ Pan Pacific Hotel မှာ ပြုလုပ်ခဲ့ပါတယ်။ ပြန်ကြားရေးဝန်ကြီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနက အခုလိုဓာတ်ပုံပြိုင်ပွဲတွေကို မြန်မာနိုင်ငံဓာတ်ပုံအသင်းနဲ့ ပူးပေါင်းကျင်းပတာဖြစ်ပြီး ဓာတ်ပုံလောကဖွံ့ဖြိုးတိုးတက်ရေးအတွက်ကိုလည်း ပါဝင်ဆောင်ရွက်ပေးတာ ဖြစ်တယ်လို့ သိရပါတယ်။ ယခုကျင်းပပြုလုပ်ခဲ့တဲ့ ""ပျော်ရွှင်ဆင်နွှဲတိုင်းရင်းသားရိုးရာပွဲ"" ရောင်စုံဓာတ်ပုံပြိုင်ပွဲကို မြန်မာနိုင်ငံအရပ်ရပ်က ဓာတ်ပုံပညာရှင်နဲ့ဝါသနာရှင် စုစုပေါင်း(၂၀၆)ဦးက ဓာတ်ပုံပေါင်း(၇၂၉)ပုံပေးပို့ပြီး ပါဝင်ယှဉ်ပြိုင်ခဲ့ကြတယ်လို့ သိရပါတယ်။

ပြိုင်ပွဲဝင်ဓာတ်ပုံများဟာ မြန်မာနိုင်ငံတစ်ဝန်းရှိ တိုင်းရင်းသားတွေရဲ့ ရိုးရာယဉ်ကျေးမှုဓလေ့ထုံးထမ်းတွေ၊ ရိုးရာပွဲတော်ပုံတွေဖြစ်တယ်လို့ သိရပါတယ်။ပြိုင်ပွဲဝင်ဓာတ်ပုံတွေကို မြန်မာနိုင်ငံဓာတ်ပုံအသင်းက ဓာတ်ပုံပညာရှင်ကြီးများက ဓာတ်ပုံပညာပြည့်ဝမှု၊ ခေါင်းစဉ်ကိုက်ညီမှု၊ တင်ပြဆန်းသစ်မှုနဲ့ ခေါင်းစဉ်ရဲ့ သဘောသဘာဝကို ဆီလျော်အောင် ဆန်းသစ်နိုင်မှုစတဲ့ အချက်တွေအပေါ်မူတည်ပြီး ရွေးချယ်ခဲ့တယ်လို့ သိရပါတယ်။ ဒါ့အပြင် ဓာတ်ပုံတစ်ပုံရဲ့ အလင်းအမှောင်၊ အယူအဆ၊ ရိုက်ကွင်းရိုက်ကွက်၊ ဖော်ညွှန်းတဲ့ အကြောင်းအရာ၊ ဓာတ်ပုံကောင်းတစ်ပုံရဲ့ အင်္ဂါရပ်တွေနဲ့အညီ အကြိမ်ကြိမ်စိစစ်အကဲဖြတ်ပြီး ပထမ၊ ဒုတိယ၊ တတိယနဲ့ နှစ်သိမ့်ဆု(၅)ဆု စုစုပေါင်း(၈)ဆုကို ဆုရဓာတ်ပုံများအဖြစ် ရွေးချယ်သတ်မှတ်ခဲ့တယ်လို့ သိရပါတယ်။

"ပျော်ရွှင်ဆင်နွှဲတိုင်းရင်းသားရိုးရာပွဲ"ရောင်စုံဓာတ်ပုံပြိုင်ပွဲ ဆုချီးမြှင့်ပွဲအခမ်းအနားကို ပြန်ကြားရေးဝန်ကြီးဌာန ပြည်ထောင်စု ဝန်ကြီး ဒေါက်တာဖေမြင့်၊ တိုင်းရင်းသားလူမျိုးများရေးရာဝန်ကြီးဌာန၊ ပြည်ထောင်စုဝန်ကြီး နိုင်သက်လွင်နဲ့ တာဝန်ရှိသူများ တက်ရောက်ခဲ့ကြပါတယ်။ပြန်ကြားရေးဝန်ကြီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနက အခုလိုမြန်မာနိုင်ငံဓာတ်ပုံအသင်းနဲ့ပူးပေါင်းပြီး  ဖိတ်ခေါ်ဓာတ်ပုံပြိုင်ပွဲများကို နှစ်စဉ် တစ်နှစ်(၂)ကြိမ် ပုံမှန်ကျင်းပပြုလုပ်ပေးလေ့ရှိတယ်လို့ သိရပါတယ်။ (၂၀၁၃)ခုနှစ်က စတင်ပြီး နှစ်တစ်နှစ်ရဲ့ နှစ်ဦးအစကာလတွေမှာ လွပ်လပ်ရေးနေ့အထိမ်းအမှတ် ရောင်စုံဓာတ်ပုံပြိုင်ပွဲကို ကျင်းပပေးရာမှာယခုဆိုရင်(၁၇)ကြိမ် ရှိပြီဖြစ်ပါတယ်။

 

 

Related News