တက်ကြွသော လူငယ်အဖွဲ့အစည်းများစုစည်းပြီး စဉ်ဆက်မပြတ်ရေရှည်ဖွံ့ဖြိုးတိုးတက်ရေးစီမံကိန်း အသိပညာပေးဟောပြောပွဲကို ဇွန်လ(၁၅)ရက်က ရန်ကုန်တက္ကသိုလ်သိပ္ပံခန်းမမှာ ပြုလုပ်ခဲ့ပါတယ်။ စဉ်ဆက်မပြတ်ရေရှည်ဖွံ့ဖြိုးတိုးတက်ရေးစီမံကိန်းကို ကမ္ဘာ့ကုလသမဂ္ဂ(UN)မှ ရေးဆွဲထားတာဖြစ်ပြီး စီမံကိန်းမှာ အချက်ပေါင်း (၁၇)ချက်ပါဝင်တယ်လို့ သိရပါတယ်။ စီမံကိန်းမှာပါဝင်တဲ့အချက်တွေက ဆင်းရဲမွဲတေမှုပပျောက်ဖို့၊ ကမ္ဘာကြီးမပျက်စီးအောင်ကာကွယ်စောင့်ရှောက်ဖို့၊ ငြိမ်းချမ်းပြီးသာယာဝပြောတဲ့ ကမ္ဘာကြီးဖြစ်လာဖို့ စတဲ့ ဦးတည် ချက်တွေနဲ့ ချမှတ်ထားတယ်လို့ သိရပါတယ်။ စီမံကိန်းမှာပါဝင်တဲ့အချက်တွေကို လူငယ်တွေ သိရှိမှုအားနည်းနေ သေးတာကြောင့် အခုလိုတက်ကြွသောလူငယ်အဖွဲ့အစည်းများစုစည်းပြီး အသိပညာပေးပွဲ ပြုလုပ်တာလို့ သိရပါတယ်။

တက်ကြွသောလူငယ်အဖွဲ့အစည်းများစုစည်းပြီး စဉ်ဆက်မပြတ်ရေရှည်ဖွံ့ဖြိုးတိုးတက်ရေးစီမံကိန်းနဲ့ပတ်သက်တဲ့ အသိပညာပေးပွဲတွေကို မြန်မာနိုင်ငံအနှံ့ရှိ တက္ကသိုလ်တွေ၊ ကျောင်းတွေမှာ ပြုလုပ်နေပြီး အခုအကြိမ်အပါအ၀င် (၈)ကြိမ်မြောက် ပြုလုပ်ပြီး ဖြစ်တယ်လို့ သိရပါတယ်။ စဉ်ဆက်မပြတ်ရေရှည်ဖွံ့ဖြိုးတိုးတက်ရေး စီမံကိန်းအသိပညာပေး ဟောပြောပွဲကို တက်ရောက်ကြတဲ့ လူငယ်တွေက စီမံကိန်းနဲ့ပတ်သက်တဲ့ လိုက်နာရမယ့်အချက်တွေ၊ အကျိုးကျေးဇူးတွေနဲ့ စီမံကိန်းနဲ့ပတ်သက်တဲ့ ရည်ရွယ်ချက်တွေကိုသိရှိလာတယ်လို့ ပြောပါတယ်။စဉ်ဆက်မပြတ်ရေရှည်ဖွံ့ဖြိုးတိုးတက်ရေးစီမံကိန်းမှာ ပါဝင်တဲ့အချက်တွေကို ကမ္ဘာ့ကုလသမဂ္ဂ(UN)မှ (၂၀၃၀)ပြည့်နှစ်မှာ တစ်ကမ္ဘာလုံးအတိုင်းအတာနဲ့ လုပ်ဆောင်ရမယ်လို့ ကုလသမဂ္ဂအဖွဲ့ဝင် နိုင်ငံပေါင်း(၁၉၅) နိုင်ငံမှခေါင်းဆောင်တွေ သဘောတူချမှတ်ထားတယ်လို့ သိရပါတယ်။ 

 

Related News