လူသားတွေရဲ့မှားယွင်းတဲ့လုပ်ရပ် တွေကြောင့် နှစ်ပေါင်း(၂၅၀)အတွင်းသစ်ပင်မျိုးစိတ်(၆၀၀)နီးပါးမျိုးသုဉ်းသွားပြီး ဒါဟာ သဘာဝ အတိုင်းမျိုးသုဉ်းမယ့်ဆိုပြီးခန့်မှန်း ထားတဲ့ပမာဏထက် အဆ(၅၀၀)လောက်ပိုမြန်နေတာလို့သိပ္ပံပညာရှင်တွေက ပြောပါတယ်။ပြီးခဲ့တဲ့နှစ်ပေါင်း(၂၅၀)အတွင်းသစ်တောတွေထဲကသစ်ပင်မျိုးစိတ်(၆၀၀)နီးပါးမျိုးသုဉ်းသွားတယ်လို့ ကျယ်ပြန့်တဲ့လေ့လာမှုတစ် ခုအရသိရပါတယ်။ ဒီလေ့လာမှုဟာခန့်မှန်းခြေမျိုးမဟုတ်ဘဲ အမှန်တကယ်မျိုးသုဉ်းသွားတဲ့သစ်ပင်မျိုးစိတ်အရေအတွက်ကိုအ ခြေခံထားတာဖြစ်ပြီး အဲဒီပမာဏဟာငှက်တွေ၊ နို့တိုက်သတ္တ၀ါတွေနဲ့ ကုန်းနေရေနေသတ္တ၀ါတွေအားလုံးမျိုးသုဉ်းမှုတွေကိုပေါင်း စပ်မှုရဲ့နှစ်ဆဖြစ်ပါတယ်။

သစ်ပင်တွေမျိုးသုဉ်းမှုက သဘာဝအတိုင်းမျိုးသုဉ်းမယ်လို့ခန့်မှန်းထားတာထက် အဆ(၅၀၀)လောက် ပိုမြန်နေတယ်လို့ သိပ္ပံပညာရှင်တွေကပြောပါတယ်။ တိရစ္ဆာန်နဲ့ သစ်ပင်မျိုးစိတ်တစ်သန်းလောက်ဟာ မျိုးသုဉ်းမယ့်အခြေအနေ နဲ့ရင်ဆိုင်နေရတယ်ဆိုပြီး (၂၀၁၉)ခုနှစ်၊ မေလမှာထုတ်ပြန်ခဲ့တဲ့ ကုလသမဂ္ဂအစီရင်ခံစာတစ်စောင်မှာခန့်မှန်းထားပါတယ်။ ကမ္ဘာ ပေါ်ကမျိုးသုဉ်းသွားတဲ့သစ်ပင်မျိုးစိတ်အားလုံးကိုမှတ်တမ်းတင်ထားတဲ့ သူတို့ရဲ့စိစစ်တွေ့ရှိချက်က အနာဂတ်မှာမျိုးသုဉ်းမှုတွေကို ရပ်တန့်နိုင်မယ့်သင်ခန်းစာတွေသင်ယူနိုင်တယ်ဆိုတာကိုညွှန်ပြနေတယ်လို့ သုတေသီတွေကပြောပါတယ်။ မျိုးသုဉ်းသွားတဲ့သစ် ပင်တွေထဲမှာ ချီလီစန္ဒကူးပင်လိုမျိုး မရှိမဖြစ်လိုအပ်တဲ့အဆီတွေအတွက် အပြည့်အ၀အသုံးချရတဲ့အပင်လည်းပါဝင်ပါတယ်။

အ ကြီးမားဆုံးဆုံးရှုံးမှုတွေကတော့ ကျွန်းတွေပေါ်နဲ့ အပူပိုင်းဒေသတွေမှာဖြစ်ပြီး အဲဒီနေရာတွေဟာသစ်သားအဖြစ်အသုံးပြုတဲ့ သစ် ပင်တွေပေါက်ရောက်ရာနေရာလည်းဖြစ်ပါတယ်။ သစ်ပင်တွေမျိုးသုဉ်းရတဲ့အဓိကအကြောင်းရင်းက မြေလွတ်တွေရရှိရေး၊ အိမ်နဲ့ ပရိဘောဂတွေအပြင် တခြားကိစ္စရပ်တွေမှာအသုံးပြုဖို့ သစ်ပင်တွေကိုအလွန်အကျွံခုတ်လှဲနေကြတဲ့လူသားတွေရဲ့မှားယွင်းတဲ့ လုပ်ရပ်ကြောင့်လို့ သုတေသီတွေကပြောပါတယ်။ ကမ္ဘာပေါ်မှာရှိတဲ့သက်ရှိသတ္တ၀ါတွေအားလုံးဟာ သစ်ပင်တွေအပေါ်မှီခိုနေရ တာဖြစ်ပြီး အသက်ရှူဖို့အောက်ဆီဂျင်ကိုထုတ်ပေးတဲ့အပြင် အစားအစာအဖြစ်လည်းပေးစွမ်းနိုင်တာပါ။ သစ်ပင်တွေကိုအစားအ စာနဲ့ ဥဥဖို့အသုံးပြုရတဲ့အင်းဆက်ပိုးမွှားတို့လိုသက်ရှိသတ္တ၀ါတွေဟာ သစ်ပင်တွေမျိုးသုဉ်းမှုကြောင့် သူတို့လည်းအဆင့်ဆင့်မျိုး သုဉ်းစေနိုင်ပါတယ်။ သက်ရှိမျိုးစိတ်(၄)မျိုးမှာ (၁)မျိုးကမျိုးသုဉ်းမယ့်အန္တရာယ်ရှိနေပြီး ရာခိုင်နှုန်းအားဖြင့်ဖားနဲ့ ရေပုတ်သင်တို့လို ကုန်းနေရေနေသတ္တ၀ါ(၄၀)ရာခိုင်နှုန်း၊ ထင်းရှူးပင်နဲ့ သစ်ခွပင်တို့လိုအပင်တွေက(၃၄)ရာခိုင်နှုန်း၊ သန္တာကျောက်တန်းတွေက (၃၃)ရာခိုင်နှုန်း၊ ငါးမန်းနဲ့ငါးလိပ်ကျောက်တွေက(၃၁)ရာခိုင်နှုန်း၊ နို့တိုက်သတ္တ၀ါတွေက(၂၅)ရာခိုင်နှုန်းနဲ့ ငှက်တွေက(၁၄)ရာ ခိုင်နှုန်းရှိနေတယ်ဆိုပြီး သဘာဝထိန်းသိမ်းရေးနိုင်ငံတကာအဖွဲ့(IUCN)ကဖော်ပြထားပါတယ်။

 

 

Related News