မြန်မာ့စီးပွားရေး ၀န်းကျင်ညွှန်းကိန်း(၂၀၁၉)အားထုတ်ဝေခြင်းနှင့်မိတ်ဆက်ခြင်းကို ဇွန်လ(၁၃)ရက်က နေပြည်တော်မှာ ရှိတဲ့ Park Royal Hotelမှာ ပြုလုပ်ခဲ့ပါတယ်။မြန်မာ့စီးပွားရေးဝန်းကျင်ညွှန်းကိန်း (၂၀၁၉)ကို အာရှဖောင်ဒေးရှင်းမှ ထုတ်ဝေမိတ်ဆက်ခဲ့တာပါ။ မြန်မာ့စီးပွားရေးဝန်းကျင် ညွှန်းကိန်းကိုတိုင်းဒေသကြီး၊ ပြည်နယ်(၁၄)ခုနဲ့ နေပြည်တော်ရှိ နိုင်ငံအနှံ့မှ ၀န်ဆောင်မှုနှင့်ထုတ်လုပ်ရေးကဏ္ဍမှ လုပ်ငန်းပေါင်း(၄၈၇၄)ခုကို စစ်တမ်းကောက်ယူခဲ့တာဖြစ်တယ်လို့ သိရပါတယ်။ စစ်တမ်းများကောက်ယူရာမှာ ညွှန်းကိန်း(၁၀)ခုကို အဓိကထားပြီး ကောက်ယူခဲ့တာ ဖြစ်တယ်လို့ အာရှဖောင်ဒေးရှင်း၏အထူးစီမံကိန်းများယူနစ် မန်နေဂျာ မမီကီကျော်မြင့်က ပြောပါတယ်။

မြန်မာ့စီးပွားရေးဝန်းကျင် ညွှန်းကိန်း(၂၀၁၉)အတွက် စစ်တမ်းကောက်ယူရာမှာအဓိက တွေ့ရှိချက်(၆)ချက်ကို တွေ့ရှိခဲ့တယ်လို့ သိရပါတယ်။ အဆိုပါအချက်တွေထဲမှာ မြန်မာ့စီးပွားရေးလုပ်ငန်းများ၏ (၈၅)ရာခိုင်နှုန်းမှာ အနည်းဆုံး တရားဝင်မှတ်ပုံတင်၊ သက်သေခံစာရွက်စာတမ်းတစ်ခုရှိခြင်း၊ နိုင်ငံတကာနဲ့ နှိုင်းယှဉ်ပါက လုပ်ငန်းတရားဝင် လည်ပတ်ရန်ခွင့်ပြုချက်ရပြီးနောက် လုပ်ဆောင်ရသည့်စည်းကမ်းပိုင်းနှင့်စီမံမှုဆိုင်ရာ လုပ်ထုံးလုပ်နည်းများ နည်းပါးခြင်းတွေကို တွေ့ရှိခဲ့ရတယ်လို့ သိရပါတယ်။

ဒါ့အပြင် မြန်မာ့စီးပွားရေးလုပ်ငန်းများအတွက် အရည်အချင်းမီလုပ်သားများအထူးသဖြင့် ပညာရှင်နှင့်မန်နေဂျာများ ရှားပါးခြင်းက အဓိကအခက်အခဲတစ်ရပ်အဖြစ် တည်ရှိနေသလို အခြေခံအဆောက်အအုံများ အရည်အသွေးနိမ့်ကျမှုကလည်း အခက်အခဲတစ်ရပ်အဖြစ် တည်ရှိနေတယ်လို့ ဖော်ပြထားချက်အရ သိရပါတယ်။အာရှဖောင်ဒေးရှင်းအနေနဲ့ ယခုမြန်မာ့စီးပွားရေးဝန်းကျင် ညွှန်းကိန်း (၂၀၁၉)ကို ပထမဦးဆုံအကြိမ် အဖြစ်ကောက်ယူခဲ့တာဖြစ်ပြီး ဒုတိယအကြိမ်ထပ်မံကောက်ယူသွားဖို့လည်း အစီအစဉ်ရှိတယ်လို့သိရပါတယ်။

 

 

 

Related News