မြန်မာနိုင်ငံသတင်းမီဒီယာကောင်စီမဏ္ဍိုင်လေးရပ်တွေ့ဆုံပွဲ(ရန်ကုန်တိုင်းဒေသကြီး)ကိုဇွန်လ(၁၄)ရက်က ရန်ကုန်မြို့ Pull Man ဟိုတယ်မှာ ကျင်းပပြုလုပ်ခဲ့ပါတယ်။ဒီဆွေးနွေးပွဲမှာ ရန်ကုန်တိုင်းဒေသကြီးဝန်ကြီးချုပ်ဦးဖြိုးမင်းသိန်းက သတင်းမီဒီယာတွေရဲ့ သုံးသပ်ဆောင်ရွက်ချက် တွေက နိုင်ငံကို ပိုမိုကောင်းမွန်တဲ့လမ်းကြောင်း တစ်ခုအဖြစ် မီးမောင်းထိုးပြနိုင်စေချင်တယ်လို့ ဆိုပါတယ်။ အုပ်ချုပ်ရေးမဏ္ဍိုင်အနေနဲ့ သတင်းမီဒီယာတွေနဲ့တွေ့ဆုံပြီး သတင်းအချက်အလက်တွေကို ပေးရာမှာရရှိတဲ့ သတင်းအချက်အလက်တွေအတွက် သတင်းမီဒီယာတွေအနေနဲ့  ကြိုက်တဲ့ရှုထောင့်က သုံးသပ်နိုင်သလို ဝေဖန်ထောက်ပြသုံးသပ်တာကိုလည်း လက်ခံတယ်လို့ ဆိုပါတယ်။ ဒါပေမယ့် သတင်းကိုဖြတ်ပြီး ဖော်ပြတာတွေကြောင့် နောက်ထပ်ပြန်လည်ရှင်းလင်းရတာတွေရှိတယ်လို့ ဆိုပါတယ်။

ဒီဆွေးနွေးပွဲကိုတော့ သတင်းသမားတွေ သတင်းအချက်အလက်ရယူတဲ့အခါ ပိုမိုလွယ်ကူမြန်ဆန်စေရေး အတွက် ဥပဒေပြုရေး၊ အုပ်ချုပ်ရေး၊ တရားစီရင်ရေးမဏ္ဍိုင်များနှင့် သတင်းမီဒီယာများတွေ့ဆုံပြီး အခက်အခဲတွေတင်ပြနိုင်ဖို့၊ နားလည်မှုလွဲတာတွေ ညှိနှိုင်းဖြေရှင်းဖို့  ပြုလုပ်ခဲ့တာလို့ သိရပါတယ်။ အခုလိုဆွေးနွေးတွေ့ဆုံပွဲကို  ပြည်နယ်နဲ့ တိုင်းဒေသကြီး (၉)ခုနဲ့ နေပြည်တော်မှာ ပြုလုပ်တဲ့ ပြည်ထောင်စုအဆင့်ရလာဒ်တွေအရ အောင်မြင်မှုရှိလို့ ဒီတွေ့ဆုံပွဲပြီးရင် သတင်းအချက်အလက်ရယူရာမှာ ပိုပြီးလွယ်ကူနိုင်တယ်လို့ မျှော်လင့်ထားကြောင်း သိရပါတယ်။

သတင်းမီဒီယာကောင်စီအနေနဲ့ အခုမဏ္ဍိုင်လေးရပ်တွေ့ဆုံပွဲမတိုင်မီ ဇွန်လ (၁၃)ရက်မှာ သတင်းသမားတွေနဲ့ ကြိုတင်တွေ့ ဆုံခဲ့ပြီး ဖြစ်ပေါ်နေတဲ့ အခက်အခဲတွေကို ကြိုတင်ဆွေးနွေးခဲ့ကာ ရလာဒ်တွေကို ယခုတွေ့ဆုံပွဲမှာ ပြန်လည်ဆွေးနွေးခဲ့တာ ဖြစ်တယ်လို့ သိရပါတယ်။ ဒီဆွေးနွေးပွဲကို ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ ရန်ကုန်တိုင်းဒေသကြီး လွှတ်တော် ဥက္ကဋ္ဌ၊ ရန်ကုန်တိုင်းဒေသကြီး အစိုးရအဖွဲ့ဝင်ဝန်ကြီးများ၊ ရန်ကုန်တိုင်းဒေသကြီး တရားသူကြီးချုပ်၊ ဥပဒေအရာရှိများ၊ ရန်ကုန်တိုင်းဒေသကြီးလွှတ်တော်ကိုယ်စားလှယ်များနဲ့ မြန်မာနိုင်ငံ သတင်းမီဒီယာကောင်စီမှ တာဝန်ရှိသူများ၊ သတင်းမီဒီယာ များ တက်ရောက်ခဲ့ကြပါတယ်။ 

 

 

Related News