ရန်ကုန်တိုင်းဒေသကြီး သစ်တောဦးစီဌာနအနေနဲ့ (၂၀၁၉)ခုနှစ် မိုးမကုန်ခင် သစ်ပင်(၂၅)သိန်းကျော် စိုက်ပျိုးသွားမယ်လို့ ရန်ကုန်တိုင်းဒေသကြီးသစ်တောဦးစီးဌာနမှ သိရပါတယ်။ ရန်ကုန်တိုင်းဒေသကြီး သစ်တောဦးစီးဌာနအနေနဲ့ သစ်တောထိန်းသိမ်းရေးနှင့်ပြန်လည်ထူထောင်ရေးအစီအစဉ်များနဲ့ စိုက်ပျိုးထိန်းသိမ်းနေတဲ့ စီမံကိန်းတွေလည်းရှိနေပြီး လက်ရှိမှာတော့ သစ်တော၊သစ်ပင်တွေကို ချစ်မြတ်နိုးတတ်စေရန်၊ ထိန်းသိမ်းတတ်စေရန် နဲ့ ကမ္ဘာတစ်ဝှမ်းတွေ့ကြုံနေရတဲ့ ရာသီဥတုပြောင်းလဲမှုတွေကို ကာကွယ်နိုင်ရန် အစရှိတဲ့ ရည်ရွယ်ချက်တွေနဲ့ သစ်ပင်(၂၅)သိန်းကျော်ကို အခုနှစ်မိုးမကုန်ခင် စိုက်ပျိုးသွားမယ်လို့ ရန်ကုန်တိုင်းဒေသကြီး သစ်တောဦးစီးဌာန ညွှန်ကြားရေးမှူး ဦးသိန်းတိုးကပြောပါတယ်။

ဒီလို သစ်ပင်(၂၅)သိန်းကျော်ကို စိုက်ပျိုးရာမှာ ဌာနပိုင်သစ်တောစိုက်ခင်း၊ ဒေသခံပြည်သူအစုအဖွဲ့ပိုင်သစ်တောစိုက်ခင်း၊ လူထုစိုက်ခင်း၊ ပုဂ္ဂလိကပိုင်စိုက်ခင်း၊ NGO/INGO စိုက်ခင်း ၊စည်ပင်သာယာရေးကော်မတီ စိုက်ခင်း အစရှိတဲ့ နည်းလမ်း(၈)သွယ်နဲ့ စိုက်ပျိုးသွားမယ်လို့သိရပါတယ်။

ရန်ကုန်တိုင်းဒေသကြီးအနေနဲ့ (၂၀၁၉)ခုနှစ် မိုးမကုန်ခင် သစ်ပင်(၂၅)သိန်းကျော် စိုက်ပျိုးမှာဖြစ်သလို တစ်နိုင်ငံလုံးအတိုင်းအတာအနေနဲ့လည်း (၂၀၁၉)ခုနှစ် မိုးမကုန်ခင်မှာ သစ်ပင်ပေါင်း (၆၈.၀၅)သန်း စိုက်ပျိုးသွားမယ်လို့ သိရပါတယ်။

 

Related News