(၂၀၃၀) ပြည့်နှစ်မှာ မြန်မာတစ်နိုင်ငံလုံးခွေးရူးပြန်ရောဂါကင်းစင်အောင်ဆောင်ရွက်သွားမှာဖြစ်တယ်လို့ မြန်မာနိုင်ငံ တိရစ္ဆာန်ဆေးကုဆရာဝန်များအသင်းရဲ့ အမှုဆောင်ထံမှသိရပါတယ်။ မြန်မာတစ်နိုင်ငံလုံးအတိုင်းအတာအနေနဲ့ (၂၀၃၀) ပြည့်နှစ်မှာ ခွေးရူးပြန်ရောဂါကင်းစင်အောင် အပြီးဆောင်ရွက်သွားမှာဖြစ်တယ်လို့သိရပါတယ်။ရန်ကုန်မြို့တော် စည်ပင်သာယာနယ်နမိတ်အတွင်းမှာတော့ မြို့နယ် (၃၃) မြို့နယ်ရှိပြီး ပိုင်ရှင်မဲ့ခွေးလေခွေးလွင့်ပေါက်ဖွားမှုတွေက အရင်ကထက်များပြားလာတယ်လို့သိရပါတယ်။ဒါ့ကြောင့် လက်ရှိမှာ ပိုင်ရှင်မဲ့ ခွေးလေခွေးလွင့်တွေကို သားဆက်ခြားတာတွေ၊ ခွေးရူးပြန်ကာကွယ်ဆေးထိုးတာတွေ လုပ်ဆောင်ပေးနေတာဖြစ်ပါတယ်။ ဒီလို လုပ်ဆောင်ရာမှာ မေလ(၁၀)ရက်မှ (၁၈) ရက်အထိ လှိုင်မြို့နယ်အတွင်းမှာရှိတဲ့ ပိုင်ရှင်မဲ့ခွေးလေခွေးလွင့်တွေကို သားဆက်ခြားတာတွေ၊ ခွေးရူပြန်ကာကွယ်ဆေးထိုးတာတွေကို ထိုင်းနိုင်ငံမှ WVS အဖွဲ့နှင့် မြန်မာနိုင်ငံတိရစ္ဆာန်ဆေးကုဆရာဝန်များအသင်းတို့က ပူးပေါင်းပြီး ခွေးလေခွေးလွင့်ပေါက်ဖွားမှုနှုန်းကို လျော့ချအောင်ဆောင်ရွက်ပေးနေတာဖြစ်ပါတယ်။

လှိုင်မြို့နယ်အတွင်းမှာရှိတဲ့ ပိုင်ရှင်မဲ့ခွေးလေခွေးလွင့်တွေကို ဖမ်းဆီးရာမှာ မနက်(၆) နာရီကတည်းက ထိုင်းနိုင်ငံမှ WVS အဖွဲ့မှတာဝန်ရှိသူတွေနှင့် လှိုင်မြို့နယ်အတွင်းမှာရှိတဲ့ ပြည်သူတွေနဲ့အတူပူးပေါင်းပြီး ပိုက်ကွန်တွေနဲ့ဖမ်းဆီးခဲ့တာဖြစ်ပါတယ်။ပိုက်ကွန်တွေနဲ့ဖမ်းဆီးရမိတဲ့ခွေးအကောင်ရေတွေကိုလှောင်အိမ်ထဲထည့်ပြီး လှိုင်မြို့နယ် ပညာရေးမှူးရုံးအဟောင်းမှာ ခွေးတွေကို ပိုးသတ်ဆေးထိုးတာတွေ၊ သားကြောဖြတ်တာတွေ၊ခွေးအမွှေးတွေမှာရှိတဲ့ ပိုးမွှားတွေကိုရှင်းလင်းတာတွေအပြင် ခွေးရူးပြန်ကာကွယ်ဆေးထိုးတာတွေလုပ်ဆောင်ပေးနေတာဖြစ်ပါတယ်။ဒါ့အပြင် ခွဲစိတ်မှုပြီးစီးသွားတဲ့ခွေးတွေကိုတော့ အမှတ်အသားမှတ်သားပြီး ဖမ်းဆီးခဲ့တဲ့မြို့နယ် ရပ်ကွက်တွေထဲကို ပြန်လည်လွှတ်ပေးမှာဖြစ်တယ်လို့သိရပါတယ်။

ထိုင်းနိုင်ငံမှ WVS အဖွဲ့နှင့် မြန်မာနိုင်ငံတိရစ္ဆာန်ဆေးကုဆရာဝန်များအသင်းတို့က ပူးပေါင်းပြီး အခုလို ပိုင်ရှင်မဲ့ခွေးလေခွေးလွင့်တွေကို သားဆက်ခြားတာ၊ခွေးရူပြန်ကာကွယ်ဆေးထိုးတာကို လုပ်ဆောင်ပေးတာက ပထမအကြိမ်ဖြစ်ပါတယ်။အခုလို ဆောင်ရွက်ရာမှာ ထိုင်းနိုင်ငံ WVS အဖွဲ့မှ တိရစ္ဆာန်ဆေးကုဆရာဝန်၊သူနာပြုနဲ့  အဖွဲ့ဝင်(၁၇)ဦးတို့ပါဝင်တယ်လို့သိရပါတယ်။အခုလို လှိုင်မြို့နယ်အတွင်းမှာရှိတဲ့ ပိုင်ရှင်မဲ့ခွေးလေခွေးလွင့်တွေကို သားဆက်ခြားတာတွေ၊ ခွေးရူးပြန် ကာကွယ်ဆေးထိုးတာတွေလုပ်ဆောင်ပေးရာမှာ တစ်နေ့ကို ခွေးအကောင်ရေ (၅၀)မှ (၆၀)ကြားကို လုပ်ဆောင်ပေးနေတာဖြစ်တယ်လို့သိရပါတယ်။

 

Related News