ငယ်စဉ်ကတည်းကမွေးရာပါမသန်စွမ်းတစ်ဦးဖြစ်ခဲ့ပေမယ့်ဘ၀ကိုအရှုးံမပေးပဲကြိုးစားရုန်းကန်နေတဲ့သူကတော့မဇင်မာအေးပဲဖြစ်ပါတယ်။သူမကတော့အသက်မွေးဝမ်းကြောင်းအဖြစ်ဝါးခမောက်လုပ်တာကိုမိသားစုနဲ့အတူလုပ်ကိုင်နေပါတယ်။ အသက်(၂၅)နှစ်ရှိပြီဖြစ်တဲ့ မဇင်မာအေးဟာမွေးရာပါကိုယ်အဂါင်္မသန်စွမ်းသူတစ်ဦးဖြစ်ပါတယ်။ မဇင်မာအေးဟာ ဧရာဝတီတိုင်းဒေသကြီး ငသိုင်းချောင်းမြို့နယ်၊သစ်ဖြူပင်ကျေးရွာမှာနေထိုင်ပြီး တောင်သူမိသားစုဘ၀ကဆင်းသက်လာ သူတစ်ဦးဖြစ်ပါတယ်။မွေးချင်းငါးဦးမှာမဇင်မာအေးတစ်ဦးတည်းသာမသန်စွမ်းသူဘ၀ကိုရောက်ရှိခဲ့တာပါ။ဘ၀ပေးအခြေအနေမလှခဲ့ပေမယ့်သူမကတော့ဇွဲမလျှော့ဘဲဘ၀အတွက်ကြိုးစားရုန်းကန်နေပါတယ်။မဇင်မာအေးဟာအသက်မွေးဝမ်းကြောင်းအဖြစ်ဝါးခမောက်ရက်တဲ့လုပ်ငန်းကိုမိသားစုကိုကူညီလုပ်ကိုင်ပေးနေပြီးဝါးခမောက်ရက်တစ်လုးံကိုပြီးအောင်မရက်နိုင်ပေမယ့်ဝါးခမောက်ရက်ရာမှာအဓိကအသုးံပြုရတဲ့နှီးရက်တာကိုနှုတ်ခမ်းနဲ့ရက်ပြီးလုပ်ကိုင်နေတာပါ။ဒီဝါးခမောက်ရက်တာကိုဝါသနာအရလုပ်ကိုင်ခဲ့တာလို့မဇင်မာအေးကအခုလိုပြောပါတယ်။

မဇင်မာအေးဟာနှီးရက်တာကိုတစ်ရက်ကို(၂၅)ခုခန့်ပြီးအောင်ရက်နိုင်သူတစ်ဦးလည်းဖြစ်ပါတယ်။ မဇင်မာအေးတို့နေထိုင်တဲ့သစ်ဖြူပင်ကျေးရွာမှာသူတို့လုပ်ကိုင်တဲ့ဝါးခမောက်တွေကိုဝယ်ယူအားပေးမှုတွေရှိနေပြီးတောင်သူမိသားစုဘ၀ကဆင်းသက်သူတစ်ဦးဖြစ်ပေမယ့်တောင်ယာအလုပ်အကိုင်တွေမကောင်းတာကြောင့်သူတို့မိသားစုစားဝတ်နေရေးအတွက်ဝါးခမောက်တွေကိုကူညီရက်လုပ်ပေးနေတာပါ။အဲဒီလိုရပ်တည်နိုင်ဖို့မဇင်မာအေးကိုစိတ်ဓါတ်မကျဖို့စိတ်ဓါတ်ခွန်အားတွေပေးခဲ့ရတယ်လို့မဇင်မာအေးရဲ့မိခင်ဒေါ်စန်းရီကအခုလိုပြောပါတယ်။လက်ရှိမှာတော့မဇင်မာအေးဟာခိုကိုးရာမဲ့ကလေးငယ်တွေကိုလက်ခံစောင့်ရှောက်ပေးနေတဲ့ရတနာကလေးပြုစုရေးဂေဟာကိုရောက်ရှိနေပါပြီ။ ပုံမှန်အားဖြင့်သန်စွမ်းသူတွေကိုသာလက်ခံစောင့်ရှောက်ပေးနေတဲ့ရတနာကလေးပြုစုရေးဂေဟာမှာ သူမရဲ့ဘ၀အခြေအနေအရလက်ခံစောင့်ရှောက်ပေးနေတာဖြစ်ပြီးသူမက၀ါးခမောက်အပြင်ခြင်းတောင်းရက်တာကိုပါဝါသနာပါသူတစ်ဦးဖြစ်တာကြောင့်ခြင်းတောင်းရက်လုပ်ငန်းကိုလည်းလေ့လာနိုင်ဖို့ဖိတ်ခေါ်ထားတယ်လို့သိရပါတယ်။

လက်ရှိမှာတော့မဇင်မာအေးကိုစာသင်ကြားပေးနိုင်အောင်လည်းကူညီပေးသွားမယ့်အပြင်ဝါးခမောက်တွေကိုကူညီရောင်းချပေးသွားမယ်လို့ရတနာကလေးပြုစုရေးဂေဟာအုပ်ချုပ်ရေးမှူးဦးချမ်းသာအောင်ကအခုလိုပြောပါတယ်။လက်ရှိမှာတော့မဇင်မာအေးအတွက်ရတနာကလေးပြုစုရေးဂေဟာကငွေကျပ်(၁၀)သိန်းမတည်ကာဘဏ်အကောင့်ဖွင့်ပေးထားပြီးသူမရဲ့ဘ၀ရှေ့ရေးအတွက်ဝါးခမောက်ရောင်းရငွေတွေကိုလည်းဘဏ်အကောင့်ထဲမှာထည့်သွင်းပေးသွားမယ်လို့သိရပါတယ်။

 

 

Related News