ဒုတိယအကြိမ်မြန်မာ့သရက်သီးနှင့် သရက်သီးတန်ဖိုးမြှင့်ထုတ်ကုန်များ ဈေးရောင်းပွဲတော်ကို မေလ(၁၆)ရက်က စတင်ပြီး မန္တလေးမြို့ ကုသိုလ်တော်ဘုရားဝင်းအတွင်းမှာ ပြသရောင်းချနေတာဖြစ်ပါတယ်။အခုပြုလုပ်နေတဲ့ သရက်သီးဈေးရောင်းပွဲကို မန္တလေး တိုင်းဒေသကြီးအစိုးရအဖွဲ့ ဝန်ကြီးချုပ်ဒေါက်တာဇော်မြင့်မောင်နဲ့ အစိုးရအဖွဲ့ဝင်ဝန်ကြီးတွေ တက်ရောက်ခဲ့ကြပါတယ်။မြန်မာ့သရက်သီးနဲ့ သရက်သီးတန်ဖိုးမြှင့်ထုတ်ကုန်များ ဈေးရောင်းပွဲတော်ကို မြန်မာ့သရက်ဈေးကွက်နှင့် နည်းပညာဖွံ့ဖြိုး တိုးတက်ရေးအသင်းက ဦးစီးပြုလုပ်တာ ဖြစ်တယ်လို့ သိရပါတယ်။ ဒီသရက်သီးဈေးပွဲတော်ကို မြန်မာ့သရက်မျိုးစိတ်တွေ မပျောက်ကွယ်စေဖို့၊ မြန်မာ့သရက်သီးဈေးကွက် ပိုမိုကျယ်ပြန့်လာစေဖို့၊ နိုင်ငံခြားခရီးသွားတွေ မြန်မာ့သရက်ကို ပိုမိုသိရှိကာ ကမ္ဘာ့ဈေးကွက်ကို ရောက်ရှိစေဖို့အတွက် ကျင်းပရတာဖြစ်တယ်လို့ သိရပါတယ်။ ဒါ့အပြင် သရက်သီးတင်ပို့ရာမှာ  ဈေးကွက်ကျယ်ပြန့်လာစေဖို့ ဆောင်ရွက်ရာမှာအခက်အခဲရှိပြီး တန်ဖိုးမြှင့်ထုတ်ကုန်အဖြစ် ပြုလုပ်တင်ပို့ပြီး ဈေးကွက်တစ်ခု ရရှိစေဖို့အတွက် ရည်ရွယ်ပြီးပြုလုပ်ရတာဖြစ်တယ်လို့သိရပါတယ်။

ဒီဈေးရောင်းပွဲမှာ စိန်တစ်လုံးသရက်နဲ့  အခြားမြန်မာ့မျိုးရင်းသရက်သီးမျိုးပေါင်း (၈၆)မျိုး ဝန်းကျင်ပြသရောင်းချသွားမယ်လို့သိရပါတယ်။ ဒီဈေးရောင်းပွဲမှာ ဆိုင်ခန်းပေါင်း (၄၆)ခန်းဝန်းကျင်နဲ့ သရက်သီးမျိုးစိတ်တွေ၊ သရက်နဲ့ဆက်စပ်တဲ့ပြခန်းတွေပြသထားပြီး သရက်နဲ့ဆက်စပ်ထုတ်လုပ်ထားတဲ့တန်ဖိုးမြှင့်ထုတ်ကုန်တွေ၊ သွင်းအားစုတွေကိုလည်းပြသရောင်းချသွားမယ်လို့သိရပါတယ်။ ပြီးခဲ့တဲ့ နှစ်ပြုလုပ်ခဲ့တဲ့ ပထမအကြိမ် သရက်သီးဈေးရောင်းပွဲမှာ သရက်သီးတစ်လုံး ငွေ(၁၀)ကျပ်နဲ့ရောင်းချပေးခဲ့ပြီး အခုအကြိမ်မှာလည်း ထူးခြားတဲ့အစီအစဉ်တွေနဲ့ ရောင်းချပေးသွားဖို့စီစဉ်ထားတယ်လို့သိရပါတယ်။မြန်မာ့သရက်သီးနဲ့သရက်သီးတန်ဖိုးမြှင့်ထုတ်ကုန်များ ဈေးရောင်းပွဲတော်ကို မေလ (၁၆) ရက်မှ (၁၈) ရက်ထိ (၃) ရက်ကြာ ပြသရောင်းချသွားမှာဖြစ်ပြီးလာရောက်တဲ့သူတွေကိုသရက်သီးစတုဒီသာများကျွေးမွေးသွားမယ်လို့သိရပါတယ်။ 

 

Related News