လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ရေနံသဘာဝဓာတ်ငွေ့လုပ်ငန်းနဲ့ YRTA တို့ညှိနှိုင်းပြီး ရန်ကုန်မြို့ရှိ CNG ဆိုင်တွေကို(၂၄)နာရီလုံး CNG ဖြည့်တင်းနိုင်အောင် ဆောင်ရွက်နေတယ်လို့ ရန်ကုန်တိုင်းဒေသကြီးသယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့(YRTA)က သိရပါတယ်။ ရန်ကုန်တိုင်းဒေသကြီးအတွင်းမှာ CNG ဆိုင်ပေါင်း(၄၁)ဆိုင်ရှိပြီး ဒီ(၄၁)ဆိုင်ထဲက (၁၀)ဆိုင်ဟာ တက္ကစီတွေကို ဖြည့်တင်း ပေးနေတာ ဖြစ်ပါတယ်။ ကျန်တဲ့(၃၁)ဆိုင်ကတော့ ယာဉ်ကြီးတွေ ဖြည့်တင်းပေးနေရတာဖြစ်ပါတယ်။ လက်ရှိ CNG ဖြည့်တင်းပေးရတဲ့ဆိုင်တွေမှာ CNG ထည့်တဲ့ ပန့်စနစ်က လျှပ်စစ်ကို အခြေခံပြီး ထည့်ရတာကြောင့် လျှပ်စစ်မီးပြတ်ခဲ့ရင် မီးစက်ကို အသုံးပြုနေရတာဖြစ်ပါတယ်။ ဒီမီးစက်ပါဝါတွေကလည်း လျှပ်စစ်မီးပါဝါလောက်မပြည့်ဝတာကြောင့် ယာဉ်တွေ CNG ဖြည့်တင်းတဲ့ အခါကြန့်ကြာမှုတွေ ရှိနေတာဖြစ်ပါတယ်။

ယာဉ်ကြီးတွေကို ပေးနေတဲ့ CNG ဆိုင် (၃၁)ဆိုင်မှာ ဆိုင်(၂၀)လောက်သာ (၂၄)နာရီဖြည့်တင်းပေးတာကြောင့် ဆိုင်အားလုံးကို (၂၄)နာရီလုံး ဖြည့်တင်းပေးနိုင်အောင် YRTA အနေနဲ့ လျှပ်စစ်နှင့်စွမ်းအင်ဝန်ကြီးဌာန၊ မြန်မာ့ရေနံသဘာဝဓာတ်ငွေ့လုပ်ငန်းကို အချိန်တိုးမြှင့်ပေးဖို့အတွက် ညှိနှိုင်းဆောင်ရွက်ထားတယ်လို့ သိရပါတယ်။ CNG ဖြည့်တင်းမှုတွေကြောင့် YBS ယာဉ်လိုင်းတွေမှာ ပြေးဆွဲတဲ့ အခေါက်ရေတွေလည်း လျော့နည်းသွားသလို ခရီးသွားပြည်သူတွေ စီးနင်းရတာလည်း ကားတစ်စီးနဲ့ တစ်စီးစောင့်ဆိုင်းရ အချိန်တွေလည်း ကြာမြင့်တယ်လို့ ယာဉ်မောင်းတွေက ပြောပါတယ်။CNG ဖြည့်တင်းမှုတွေအတွက် စောင့်ဆိုင်းရချိန်တွေ လျော့နည်းစေဖို့အတွက် လျှပ်စစ်မီးရရှိအောင် အချိန်တိုးမြှင့်ပေးသလို CNG ဖြည့်တင်းတဲ့ Pump တွေကိုလည်း တိုးချဲ့ပေးရင် အဆင်ပြေနိုင်မှာဖြစ်တယ်လို့ ယာဉ်မောင်းတွေထံက သိရပါတယ်။


 

Related News