မြန်မာနိုင်ငံဘတ်စကက်ဘောအဖွဲ့ချူပ်ကတော့ မေလ (၁၅)ရက်ကကျင်းပခဲ့တဲ့ (၁၉)နှစ်အောက်ဘတ်စကက်ဘောပြိုင်ပွဲနဲ့ အလွတ်တန်း ဘတ်စကက်ဘောပြိုင်ပွဲက အကောင်းဆုံးကစားနိုင်တဲ့ လူငယ်ကစားသမားများကို ရွေးချယ်သွားပြီးတော့ လေ့ကျင့်ပေးသွားဖို့လည်းရှိနေပါတယ်။မြန်မာနိုင်ငံဘတ်စကက်ဘောအဖွဲ့ချူပ်က မေလ (၄)ရက်နေ့ကစတင်ကာ မျိူးဆက်သစ်ကစားသမားများပေါ်    ထွက်ဖို့ရည်ရွယ်ပြီး (၁၉)နှစ်အောက်ဘတ်စကက်ဘောပြိုင်ပွဲ နဲ့ အလွတ်တန်းဘတ်စကက်ဘောပြိုင်ပွဲကိုကျင်းပ  ပေးခဲ့ပါတယ်။ကျင်းပတဲ့ပြိုင်ပွဲမှာလည်း တိုင်းနဲ့ပြည်နယ်အသီးသီးကအသင်းများစွာလာရောက်ယှဉ်ပြိုင်ခဲ့တာ  တွေ့ရပါတယ်။(၁၉)နှစ်အောက်ပြိုင်ပွဲမှာတော့ အမျိူးသား ကော အမျိူးသမီးကစားသမားတစ်ချိူ့ရဲ့ကစားပုံတွေ   ကို ကြိုက်နှစ်သက်မှုရှိကြောင်းကိုလည်း မြန်မာနိုင်ငံဘတ်စကက်ဘောအဖွဲ့ချူပ်ဒု-ဥက္ကဋ္ဌက အခုလိုပဲပြောပြသွား  ခဲ့ပါတယ်။ 

အခုလက်ရှိမှာလည်း မြန်မာနိုင်ငံဘတ်စကက်ဘောအဖွဲ့ချူပ်က ဆီးဂိမ်းပြိုင်ပွဲအတွက်  အမျိူးသား အယောက်   (၂၀)နဲ့ အမျိူးသမီးအယောက် (၂၀)ကို စခန်းသွင်းလေ့ကျင့်ပေးလျက်လည်းရှိနေပါတယ်။လက်ရှိမှာတော့ အဆိုပါကစားသမားတွေက လက်ရှိအချိန်မှာ မြန်မာနည်းပြနဲ့သာလေ့ကျင့်မှုတွေပြုလုပ်နေပေမဲ့ ဇွန်လအတွင်း   မှာ ပြည်ပနည်းပြကို ငှားရမ်းဖို့လည်းရှိနေပါတယ်။အခုကျင်းပတဲ့ အလွတ်တန်းပြိုင်ပွဲကနေ ကစားသမားရွေးချယ်ဖို့မရှိပေမဲ့ (၁၉)နှစ်အောက်လူငယ်ပြိုင်ပွဲက အကောင်းဆုံးကစားခဲ့တဲ့ ကစားသမားတွေကို မြန်မာနိုင်ငံ    ဘတ်စကက်ဘောအဖွဲ့ချူပ်ကရွေးချယ်ပြီး လေ့ကျင့်ဖို့လည်းရှိနေပါတယ်။အခုလို လူငယ်ပြိုင်ပွဲတွေကို ကျင်းပ   ပြုလုပ်တဲ့ အပေါ် ကိုးကန့်ဘတ်စကက်ဘောအသင်းရဲ့အုပ်ချူပ်သူက သူရဲ့အမြင်ကိုအခုလိုပဲပြောပြသွားခဲ့ပါတယ်။မြန်မာနိုင်ငံဘတ်စကက်ဘောအဖွဲ့ချူပ်ကတော့ ဇွန်လအတွင်းမှာ အိုလံပစ်နေ့ပြိုင်ပွဲအဖြစ် ၃ ယောက်တွဲဘတ်   စကက်ဘောပြိုင်ပွဲကျင်းပဖို့ရှိကြောင်းလည်း သိရပါတယ်။


 

Related News