ဒုတိယအကြိမ်မြောက် Tourism  MSME Forum 2019 ကို မေလ(၁၆)ရက်က ရန်ကုန်မြို့ ကရ၀ိတ်ဟိုတယ်မှာ ကျင်းပပြုလုပ်ခဲ့ပါတယ်။ Tourism  MSME Forum ကို ဒုတိယအကြိမ်မြောက် ပြုလုပ်တာဖြစ်ပြီး (၂၀၁၇) ခုနှစ်မှာ ပထမဆုံးအကြိမ် ကျင်းပခဲ့တာ ဖြစ်ပါတယ်။ ပထမအကြိမ်ကျင်းပခဲ့တဲ့ ဆွေးနွေးမှု ရလဒ်တွေကို  (၂၀၁၈) ခုနှစ်က နေပြည်တော်မှာပြုလုပ်ခဲ့တဲ့ မြန်မာ့ခရီးသွားလုပ်ငန်းဆိုင်ရာ ညီလာခံမှာ တင်ပြခဲ့ပြီးဖြစ်ပါတယ်။ ဒီတင်ပြခဲ့တဲ့ အချက်တွေကို အခြေခံပြီး လက်ရှိမှာကြုံတွေ့ နေရတဲ့ အခက်အခဲတွေကို ပူးပေါင်း ဖြေရှင်းနိုင်အောင် ဒီဆွေးနွေးပွဲကိုပြုလုပ်တာလို့သိရပါတယ်။

ဒီဆွေးနွေးပွဲမှာ အငယ်စား၊အသေးစား၊အလတ်စား လုပ်ငန်းများဖွံ့ဖြိုးတိုးတက်စေဖို့အတွက် နည်းပညာဖွံ့ဖြိုးတိုးတက်ရရှိရေး၊ ဈေးကွက်ဝေစုရရှိရေး၊အခွန်ရေးရာကိစ္စများ၊ချေးငွေကိစ္စများ၊ ပြဋ္ဌာန်းထားသော တည်ဆဲဥပဒေများနဲ့အညီ လိုင်စင်မဲ့လုပ်ငန်းများ၊ ကြီးကြပ်ရေးကိစ္စများ စတာတွေနဲ့ ပတ်သက်ပြီး အဖြေထုတ်ညှိနှိုင်းနိုင်ဖို့ ဆွေးနွေးခဲ့ကြပါတယ်။ မြန်မာနိုင်ငံမှာ လက်ရှိ အငယ်စား၊ အသေးစား၊ အလတ်စား ခရီးသွား လုပ်ငန်းတွေဟာ (၉၀)ရာခိုင်နှုန်းကျော်ထိရှိနေတာကြောင့် ဒီလုပ်ငန်းတွေ အဆင်ပြေရင် ခရီးသွားလုပ်ငန်းတွေ ပိုမိုတိုးတက်လာမှာဖြစ်တာကြောင့် အခုလို ဆွေးနွေးခဲ့တာဖြစ်တယ်လို့သိရပါတယ်။အငယ်စား၊အသေးစား၊အလတ်စား ခရီးသွားလုပ်ငန်းတွေအတွက် ဘဏ္ဍာငွေရရှိနိုင်အောင် ထောက်ပံ့မှုတွေလုပ်ဆောင်ပေးနေပြီး နောက်ပိုင်းမှာတော့ နည်းပညာ၊ ဈေးကွက်တွေ ရရှိနိုင်ဖို့ကို သက်ဆိုင်ရာဝန်ကြီးဌာန၊ အာဏာပိုင်အဖွဲ့အစည်းတွေနဲ့ပူးပေါင်းပြီး ဆွေးနွေးမှုတွေ ပြုလုပ်သွားမယ်လို့သိရပါတယ်။


 

Related News