အဝေးသင်မေးခွန်းကို ယခုနှစ်မှစတင်ပြီး ကိုယ့်ကျောင်းကိုယ့်မေးခွန်းစနစ်နဲ့ စတင်ပြောင်းလဲ ဆောင်ရွက်သွားမယ်လို့ ပညာရေးဝန်ကြီးဌာနမှ မေလ(၁၅)ရက်က ပြုလုပ်ခဲ့တဲ့  နိုင်ငံတော်အစိုးရ၏ပြည်သူ့အတွက် တတိယ(၁)နှစ်တာကာလအတွင်း ဆောင်ရွက်ခဲ့မှုတွေနဲ့ ပတ်သက်တဲ့ သတင်းစာရှင်းလင်းပွဲက သိရပါတယ်။ အရင်ပညာသင်နှစ်တွေက အဝေးသင်စာမေးပွဲ ဖြေဆိုကြတဲ့ ကျောင်းသားကျောင်းသူတွေဟာ အထက်မြန်မာပြည်အတွက် မေးခွန်းတစ်စုံနဲ့ အောက်မြန်မာပြည်အတွက် မေးခွန်တစ်စုံဆိုပြီး မေးခွန်း(၂)စုံနဲ့ သတ်မှတ်ပြီးဖြေဆိုခဲ့ကြတာဖြစ်ပါတယ်။ အခုပညာသင်နှစ်ကစလို့ ကိုယ့်ကျောင်းကိုယ့်မေးခွန်းစနစ်နဲ့ စတင်ကျင့်သုံးသွားမှာဖြစ်တယ်လို့ သိရပါတယ်။ ယခုစနစ်ကို စတင်ကျင့်သုံးတာက အဆင့်မြင့်ပညာကဏ္ဍကို အဆင့်မြှင့်တင်ဆောင်ရွက်မယ့် NESP Plan အရ ဆောင်ရွက်ခဲ့တာလို့ ပညာရေးဝန်ကြီးဌာန၊ အဆင့်မြင့်ပညာဦးစီးဌာနမှ ညွှန်ကြားရေးမှူးချုပ် ဒေါက်တာသိန်းဝင်းက ပြောပါတယ်။ 

အဝေးသင်ဖြင့် ဘွဲ့ ရရရှိကျောင်းသားကျောင်းသူတွေအနေနဲ့ ယခင်က အထက်မြန်မာပြည်အတွက် မန္တလေးနဲ့ အောက်မြန်မာ ပြည်အတွက် ရန်ကုန်မှာဘွဲ့ယူရပြီး ဒီလို ဘွဲ့ယူရမှာ ကုန်ကျစရိတ်တွေများပြားပြီး အခက်အခဲတွေရှိတာကြောင့် ယခုနှစ်မှ စတင်ကာ  အဝေးသင်ဌာနခွဲတွေရှိတဲ့ ၀ိဇ္ဖာသိပ္ပံတက္ကသိုလ်(၃၆) ခုမှာ ဘွဲ့ရယူနိုင်ရေး အတွက်လည်း  စီစဉ်နေတယ်လို့ အဆင့်မြှင့်ပညာဦးစီးဌာနမှ ညွှန်ကြားရေးမှူးချုပ် ဒေါက်တာသိန်းဝင်းကပြောပါတယ်။ ပြည်တွင်းက ၀ိဇ္ဖာသိပ္ပံတက္ကသိုလ်တွေ မှာ တက်ရောက်နေတဲ့ ကျောင်းသားကျောင်းသူတွေထဲမှာ နေ့သင်တန်း(Day)ကိုတက်ရောက်နေတဲ့ ကျောင်းသားကျောင်းသူအရေအတွက်ဟာ (၄၀)ရာခိုင်နှုန်းသာရှိပြီး ကျန်၆၀ ရာခိုင်နှုန်း မှာ အဝေးသင်တန်းကို တက်ရောက်နေတဲ့ ကျောင်းသားကျောင်းသူတွေဖြစ်တယ်လို့ သိရပါတယ်။ 

 

Related News