ဘုရင့်နောင်ကုန်စည်ဒိုင်က သင်္ကြန်ကာလမှာပိတ်ပြီး နှစ်ဆန်း(၂)ရက်နေ့ ဧပြီလ(၁၈)ရက်မှာ ပြန်ဖွင့်ခဲ့ပေမယ့် ကုန်စည်အ၀င်ကတော့ ပုံမှန်ရက်တွေထက် နည်းနေသေးတယ်လို့ ဘုရင့်နောင်ကုန်စည်ဒိုင်က သိရပါတယ်။ဘုရင့်နောင်ကုန်စည်ဒိုင်မှာ အရင်နှစ်တွေကပုံမှန်အားဖြင့် ကြက်သွန်နီကားအစီးရေ (၅၀)ကျော်ထိဝင်ပေမယ့် သင်္ကြန်ကာလအပြီးမှာတော့ ကြက်သွန်နီကားအစီးရေ (၃၀)ကျော်သာ ၀င်ပြီး အခြားဆက်စပ်နေတဲ့  ကြက်သွန်ဖြူ၊ကြူကုတ်ကြက်သွန်၊အာလူး၊ ငရုပ် စတဲ့ကုန်စည်တွေဟာလည်း  အ၀င်နည်းနေတယ်လို့ ဘုရင့်နောင်ကုန်စည်ဒိုင်၊ ရန်ကုန်တိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်းမှ ဥက္ကဋ္ဌ ဦးခင်ဟန်က ပြောပါတယ်။အခုနှစ်မှာတော့ သင်္ကြန်ကာလအပြီးထိ  ကြက်သွန်နီအပြင် ကြက်သွန်ဖြူ၊ ကြူကုတ်၊ အာလူး စတဲ့ စားသောက်ကုန်တွေလည်း ယခင်နှစ်တွေထက် ဈေးကျနေတယ်လို့သိရပါတယ်။လက်ရှိမှာတော့ ကုန်စည်တွေအ၀င်နည်းနေပေမယ့်လည်း သင်္ကြန်မတိုင်ခင်က ဘုရင့်နောင်ကုန်စည်ဒိုင်မှာ အရောင်းအေးခဲ့တာကြောင့်ကုန်စည်ပြတ်လက်မှုမရှိဘူးလို့ ဘုရင့်နောင်ကုန်စည်ဒိုင်၊ရန်ကုန်တိုင်းဒေသကြီးကုန်သည်များနှင့်စက်မှုလက်မှုလုပ်ငန်းရှင်များအသင်းမှဥက္ကဋ္ဌဦးခင်ဟန်ကပြောပါ တယ်။လာမည့် ဧပြီလ(၂၂)ရက်ကစပြီး  ဘုရင့်နောင်ကုန်စည်ဒိုင်ကို ကုန်စည်ဝင်ရောက်မှုကပုံမှန်အတိုင်းများလာနိုင်မယ်လို့ ဘုရင့်နောင်ကုန်စည်ဒိုင်က သုံးသပ်ထားပါတယ်။

 

Related News